ِِ مقــهى البـوح الشـعري ..،، تفضل أرتشف قهوتك ..ِِ.

ياويل قلبي كل مااشتقت لقياه
وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه
وأنسى معه ذكرى السنين وحنينه

لقيت نفسي كل ما حل طرياه
عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حبيبي ماتغيّر بزينه

ماجيت أسولف عن حلاه ومزاياه
يكفي أحاسيسي وقلبي عارفينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحنينه

بوسط الحشا في داخل الصدر مثواه
إما يسار القلب وإلا يمينه

يالمنتدى ياللي عـن الحـال تـدري
ياللي عليك أشكي وأسجـل مواثيـق

وأخط إلك بالشعر لاضـاق صـدري
من لاااهب(ن) وسط الحشاء بالمعاليق

إماا جبـرت النفـس وزداد قـدري
ولا مماتي خير من عيشـت الضيـق

يقطعك ياقلب(ن) مع الحـب تسـري
دهورتنـي بالحـب ويـا المطافيـق

أرفق علـي أشـوي ياقلـب بـدري
توني صغير وحالتي ضيق في ضيق

أسهر مع ليل الدجـى ليـن فجـري
وأنام ساعه وأصحي أبنشفت الريـق

ماشفت أنا الراحات في كل عمـري
في رغم سنـي للهوى صـح ماليـق

شفت العجايب بالهوى شفـت قبـري
موت الهوى ذقته وانا فيـه ماحيـق

من بدل أبقلبه وضيمـه أبيشـري؟؟
< أعلان في قلبـي إلكـل المخاليـق


خلاص انـا ياقلـب ماعـاد مـدري
ماشفت منك غير بلـوه مـع ضيـق

,


لذّة خفوقي وانجلايـة ضبابـه
سجدات ليلٍ ظالمينه مناعيـس
فاجواء مكّه والحرم والرّحابـه
لا يا بعد روما ولندن وباريـس
هذي ديار المصطفى والصحابـه
وهذيك ديار ابليس وعويّل ابليس

يمكن الله ماقسم حب (ن) يدووم
لكن اشهد عقبك الخافق خلي


مالنا قدره على كسر القسووم
لكن اسمع كلمتي فيها يلي

والله لو تقعد بنا الدنيا وتقوم
أنت أغلى واحد(ن) يطري علي

بعض البشر من زود ماهو بـ مقبول
لو ( يتصل ) بك قلت ٠٠ لبئ اتصاله

وبعض البشر لو اتصل .. ودك تقول
يامن شراله علتن ٠٠ من ( حلاله )

منظر طواف الحرم والناس والزحمه
يشعرني بحجم تقصيري ويصغرني
اسائلك ياذو الجلال الستر والرحمه
ارحمني برحمتك وبسترك استرني

بكتِ القلوبُ على وداعك حرقةً .. كيف العيونُ إذا رحلتَ ستفعلُ

ها قد رحلت أيا حبيبُ وعمرنا .. يمضي ومن يدري أَنتَ ستقبلُ

فعساكَ ربي قد قبلت صيامنا .. وعساكَ كُلَّ قيامنا تتقبَّلُ

بكت المساجدُ تشتكي عُمَّارها .. كم قَلَّ فيها قارئٌ ومُرتِّلُ

إن كانَ هذا العامَ أعطى مهلةً .. هل يا تُرى في كُلِّ عامٍ يُمهِلُ؟

لا يستوي من كان يعملُ مخلصاً .. هوَ والذي في شهره لا يعملُ

رمضانُ لا تمضي وفينا غافلٌ .. ما كان يرجو الله أو يتذلَّلُ

رمضانُ لا أدري أعمري ينقضي .. في قادم الأيامِ أم نتقابلُ!!

فالقلبُ غايةَ سعدِهِ سيعيشُها .. والعين في لقياكَ سوف أكحِّلُ