تنسيق محاورة الشاعر حجاج المهيمزي×عبدالله عيفان السلمي

ملخص محاورت الشاعرين المبدعين الشاعر القادم بقوه الشاعر حجاج المهيمزي
والشاعر الكبير عبدالله عيفان
حجاج
يامرحبا بالضيف والترحيب من سلم العرب ===== مهما يكون الضيف ومن ايا فصيلـه ينتمـي
ياهل العقول اللي عليها العلم ورموز الادب ===== الليه الطاروق ناري بين عبسـي وسلمـي
عبدالله
دام البقاء ياشاعرا تصرف كما صرف الذهب***من شاعر السلمان ذا نطقي وذا خط اقلمي
اليلة الطاروق حامي وسر ياليل الطرب***ونتة مكمل لزمك ونا مكمل لازمي
حجاج
ماهي غريبه وانت شب النار والحقها حطب ==== واخذ الكلام ولاتماهن فيه لاجاء مـن فمـي
اللي يعذرب بالعرب من دون حق ولاسبـب===== هذا ليا جـت للصمايـل كالخـروف الارخمـي
عبدالله
لاشبت النيران تبي يايدين ابو لهب** فوق الحطب نجدع حطب والنار لازم تحتمي
اللي يعذرب في العرب لاحميت الهيجاء هرب ** ماله شبيه(ن) في العرب ولا لقينا له سمي
حجاج
سولف وهجرس بالكلام اللي يسد لـك الطلـب ====وانـا يبـن عيفـان مـن هرجتـك مــازل اقـدمـي
العـام كـلٍ يذكـرك واسمـك مـع العـالـم وجــب=====واليوم لاوالله غدى اسمك هرجت العور العمي
عبدالله
إختار بين الرمح ياحجاج والسيف الحدب *** سيف(ن)حدب لاشافه اللي زاد كفره يسلمي
اذكرك انا بين الاوادم ياعجايب ياعجب *** واسمي مع اهل الطيب والشعار فضلال اعلمي
حجاج
رمحك وسيفك فيك والا الراس مايرجع ذنب===خذهـا وذقهـا يـوم ياعبـدالله اشتـد الرمـي
انا علومي طيبه واطـق فـي راس الشنـب===والاانت تبغااالك رصااصه من ذخاير محزمي
عبدالله
السيف خله واتركه دافع وجاهد في حلب *** اماتموت شهيد ياحجاج ولا تسلمي
انته علومك طيبه لكن حامض ياعنب *** خلك على محزمك ويطيرك نفحه بنسمي
حجاج
حجـاج رجـال المواقـف وان تعـزوى مانغلـب===واليـا فتـح بـاب المجاهـد مايـشـاور يـادمـي
لاثـارت الهيجـا وقامـو مـن يفـكـون النـشـب===يكفي من سلالة رشيد الزول دمي ولحمي

صح لسان الشاعرين مبدعين والله يعافيكم

محاورة رائعة و راقية بين شاعرين قديرين استمتعنا بإبداع كل منهما .

أزكى تحية .

صح لسان الشاعرين حجاج وعبدالله السلمي

محاورة جميله وشيقه استمتعنا بها مع الشاعرين
الشاعر حجاج المهيمزي الرشيدي ,,,,,,,, والشاعر عبدالله السلمي
لهم مني كل الشكر والتقدير

اخبار القبيلة الف شكر لك على نقل الخبر مسبقآ والتنسيق الجميل

لك ودي وتقديري

صح لسان كل شاعر وتحيه بس لونه صوت وصوره كان احلي

نشكر الشاعر عبدالله السلمي تواجده ومشاركته , ونشكر مشرفنا الشاعر حجاج المهيمزي , على التنسيق والدعوة للشاعر .