وش اسوي بهالظلم متى نرتقي ونوصل مستوى الجامعات الاخرى/،

السلام عليكم ورحمة الله وبركاته/،

كيف الحال ان شاءالله الكل طيب,,’


نبدا بالموضوع اللي مادري وين انزله حاولت انزله بكل مكان لكن مالقيت الا هنا,,،


ياطويلين العمر والسلامه بحكيلكم عن قهر عشته بنفسي /،

في اول يوم من هالترم حضرت مثل اي طالبه استلمت جدولي
ومن بكرا داومت ../،

وربي اني مجتهده وناوي على النجاح ومعدل يرفع الراس/، و بقوه بعد
داومت واجتهدت والحمدلله؛؛

واخذت بالكويز الاول 4 من 5
والميجور 13 من 15
والكويز الثاني اخذت 3 ونص من 5 <<يعني درجات حلوووه والحمدلله

يعني فيه امل اطق الـ B+ وبالراحه وممكن اوصل A


المهم ويجي ذاك اليوم الا واسمي مو بالـ(ريجيستر) تبع المحاضره "ريم"
قلت وين اسمي قالت والله دبري عمرك

واروح لبسمه(المسئوله عن النظام عندنا) الله لايسامحه
وقال انتي جدولك مو في سكشن 3
قلت اما اعد
قال انتي في سكشن 6
قلت انا لي شهر اداوم بالـسكشن 3
قال روحي لشؤون الطالبات

ماكذبت خبر
نقزت للجامعه وقلت كذا وكذا
قالو مالك حق تداومين بسكشن 3
قلت ياختي انتم اللي اعطيتوني هالجدول
قالت غيرنها من 3 يوم
قلت ليش ماعلمتونن مالكم داعي

المهم فزعتلي وحده
واعطاني ورقه لبسمه تقول ان فيه لخبطه بالجداول

وبنفس الوقت رجعت لمبنى السنه التحضيريه
واعطيتها بسمه
وقامت وهي تقطعها قدامي
وقسم بالله حمرت عيوني


قلت ليش
قالت انتي ماتداوم بسكشن 6 يعني حرمان
قلت تبرير غير منطقي

قالت جاك العلم الوكاد

وانقز لشؤون الطالبات
وقالو تعالي بكرا
والمهم على هالحاله اسبوع رايحه جايه

واخرتها قالو لي
اسمحي لنا يا بنت سوينا اللي علينا
قلت وش اللي سويتو اللي عليكم انتم ماسويتو شي

تغيرن جدولي وتخليني اداوم غلط
واخذ حرمان
واخرتها تقولن مانقدر
وقدمت معروض للنافع(مدير جامعتنا ) والى اليوم ماصار شي



اخرتها

انا وش ذنبي
وش اسوي

هذا انا رسبت بالماده وحملتها من دون اي ذنب يعني الخطاء خطاهم وانا اللي تضررت/،

ياناس انا بفهم ليش مستوى التعليم عندنا نازل ليش مافيه تفاهم بين الطلاب واعضاء هيئة الجامعه/،

ليش التخلف هذا والى متى ونحنا ننظلم بجامعتنا ونبلعه ونسكت...’’

انا مو اول طالبه يصير معاي هالشي كم طلاب وطالبات غيري صار لهم ظلم وتضررو ونزل معدلهم الى تحت الواحد ومافيه اي وسيله للدفاع/،

لا مسئولات يتفاهمن زين كل وحده تحولك لثانيه من شان تطلع من مسئوليتها/،

ومعامله مثل الزفت ماتشوفك شي قدامه تتكلم باسلوب همجي/،

وعميدة جامعتنا صوره ماتنشاف وماتقدرين تدخلين عليها لو وصلتي السماء/،

ومدير الجامعه نرسل له مليون خطاب وسبع مية ايميل بدون ايجابه/،

وش اسوي بهالظلم متى نرتقي متى نرتقي ياجامعة حائل ونوصل مستوى الجامعات الاخرى/،




:

:

:

اعتذر على الاطاله لكن مجرد فضفضه حبيت اطلعه لخواني وخواتي في هالمنتدى لعل ان نصل الى حل/،



"



اختكم وبنت عمكمـــ ’’’’/بنت رجال/"""

"


/

سبحان الله وبحمده سبحان الله العظيم

الله يعينك بنت الرجال


لكن الحل عند الله

لا تشكي للناس وانا خوك ادعي ربك وان شاء الله


راح يحصل كل خير...

غلطة وتستفيدين منها اليوم ماينفعكـ الا ربكـ .

لابد يكون فيه منتدى لطلاب وطالبات جامعة حائل مثل ماهو بالمدينة

وغالبا" يكون مشارك بالمنتدى دكاترة ودكتورات من الجامعة نفسها

اعرضي مشكلتك في نفس المنتدى .

وبعد ادخلي على موقع جامعة حائل وفية ايميل او مراسله فورية للمختصين

وتواصلي معهم وإنشاء الله يفيدونك في شيء .

وإذا ماحصلتي نتيجة خذي المادة ترم صيفي وريحي راسك , وانتبهي من تكرار هالمشكلة مره ثانية .

والله يوفقك إنشاء الله

مشكوووووور والله يعطيك الف عافيه

الخطا وارد في كل الاحواااال سوى في التعليم او في اي مجال اخرى ......

انتي حاولي تقديم شكوى للقسم حتى تتعاملي بالموضوع .... ولاتنسى دعواتك لله عزوجل

ربي يعطيكم الف عااافيه على الردود ويالله الفرج بيد رب العالمين/،

مشكوووورين ربي يعطيكم الف عاااااااااااااااااافيه

نورتو جميعا/،