تدري وش سوَّى غيابك ؟!

تدري وش سوَّى غيابك ؟!
موَّت غيابك سوالف ..!



ما يخوِّفني زماني
بس من فرقاك خايف ..!



فجأه أصحى وما أشوفك ..
لا تهددني ... ظروفك



إعتبرني .. حلم / واقع
وإلاَّ ظلٍ ما يطوفك



ضاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!



تدْري وشْ معْنى غيابكْ ؟
يعْني :
أسْوَءْ شيْ شفْتَهْ طولْ عمري !!


تبْدي ضحْكاتي هلابكْ
وفي وداعكْ
ما ينامْ الجَرحْ بدْري


وإنتْ كيفكْ
شوفْ وشْ ناوي عليه


هاكْ قلبي وهاكْ سيفكْ
وسوْ فيني اللي تبيه!


لا تحاتيْ
صفّحْ بكيفكْ جروحي


وإشْطبْ آمالي وطموحي
وإعْتبرْ قلبي كتابكْ !!


تدري وشْ حطّم غيابكْ
مرْكَبْ بداخلْ شعوري


منْ نسى قلبكْ .. حضوره
قلبي ما واجَهْ / شعوره
عندي ما به شي ضروري
فاقد إحساسْ الأماني
لا مراسي لا مواني


وصارتْ الدنيا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر


منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا


يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني


والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا ل حقيقه :
الجفا أسْهَلْ طريقه
للقسى ..!



تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟


ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنه !


إيه كل الناس عندي
بس مابيهم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي


عشت وافي لدنيتك
وبموت وافي ..


ما اخونك لو تجافي
ما هو آنا اللي إن ضاقت
علي الدنيا / خنت



تدري وش صار بغيابك..؟
غاب [ شاعر ] أحتريه
الوطن : يبكي عليه
والورق : مسكين ضاق
والقلم : يفقد إيديه
عاجز التفكير فيني
يلقى حلٍ للفراق
الزمن مثله زماني
والدقايق هي دقايق



غيبِتِك [ قسمه ونصيب ]
خلْني أشرَه ع ( الزمن )
يا حبيبي .. ما هو عيب
إن بكى فيني .. الوزن


( يا تصيب و يا تخيب )
[ فكره ] .. في بالي تزن
إنتَ [ أكثر ] مِنْ حبيب
إنتَ لي .. معنى ( وطن ) ..!!


يعني مِنْ غيرك " غريب "
ما أساوي .. أي ثمن ..!!
وإنتَ أقرب مِنْ / قريب
[ رمش ] وشعوري جفن


ولما عَن عيني .. تغيب
لا مدينه .. ولا سكن..!!
ماااات .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!



تدري وش ناتج غيابك ؟
زادت ب قلبي الهموم !
[ الفَرَح ].. عنِّي مسافر
وحزني ضيفي كل يوم


صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل ه الضيق ضيقه ؟!


عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه ب الجروح


يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق


ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك


ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطب " !

يعطيك العافية ومشكوووووووووور

تقبل مروري

ما يخوِّفني زماني
بس من فرقاك خايف ..!



يشرفني بأن اكون من المتصفحين والمتذوقين لقصيدتك
صح لسانك
قصيدة في منتهى الروعه وفي منتهى الذوق
كلماتها لامست أحاسيسنا ووجداننا
كل الشكر لك سيدي على هالقصيدة الأكثر من راائعه التي فاح شذا عطرها أرجاء المنتدى


يمــــ دروبي ــــك..

نويعم الله يعطيك العافيه مشكووووووووور

اقتباس:
المشاركة الأصلية كتبت بواسطة يمك دروبي
ما يخوِّفني زماني
بس من فرقاك خايف ..!



يشرفني بأن اكون من المتصفحين والمتذوقين لقصيدتك
صح لسانك
قصيدة في منتهى الروعه وفي منتهى الذوق
كلماتها لامست أحاسيسنا ووجداننا
كل الشكر لك سيدي على هالقصيدة الأكثر من راائعه التي فاح شذا عطرها أرجاء المنتدى

مشكووووووره والله يعطيك الف عافيه
يمــــ دروبي ــــك..

مشكور على الطرح الرائع والكلمات التي تعبر عن الحب ومدي تاثيره
على الشخص وماقول الا غير الله يرد لك حبيبتك وتتهني معاه
والله يعطيك العافيه

ياذوق كلمات رائعه واتمنى انها ماحصلت معك هالمعاناه
تقبل مروري
علي