لو الثرى يعلم بـ مقدار واطيه !!

[poem=font="simplified arabic,6,white,bold,normal" bkcolor="transparent" bkimage="backgrounds/22.gif" border="double,4,black" type=0 line=0 align=center use=ex num="0,black""]
نادى على كل الغلا قلت لبيه=لبيه عن كل الغلا بالنيابة
لا تزعجه بالله يا اللي تناديه=اخشى عليه تكلفه بالاجابة
ناديت لك حي ٍ لو بروحي افديه=ما هو كثير بحق حضرة جنابه
خله بحاله و الذي فيه كافيه=ما قصرت سود الليال بعذابه
لو كنت مثلي مغرم و ميت ٍ فيه=قريت حزنه بالعيون و عتابه
لا تسأله عن كل شي ٍ يسويه=خله على كيفه يسلي شبابه
لو كان ما باقي له اللي يسليه=الا حروف ٍ تحتضر في غيابه
كتبتها من عمق الاحساس اناجيه=و يا كثر ما خانت قلمي الكتابة
وشلون اعبر له عن اللي له اخفيه ؟=لو كان بالتعبير عندي رحابة
لعل يفداه القصيد و قوافيه=شعر ٍ ما يكتب فيه وش ينبغا به
لا صار هو نبض القصيد و معانيه=و حب ٍ نشا وسط الفؤاد و ربا به
و هو الغرام اللي دلهت بروابيه=و نهر الوداد اللي لذيذ ٍ شرابه
و هو اول الحب الحقيقي و تاليه=لين ان جثماني يوارى ترابه
مستقبل العمر المولي و ماضيه=و من دونه الدنيا سواة الخرابة
الغالي اللي كبر بعيون مغليه=لين ان غيره صار كبر الذبابة
اكبر من أحد ٍ بعيني يساويه=و اكبر من ان أحد ٍ يجي له مشابه
وش قدر ربات البها لو تباريه ؟=ليا حضر محد ٍ بقى له مهابة
اشتاق اشوفه و التقي به و احاكيه=و امشي بدرب ٍ مر فيه و مشى به
لو الثرى يعلم بمقدار واطيه=نبتت على دربه من الورد غابة
و نبتت طواليع الربيع بمواطيه=و لو تنبع الانهار ما من غرابة
و لو ينكشف لليل خد ٍ مغطيه=شتت دياجيره بنور ٍ بدا به
حتى البحر يقدر حبيبي يحليه=لو خالطه شهد ٍ نزل من عذابه
جميل و اجمل من جماله مباديه=و طبع ٍ عن الاشياء الردية رقا به
ما دام حبه وسط قلبي مدفيه=لو هب برد الشبط ما احسب حسابه
و لو غاب طول العمر ما غاب طاريه=من قلبي لعيني ذهابه و إيابه
الله ينساني ليا صرت ناسيه=حتى لو أيّـست و قطعت الرجا به
[/poem]

كلمات / معيبد الرشيدي

أخوي العزيز معيبد
صح لسانك وعلاء شانك وافيه من شاعراً وافي

دمت بخير
تقبل مروري

الشاعر معيبد الرشيدي

عودتنا دائمآ على الجزل

اسم في قمة الابداع وسماء الشعر صح الله لسانك ملايين

لك ارق تحيه

صح لسااانك

صح السانك

صح لسانك ياسيد الاحساس سلمت اناملك الذهبيه التي تنثر لنا اجمل الابيات مبدع في قمم الابداع
معيبد انتا موسيقار الحرف و ملك الشعر بكلماتك الرقيقه والعذبه
اتمنى اني ارى المزيد من ابداعك وانتظر بكل لهفه ومتعطشه لترويني اجمل كلماتك العذبه والراقيه بحسك الجميل الذي يزيدني سعااااده
احترامي وودي
مررت من هنا بكل تواضع
مودتي

ريميه

الشاعر الرائع معيبد الرشيدي

هنا الشعر الجزل والوافي يامال العافيه
فــــ صح الله السانك ملايين ولايسدون
قصيده جزله من راس جزل بلا شك
لاعدمناك في منتداك
عزيزي الفاضل

تقبل مروري وتحييييييييياتي الحاره لك