يزيد .. !!

السلام عليكم ورحمة الله وبركاته
كل عام وأنتم بألف خير ،،
نص أقل مايقال عنه متواضع إهداء لطهر قلوبكم ،،
قصيده موجهه لابني :يزيد
....

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

البارحه جفني عن النوم مصروف = حرّم لذيذه والخلايق هجوعي


أسج وأبحر بالهواجيس وأطوف = سباح غبه وأستند للطلوعي


الوقت حلوه مايدوم ألك مصدوف = وأنا من الصكات ماني جزوعي


لاشك فالدنيا تجاريب وضروف = وتجري جواريها بحد ٍ بتوعي


الغيب خافي سرماهوب مكشوف = والنفس أجلها عند رب الجموعي


العمر ماعمّر بالأخطارمحيوف = والموت حق وسنة ٍ بالشروعي


يزيد من عمر التجارب علي أوف = سمعك وعقلك يافتى لايتوعي


خذ ماخفا غيرك تحت مشة الجوف =وحذرا من الغره تموت مخدوعي


أحرص على دينك وللخمس مكلوف =وزدهن وناج اللي لحسك سموعي


وفي والدينك بر والرفق مريوف = وخلك ذليل ٍ لأمرهم كل طوعي


ومن لايوفّي ماكسب كل معروف = شحيح كف ٍ ماوفت للربوعي


ماسد حاجتهم من المال مخلوف = ولاخير في رجل ٍ قليل النفوعي


وخلك معدي للذرى يمة الخوف = على النقاء مبداك درب السنوعي


ماتاح من غرات الأجواد مكفوف = من عين مبصرها تقول مخلوعي


وحذاف غيرك لاتقفاك محذوف = جنب وغيرك للبشاير فزوعي


واعن الخطيه لاتجاوزت منصوف = مكسب جزايل سلمنا والطبوعي


وقلب الحسد من غيضه السم ملفوف=مدسوس خشره لاومنته فجوعي


والجود مايحصر ولاهوب مكتوف = وهايب الخلاق كنز القنوعي


ومن عز نفسه عن عوََج كل مزهوف = ماتوجت بالزود رأس ٍ دنوعي


وللحمل عون وللثقيلات منسوف= على قوي عضود متن ٍ نزوعي


مافات مات ولاتقفاه بحسوف = ولايرهي المجبوع حبل ٍ قطوعي


ومن لا يوجب للمعاديل مرصوف = ماحاشت ايدينه قليل الصنوعي


المرجله ماضيرت فوق معسوف =والخمد ماورق هشيمه جذوعي


عليك باللي ماقصر فالوطاء شوف = شوفه مدى عن هاقيات الرموعي


ليابدأ يبدي على كل شفشوف =نجم ٍ سوات سهيل يلمع لموعي


أعرف ترى ماكنه الصدر مزفوف= لابد له فالحرص لحظة وقوعي


العلم واحد مايجي علم مردوف = والجذع من ساقيه نام الفروعي


فرق المزايا مالها عندي وصوف = للعرف نهج وللتواصيف نوعي


وآختم كلامي عد من حج ويطوف = وكبّر ذليل ِ بالرضاء للشفوعي

[/poem]


أخوكم : سعد المسعودي


[ الحرالأشقر]

صح السان الشاعر الاهنت

صح لسانك وتقبل مروري

الشاعر سعد المسعودي
أولا الحمد لله على السلامه

ثانيآ/ صح الله لسانك مليون ولايسدون
على هذه القصيده المعبره والوصيه الله يحفظ يزيد وأخوانه، ويجعلهم قرة عين لوالديهم ويسلمهم من كل شر

شاعرنا العزيز ننتظر جديدك

لك ارق تحيه

صح السانك ابو يزيد
الله يصلحه ويعافيه ويتربا بعزك ان شاءالله
قصيده تعادل بوزنها ذهب لله درك
تقبل تحياتي بكل ود

أبو يزيد .صح السانك ...


الحمدلله ع السلامه وآخر الغيبات آن شاء الله ..


الله يخليه ويحفظه ويدوم بعزك ..

قصيده جميله ...وأكثر من رائعه ..

وصيه او درر ثمينه رآآقت لي حاولت اقتبس بيت احترت بين الابيات ..

صح السانك مره آخرى ...

ننتظر جديدكــ بكل شوق ..

أجمل تحياتي وتقديري.........

حياك الله شاعرنا الحر الاشقر والحمد لله على السلامه وكل عام وانت بخير

وصح السانك على هذه القصيده عالية الجوده والله يحفظلك يزيد وسلمك وياه من كل شر

ازكى تحيه