ِِ مقــهى البـوح الشـعري ..،، تفضل أرتشف قهوتك ..ِِ.

لو ضاقت الدنيا*
على راعي الطيب*
يبقى شذى طيبه*
على الناس*
طايب*
للغيم في صدر*
الثرى صوت ترحيب*
والطيب هو فعلك*
ياراعي*
النجايب*
وفي كل يوم تشرق*
الشمس وتغيب*
ويبقى \" ( ابوي ) \" والكل غايب

كم عشقت هذه القصيده



يكبر قسى جـرح السنيـن ويعنّـي===رجل الحزين اللي على حـد الادراك*
هذا أنا يـوم أخلـف الوقـت ظنّـي===الحزن حزنـي والسوايـا سوايـاك*

بكيـت وأبكيـت العيـون وبكـنّـي===تعال شفني كـل مـا حـان ذكـراك*

كـم واحـدٍ جانـي بعـدك وسألنّـي===شخبار من حبيـت وأقفـى وخـلاك؟*

وأصـد والحـزن الخفـي ممتحنّـي===وأن قلت منهو قيل ماهـوب يخفـاك*

قيل العوض قلت العوض ما شحنّـي===والله لا هــــــذا ولا ذا ولا ذاك*

يا مـا بعضهـم مرنـي مـا فتنّـي===يا جعل ماهم بالعوض فـي محيـاك*

الله لا يجبـر عـزا مـن عذلـنّـي===ما جاه ما جاني ولا جـاه مـا جـاك*

واللي عذل ويقول (لـو و لـو أنـي)===جعل يعشق لـه واحـدٍ كنـه إيـاك*

ما فيـه شـيٍ فـي حياتـي غبنّـي===الا نهار أقفيت وأنـا أسمـع إبكـاك*

الله مـن جــرحٍ قـديـمٍ مكـنّـي===أمداك نزفه لكـن ادواه مـا أمـداك*

علـيّ كـم جـار الزمـان وطعنّـي===أسمع صدى صوت المعاليق تنخـاك*

وين أنت ياللي كل مـا غبـت كنّـي===واقف على بـاب الأمـل وأتحـراك*

ليتك تعـرف تخـون وأقـول خنّـي===على الأقل القـى سبـب وأتناسـاك*

وليت الزمـن فمحبتـك مـا خذلنـي===وليت الهجر من طيب خاطرك ورضاك*

لـو أن قربـك والوصـل بالتمنّـي===ما غبت عن عيني كثر مـا اتمنـاك*

خايف يطـول البعـد وتسـج منّـي===وياخذ مكانك شخص ماهوب يسـواك*

وش عاد أسوي يومك أقفيـت عنـي===لا أنا أتبع المقفي ولا أحـب فرقـاك

قالوا تريح قلت ياناس أبا اروح ** مراحي أطيب ويش أنا قاعدٍ له
لا عاد مقعادي على غير مصلوح ** هذاك مقعاد القصى والمذله
ولاني ابناطركم تقولون مسموح ** والله لروح ومن قضبني لا اتله
إن ما تهيت هرجه الروح للروح ** باقي السوالف ريح دخان جله
أنا هواي اللي مع العقل مملوح ** هرجه قليل و لا تجي فيه زله
هذاك أنا لعيونه السود مطروح ** إن عفّ و الا مافعل فدوة ٍ له

انا يا صاحبي اسف ابمحي من الحشى ذكراك
وتبقى لحالك لحالك وانا اقرب محبينك

تناديني بعد صدك بيرجعلك صدى زقراك
خلاص انسى تفارقنى ولملم لي بقى فعينك

هذاك اول وانا احبك ومجرى الحب هو مجراك
ولا تحاول معي ما عاد يشفعلك ترى زينك

تبيني ارجع , دخيلك بس كفاية من نصب الاشراك
تشربك واقعي بامسي ولا فادتني ايدينك

تجرعت الوهم والهم بدمع الآآه وش دراك
بحسراتن على اللي قد حصل ما بيني وبينك

قتلته حبك الخادع بايدي ولا بعد بشراك
بتبقى لحالك لحالك وانا ابعد محبينك

لا تجرح صيامي و لا اجرح صيامك ** ما دام تفكيرك درينا بخافيه
أرجوك ريحني و وفّر كلامك ** دامه كذا يا ليت لو تحتفظ فيه
وش عاد اسوي فيك بالله دامك ** شكّكت باللي رافق النعم طاريه
تسمع بمن عزّك و قدّر مقامك ؟! ** و تصدّق اللي ما عليهم مشاريه ؟!

مــ ع ـــيبد

كل قلب في ذراه الحب عاش 000فيه طيبه زايده عن حدها
والقلوب ان فارقت صارت هشاش000موحشه والذكريات تشدها

متعب التركي

°°•.•
أوفففف يــــ*
الـــقــلــب الـــحـــزيــن
كـــل هـــبـــہ تـــجـــرحـــہ !
•.•..