قصيدة الشمري ورد الرشيدي

قصيدة الشاعر سعود خلف العلياني الشمري الموجهه لشاعر معلقة القبائل الشاعر المعروف يوسف بن فليح الشطنان الرشيدي والشاعران كانا معلمان في حبران من ديار شمر التابع لموقق حائل ولكن الشمري تم نقله الى ديرة سعيدان من ديار شمر التابعه لموقق حائل ايضا وقد وجه الشمري هذه القصيدة للشاعر يوسف بن فليح الرشيدي بعد ان تم نقله وهي على طرق الهجيني

[قصيدة الشمري]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا يوسف الشطنان=يا صاحبي يا كحيلاني
سلام من خاطرن ولهان=واظن ماجالكم جاني
وين انت يامبدع القيفان=دكتور في كل الاوزاني
ياذيب عبس ادحم الميدان=ماينقصك سيف وحصاني
اشوف لا حامت العقبان= بانت لنا قاصي وداني
هتلر فتح للبشر بيبان=بهذلبها الشعب الالماني
والضربة اللي على اليابان=تحركت منها الاذهاني
واكبر مصيبه على الانسان=لا صار ملحد و علماني
والسلعة اللي مع البدوان=تقول يا وين عنواني
والبدو تنزل على الوديان=تدبير من رب الاكواني
والحوت يمشي مع الحيتان=ولا عذرب الصغر شيهاني
و مافيه زودن ولا نقصان=و اليوم وقتي تحداني
ياراعي النقل يالعمران=حظي على وين وداني
العام في موقف الشوشان=واليوم ممشاي وحداني
مذكور بالخير يا حبران=عسى تساقيك الا مزاني
اسلم وسلم على الاخوان=ومنهو سكن حول حبراني
وختامها المسك والريحان=يهدى لذربين الايماني.

[/poem]

رد الشاعر يوسف فليح الرشيدي


[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابدا وبسم الله الرحمان=رب البشر عالي الشاني
من هاجسن يرجح الميزان =ومحاورن كل الادياني
يا مرحبا عد نجمن بان=يا صاحبي يالعلياني
ترحيبتن من وسيع بطان=يرضابها كل زعلاني
وطرق الهجيني يبا طربان=يسري على ليح ليحاني
وبرق الحيا منوة العطشان=وسهيل في منزله باني
ياوسمنا اللي على القعدان=مايجهلك مكرم العاني
والخيل ما تجهل الفرسان=افعالها بكل ميداني
والحر تكفخ به الجنحان=والبوم في منزلن داني
والطلقة اللي على النيشان=من بندقن رميها زاني
مافيه نارن بلا دخان=هذا مثل واسأل الجاني
ياصاحبي كان ياما كان=تصريح من ماض الازماني
مرسي مصر حزبه الاخوان=و بلير حزبه بريطاني
والمسلم اللي سكن لبنان=اصبح مع الوقت نصراني
وترى الخميني كبير الضان=اسقطك يا شاه الايراني
والحجة اللي بلا برهان=يا قربها لجر الالحاني
و يابو خلف مكرم الضيفان=اخاف تسلى وتنساني
لا صرت في ديرة سعيدان =سلم على طير حوراني
وصاحبك في ديرة الشجعان=في ديرة الذيب سرحاني
العام خوة مع اهل الشان=واليوم كلن تعداني
وخوتك يا ذيب يا بطران=خوتك تشرى بالاثماني
وخوة رشيدي لنا عنوان=ايقولها فلان وفلاني
لا هان راع الوفا لا هان=لا هان من قلب ولساني
واهل الوفا للخوي مزبان=مزبان من كل قوماني
ولا صرت يابو خلف طنيان=سطوتك بالسيف شاماني
وشمر وعبس الوفا جيران=من قبل توحيد الاوطاني
واختامها والكريم معان=نخزيك يا كل شيطاني



[/poem]


منقول

يعطيك العافيه على هذي الختيار الراااااااااايع وتقبل مروري

اشكرك اخ فهد على مرورك

وشمر وعبس الوفا جيران ،،،،،من قبل توحيـد الاوطانـي

صح السااااان الشعراء والنعم في جميع القباايل

تستااهل التقييم

تحيتي

اقتباس:
المشاركة الأصلية كتبت بواسطة النجلآ

وشمر وعبس الوفا جيران ،،،،،من قبل توحيـد الاوطانـي

صح السااااان الشعراء والنعم في جميع القباايل

تستااهل التقييم

تحيتي


الف شكر لك النجلا على مرورك وعلى تقييمك الكريم
الف شكر لك

صحت السنتكم الله يعافيك على النقل

مشكور على النقل اخوي المرتضي وصح لسان الشاعرين قمة في الابداع