أمنيات الهوى

[frame="7 80"]
[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
طاح قدام عيني صرح حلمٍ عظيم=طيحةٍ جا لها بأقصى ضلوعي صدى
حزنها بالعيون و جرحها بالصميم=ما مكنها فزوع و لا منعها نداء
بين همٍ جديد و بين جرحٍ قديم=أمنيات الهوى و الحب راحت سدى
طبع دنياً تدور و لا عليها مقيم=من وثق بالليال السود ضايع جدا
فاقدٍ لي نديمٍ ما بداله نديم=أبعدنّه ضروفه لين عني غدا
النزيه المكرّم و الفريد العديم=في مزاياه كم و كم ناس اشهدا
جادلٍ حطمت بالزين كل الحريم=ما لحقها ملام و لا مشت بالردا
يا وجودي عليها وجد ورعٍ يتيم=ابتدا العمر و الحرمان معه ابتدا
ماتت أمه و ابوه و عاش حسرة و ضيم=يمرح الليل ما ذاق العشا و الغدا
ما التفت له عطوف و لا فزع له رحيم=عاش عمره شقاوي بين ناس اسعدا
أتوجد على خلٍ فراقه جسيم=تهت في سكة فراقه و طال المدى
كل ما هبّ من يمه براد النسيم=من ديارٍ عسى روحي لأهلها فدا
أتقبّل براده و الحنايا جحيم=كود لا مرّ وهّاج الضماير هدا
و ان طرى لي غرامٍ فيه روحي تهيم=قمت أغنّي على المسحوب و الا الحداء
أدّعي بالفرح لو ان قلبي سقيم=و أكتم أسرار حزني كلها ما عدا
دمعةٍ حرّها مثل اشتعال الهشيم=في مكانٍ ما جوه الأصدقا و العدا
أشهد اني بعد ما غاب ماني سليم=كل ما طاب جرح الجرح الآخر بدا
[/poem]

كلمات الشاعر / معيبد شعبان الرشيدي

[/frame]

فــاقـــدٍ لـــــي نـــديـــمٍ مــــــا بـــدالـــه نـــديـــم غـيّـبـنّــه ضـــروفـــه لـــيـــن عـــنـــي غــــــدا

صح لساانك ي معيبد ..
مبدع ... لاهنت ... ابياات قمة القمه ...
بانتظاار جديدك ..
تحيااااتي ...

معيبد الرشيدي

لك مع الابداع موعد
فـ صح السانك وسلم بنانك
ابيات جزله من راس جزل
لاعدمناك ولا عدمنا جديدك

تحييييييياتي لك

كــل*مــا*هــبّ*مــن*يـمـه*بــراد*النـسـيـم. من*ديــارٍ*عـسـى*روحــي*لأهلـهـا*فــدا


الله الله الله


ماأجمل ماسطرته اناملك وباح به وجدانك

قصيده جزله بلا منازع

صح لساااانك واحساااااسك ومنطوقك



شاعرنا المبدع. وااااصل انتظر جديدك

صح السانك على القصيده وننتظر جديدك بلتوفيق

اجبرتني اسجل دخول ي معيبد

هكذا الشعر والا فلا بصراحه ابداع ابداع ابداع من اجمل النصوص الشعرية التي قرأت
ومن اجمل ما قرأت لمعيبد شعبان ان لم يكن افضلها


صح لساانك ي معيبد






تثبيت و تميز




تسجيل خروج

سطور رائعة وَ شامخة وَ معبرة
شاعرنا //معيبد الرشيدي
صح السانك وعلاشانك آحترت أي بيت أقتبس
لله درك ياراااقي الفكر
صح نبضك وَ كلك وو تستحق التقيم والتثبيت
تحياااااتي لك