خـيمة مـــنتدآنآ ~{ حيآاآاآاآاآاآكم آللهـ ..،

صباحكــــــــــــــــــــــــم ورد

جاكرتكا باكرتكا شنق بنق نفس معاني المطوع

صبــــــــــاح الخير في احد اسولف معاه انا اليوم ماداومت

تعال حكيم اقولك وش صار معي قبل يومين
جاني واحد ملقوف من اخوياي المهم انا كنت حالف اني ماخاويه لانه دايم وجه نكبه
المهم لما جاني قال خاوني نبي نروح مدينة ينبع قلت والله ان ينبع ماعمري جيتها
وانا حالف اني ماخاويك لا كن تدري المره هذي والظاهر ماعاد اعودها الله يستر من
نكباتك
مشيناء انا وياه ومن عادته دايم الملعون يتحلم بالليل اليا نام وهاك اليوم من قرادة
الحظ صابته حمى المهم انا سيرنا على رجال وسوى لنا عشى ولما تعشيناء
جاب لنا فرش ولحف وقال ناموا بدري على شان بكره نقوم صلاة الفجر قلنا خير
انشاء الله المهم ياطويل العمر انا نمناء وبعد ساعتين الا وخويي اشوفه صاحي
وانا اخبره دايم يتحلم اما يضارب اللي عنده ولا يطفي المكيف ولا يسوي اي شي
المهم شفت الرجال طلع برا الغرفه قلت يمكن راح الحمام
اثاري الملعون دخل على اهل البيت ومعه مخدته وجا بين الرجال وحرمته وحط مخدته
وحط رجل فوق رجل وطقها نومه حسبي الله على ابليسه شف كيف نكبني
المهم انتظرت ماجاء وناظر الا وهو داخلاً مع باب البيت قلت وزت النكبه مير الله يخارجنا
المهم راع البيت شاف الولد نايم قال يمكن سكرانين والله ويدق على الشرطه
ولما جونا الشرطه شالونا لقو الحراره عنده 39 ودوه المستشفى وانا على التوقيف
وشفيه قالو راع البيت يقول انتم سكارى
المهم حللونا وطلعنا سليمين مافينا غير العافيه
وخويي رقدوه بالمستشفى وجا راع البيت وكفلني وخذني معه قلت نزلني عند
وجه النكبه لايجيب النا كارثه بالمستشفى
المهم ياحكيم ماتدري وش صار بعدها انا مشغول هالحين اشوي وكملك القصه

المهم ياحكيم طلع خويي من المستشفى قلنا لرجال كرمك الله واستر على ماوجهت ومشيناء
ورحنا الصباح نراجع بمعامله لوجه النكبه ماخلصنا الا العصر والله ونتكل على الله لم القصيم
ويوم جينا مفرق الحناكيه بعد صلاة العشاء ماعاد نشوف من النوم قال نبي نمر واحد ننام عنده
قلت حبيبي حتى فندق ماننام فيه اشتري لك فراش سفري الله لايهينك وننام جنب الطريق
بلا مشاكل بلا خرابيط قال طيب ماكو مشكل اهم شي انام وقفنا بالمحطه وخذنا فرش ونمنا
بالموقف الجانبي
والله يوم صحيت الفجر الا هو يدق على جوال ومفتاح السياره معه اثري الملعون سرا بالليل
لواحد بكستاني سايق دينا نايم بجنبنا وطلع بصندوق الدينا وحط راسه وكفخها نومه
البكستاني سرا أخر الليل واخينا بالله نايم بالصندوق ماصحى الا الفجر الا والبكستاني
واصلن قبل الطايف 70 كيلو ويدق على يعلمني بقصته
قلت طيب مفتاح السياره وينه قال معي قلت جعلك ماتعود يالملعون هذا اللي ماتوقعته
ولا حسبت حسابه
اااااااااه ياحكيم لو تدري وش صار فيني والله ماتصدق
المهم قلت انزل وتعال تاشيره وانا ابي احاول اكسر الدقمه واشغل السياره وتوجهلك
قال اقول بلا كسر دقمه بلا خرابيط انثبر عند السياره لين اجيك الليله اصلك مجاني
بقرب دينا انام بصندوقها والصبح وانا عندك اهم شي لاتكسر سيارتي
المهم بكره اكملك معاناتي معه الملعون فقع مرارتي

ههههههههههه اما عاد والله ماتدخل العقل يابدوي

ماتدري ياجنون انسان وش صار في هذولي كلها تهون بكره اقولكم بالكارثه العضمى