ِِ مقــهى البـوح الشـعري ..،، تفضل أرتشف قهوتك ..ِِ.

يقول الأمير الراحل سعود بن بندر...في العيد ......****

أقول في نفسي وأنا أعايد الناس :::::متى بشوفك تكمل أفراح عيدي
أجامل وربي عليم ٍ بالإحساس ::::::: وشهو شعوري وأنت عني بعيدي
اللي خذاني لك على سهو هوجاس ::::: حسيت نفسي وسط ربعي وحيدي
لو حسوا بما بي يقولون لاباس ::::::: بدال قولة على عيدك سعيدي
لاصرت عندي وقتي أعياد وأعراس:::: حتى ولو إني وسط سجنٍ حديدي
عاشرت خلان وتخالطت بأجناس::::: محدٍ سواك أهديته القلب بيدي !!
من تحت ما طا الرجل لي هامت الراس:::: كلش هويته فيك والله شهيدي
لقيت بك ذوقي وأنا قاطع الياس:::::: ومعك بدا يحيا الأمل من جديدي..

كلٍ نهار العيد عايد حبيبه ** و التمّ شمل أهل القلوب المواليف
و أنا حبيبي غايب الله يجيبه ** يا حسرتي كان انتهى العيد ما شيف

تدري وش اكبر خطــآي الله يسامحني؟
إقفايتي عنك وأنت اللي تمنيته
هذا هو اللي معذبني وجــآرحني
اقول بنساه وانـــا ماتناسيته

ألعيد مآهو يوم وآحد بشوآل ,
العيـد يآعذبَ الكلآم بوجوٍدكَ.

غرام غيرك "حرام" وحبك "محلل "
يا أحلى من السكر اللـي بآخـر الشاهـي
,
لـك ..فـزّ قلـبـي بـطـوع وكـبّـر و هـلــل
يآ من بزينه و لينه مآلـه .. مضااهـي

قم سو فنجال ٍ على الكيـف سـوّه= يطلق نظر عيني ويطرد اعماسـي
واحذر تطول البن ياسعـود ضـوّه= لاحمسـةٍ حرقـه ولابـه يباسـي
بالهيـل كثـر فيـه حـبـه وروّه= وبنّـه ومـاه مقايسينـه اقيـاسـي
صبه على اللي يدركـون المـروّه= اللي تبيّن فـي السنيـن القواسـي
وعده عـن اللـي مابقلبـه جـروّه= لاصار في بعض العلوم إلتباسـي
واكتـب لنـا مبـداً بدينـاه تــوّه= فكري حظر عندي وهيّض احساسي
فكرٍ يصوغ اللعب لاطـاب جـوّه= صوغ الذهب ماهو بصوغ النحاسي
ولاتوخذ الطوله من النـاس قـوّه= والبيت مايبنا علـى غيـر ساسـي
لاخان ساس البيت يطـرح علـوّه= والريح ماهـز الجبـال الرواسـي
بني رشيد اهـل الوفـا والحمـوّه= لاصار في دور الزمان انعكاسـي
انشـد وتلقـا فعـل كـل السمـوّه= يـوم الحرايـب حدهـم مايداسـي
حنـا وطنـا مانجـامـل عــدوّه= دون الوطن فينا اندفـاع وحماسـي
مساهميـنٍ فـي رخـاه ونـمـوّه= ونحميه من فتنة ارخومٍ اخساسـي
وعدونـا مـردود كيـده وســوّه= ليا إلتحلف بالكم خطـو الهداسـي
فعلـن قديـمٍ شـاع ماهـو بتـوّه= بين القبايل منـه مرفـوع راسـي
والناس فيهـم مـن شجـاعٍ ولـوّه= ومن يكسب الطولات مافيه باسـي
وإلا مـرد النـاس لأدم وحــوّه= مافيه فـرقٍ بيـن كـل الجناسـي
إلا بتـقـوى الله وتـبـع النـبـوّه= اللي ذكر ربـه بصبـح ومماسـي


للشاعر : شبيب بن جعيلان (( رحمة الله ))