ِِ مقــهى البـوح الشـعري ..،، تفضل أرتشف قهوتك ..ِِ.

* أشتـقـت لــك يـا اللـي عـلـى الـبــال مـريــت
........... وجلـسـت أفـكـر فـيـك مــن غـيــر لاأدري

حاولـت أسلـي خـاطـري عـنـك وأزريــت
........... قلـبـي مـعـك مشـغـول لــو قـلـت مـــدري

أنـت الوحيـد الـلـي مــن الـنـاس حبـيـت
........... وأنــت الــذي شـوقـك مــع الــدم يـجــري

تـــدري وش الـلــي حـــد قـلـبـي وغـنـيـت
........... ومــن سبـتـه ضيـعـت عـزمــي وصـبــري

أنـــــك مــعـــي بـالــحــب مــاقـــد زلـــيـــت
........... ودايــــم عــلــى رايــــي وظــنــي وخــبــري

مهـمـا كتـبـت مــن القـصـايـد وسـويــت
........... ومـهـمـا طـرالــي فـــي خـيـالــي وفــكــري

ومـهــمــا بـحــبــك بـالـمـعـانـي تـمــاديــت
........... مـــاقـــدر أعـــبـــر مــاطــرالــي بــشــعـــري

مـــن بـعـدكـم لانـيــب حـــي ولامــيــت
........... عـايـش وألــد الـعـيـن فـــي جـــال قـبــري

فــي خـاطـرك كلـمـه وأنــا فـيـك حسـيـت
........... بـقـولـهـا لـــــك وأنـــــت خــابـــر وتـــــدري

أعــاهــدك باللـــــي رفـــــع رايـــــة الـبــيــت
........... مـا خـون حـب عـاش فـي وسـط صـدري

نكتــــم ونشكي من الأحزأن في خلوٍه ...
وآليوم في صمت لآنكتم ولأنشكي ...
لو إن دنيآ آلشقى يآصآحبي حلوٍه ...
ما كأن شفت آلطفل يولد وهو يبكــــي ...

لك في خفوقي ألف
مرسى للإبحار ..
مد الشراع وشد حيل
السفينه ..وابحر عساك تكون
للروح بحار ..
أمواج قلبي في يمينك
رهينه ..
لجلك كتبت ((( أهواك )))
باصداف واحجار ..
وفاض البحر للبر وأعلن
حنينــــــه ......

الحلــم ( لوحــه )يشـوّهـا القــــدر بـ إقتـدار*
. . . و الهم / لحنٍ على أوتآر الضلوع , إمعزوف*


رح و أسأل الدمع وش معنى : ( سقوط الكبار )
. . . و رح و أسأل القلب وش معنى : ( تخون الضروف )

بعض العرب حبه يوردك الجنون
،،،، ولا يوصّـف له غلاك حكاك له
ما يقنعه وصف الغلا لو وش يكون
،،،، لو كل حرف(ن) بالحرير يحاك له
الموت جاك وهو تقلبه الظنون
،،،، ولا لك الا الصبر ( وش وداك له ؟ )
ان قلت ضايق قال هونها تهون
،،،، ما يدري ان ضيقتك له وبكاك له
تقعد تحبه وانت ساكت ومغبون
،،،، يمكن بيوم يدال له منفاك له
و كانك مشكك هو يمون او ما يمون
،،،، تخيل ان عفت الصبر فرقاك له
غلاه من فوق الغلا ما هو بدون
،،،، و حكاه سمعك يجبرك برخاك له
ودك تحطه بالعيون من العيون
،،،، وتبسط على رمض الثرى يمناك له
و تظله من الشمس في ظل الجفون
،،،، ولا يمر اذنه سوى لـبـّّـاك له
و تسج من غيره لو انهم يذكرون
،،،، ومنين ما سجت القدم ممشاك له
غرون(ن) يميله الترف ميل الغصون
،،،، غصن الليان ومكرمه بسقاك له
وجديله لا اقفى ستر منه المتون
،،،، كني بريحه لا التفت بدعاك له
كيك وعسل . . لكن ماهو في صحون
،،،، و دعاك من عين الحسود غطاك له
الله لا يعطيه ناس(ن) ينظلون
،،،، ويستر عليه من النحل لا ياكله
الوصف والتعبير في وصفه يخون
،،،، غير اطلب الله يستجيب دعاك له
و عذال قلبك في محبته يهبون
،،،، سكينهم عن قطع حبله حاك له
ناس(ن) عن اعراض العرب ما يعرضون
،،،، دايم على نفس الشكل والشاكله
اللي من لحوم الأوادم ياكلون
،،،، وحلوقهم دفع البلا متواكله
في سلمهم اولى بالأكل الأقربون
،،،، وأطيبهم اللي صيدته شكواك له
يدعيهم الشيطان للذنب ويجون
،،،، هذا يقطع له وذاك يواكله
ياجعلهم فدوة ثرى الغض الفتون
،،،، اللى على الدرب الطويل إخطاك له
طيفه الا نام البشر زارك بهون
،،،، وطيفك الا نام البشر سرّاك له
حبه دفان ومقبره خضر الطعون
،،،، بين العظام العوج كنك ناكله
اللي كذا حبه لو تموت مغبون
،،،، ولا لك الا الصبر ! ( وش داك له ؟ )

ما أخفي عليك إني بديت أنجذب لك /
............ وأفرح بشوفك كيف لو ترسل إهداء ..؟!
وقلبي بدا ينبــض .. وهــو كان قبلك /
............ ميت ولا له طاري ٍ بين الأحياء ..!
ودي أحبك .. وأعشقك وأنكتب لك /
............ قل ايه تكـــفى لا تضايقني بــ لاء ..!

لاتــكّــثـــريـــن الـــكــــلام ولاتــزيــديـــنـــه
مـوضـوعـنـا مـنـتـهـي مـن لـيـلــة الـجـمـعــه

عــــــزالله ان الـــغــــلا مـاتـســتــحــقــيــنــه
وعــزالله ان الــهــوى مــاعــاد بـــه طـمــعــه

روحــي / وجــرح الـمـحـبــه لااااا تـخـلـيـنــه
تـــراه فـــي حــاجــة الـمـنــديــل والــدمــعــه

لـكّــن امـانــه مــعــك مــافــات .. تـنـسـيــنــه
وخـلـيّـه بـعْــد الـنـجــوم الـلــي لـهــا لـمـعــه

تـنــادمــي فـــي عــزايّــه بـيــنــك وبــيــنــه

وانــا عـلــيّــه هــمــوم الــوقــت مـجـتـمــعــه

مــن يــوم هــذا الـغــرام الـلــي تـقـولـيـنــه ؟
مـا اغـلـى مـن الـروح غـيـرالاسـم والـسـمـعـه

انــا لـنـفـســي رضـيــت الـبــعــد وسـنـيــنــه
اشـعـلـت شـمـعـه .. وجـيـت اطـفـي الـشـمـعـه