[ .. أنا مآبي مهر منك ولآ شبكة ولآ فستآن .. ]‎

تمنيتك علي تقبل .. أشوفك مبتســم فرحان
وأشوف أهلك يغنوا لك ولدروبي يزفــــونك


وتزيد بقلبي نبضاته ويحمر وجهي الخجـــــلان
ويرعش جسمي بقدومك وأقول امشي على هونك


واملاك السما تحفك بنور الرازق المنــــــــــان
عليك اسم الله يالغالي وعمت عين اللي يحسدونك

تسابق لجلي خطواتك تجيني محتـــــــــــــــرق لهفان
وأحط يدي على قلبي واقوله جاك مفتـــــــــــــــونك

وتفتح طرحتي بيدك وأتوه بسحرك الفتـــــــــــان
ياعمري والله خجلانة وميته بنظرة عيــــــــــــونك


يريحني كلامك لي ياما حلا ليلة العرســـــــان
وتعاهدني بتوفي لي وأعاهدك أني ما أخـــــــــونك


مضى عمري وأنا احلم وأظم طيوفه بالأحضــــــان
واسأل ليلى يا ليلى شسويتي بمجــــــــــــــنونك

تحقق نصف حلمي بك وشفتك مقبل وفرحـــــان
وشفت اهلك يغنوا لك وللحلوة يزفــــــــــونك


خنقت بنفسي عبراتي وخنقني قلبي الغــــــــــيران
وحبست دموعي في عيني وقلت امشي على هونك


فضحني صوت شهقاتي ورجيت الواحــــــــــد الديان
يخليها ويقدرني أضمّد جرحي من دونــــــــــــك


أشوف شلون تضحك لك وقلبي يشـــــــــــــتعل نيران
دعيت الله يهنيها معاك وتجلي شجــــــــــــــــــونك


وأنا منهو يهنيني ويداوي قلبي الوجعــــــــــــان
أنا ونيت يوم أني سمعت إخواني يطـــــــــــــــرونك

غديت بغبنتي وحنيت وصفت إحساسي للجــــــــدران
رحلت وربي ما ضنيت مصيري غيري تصــــــــــــونك

وناديتك ولا لبيت وتخالط شوقي بالهجـــــــــــران
بتنهيدة أنا ترجيت لي ربعي يجيبــــــــــــــونك


يقولون ادفني ذكراه وانســــي اللـــــــي خان
قسم بالله ما انساك ولو هالكون ينســــــــونك

تروف بحالتي سارة وتحلف والله هو خســــــران
يواسوني رفيقاتي يقولن كلنـــا عونـــــك


كبيرة بعين كل ربعي أموت وعزي ماينـــهان
كذا تخليني أصغرهم مع فلانة يلقـــــــونك

أنا مابي مهر منك ولا شبكـــــة ولا فستــــان
طموحي احتضن حزنك وازين بالهنــــا كونـــك


أبيك تكون لي وحدي بديره مابها سكــــــــان
تنومني بوسط عينك وتلحف جسمي بجفـــــونك


غناتي ليه تاخذها وتشمت فيني العـــــــدوان
وش اللي ساومك فيها وصغر شخصي بعيـــــونك


وش اللي مو حلو فيني كسرت بخاطــــــري يافلان
خبر عرسك قضى فيني هلكت قليبي بطعــــــــــــونك

(مزن ) ضميتها وبليت شعرها بمدمعي الهــــــــتان
ياعمري خلو الخالة وعساهم ما يخلونـــــــــــك

يهون عليك ترخص بي وتجازي طيبتي بنكــــــــران
عشقت اهلك على شانك ولمت اللي يلومـــــــونك


أسفه والله أسفه مكتوب أهيم بسكـــــــة الأحزان
ومكتوب تلقى بنت ناس تعيش بدالي في كــــونك


ياشين اللحظة ذي والله تمنيت ألبس الأكفــــــــان
وأشوف الظلمة في قبري ولا بغيري يهنــــــونك

يبين ارجوووك خذ روحي ونادو يا هلــــي الدفّان
ابيك تحس بجروحي وبتابـوتي يمرونك

أبيك تشيل تابوتي على كتــــفك يغصـــــن ـ الـ بان
وتعرف قدري بموتي وتدمع لجــــــلي عيـــــونك


بذاك الوقت أبي امسح دموع الغــــــــــالي بأكفاني
دموعك أغلى ما عندي يامــالك كل وجــــــــداني


فراق أهلي وزواجك موت ، ودمعك مـــوتي الثاني
خلاص ارحمني لاتبكي دخيـــــل الله علـــى شاني


زماني مارحم ضعفي هزم حســــــي وتحــــداني
عهد في قبري ما نساك تعال وزورنــــــي عـــاني


تعال وخلني بأحس إنك عـــــــلي ولهــــــان
تعال وخلني بأفــــــــــــــــــرح انا في وســـــــط تربـانــــــي..

طبعي كذا

اخيتارك للقصيده يعبر عن ذائقه كبيره لك
سلمت اناملك
على النقل والاختيار الموفق
ننتظر المزيد من روائع ذوقك وقلمك
تحية لك
بدوي فااااهم

المشاركة الأصلية كتبت بواسطة بـــدوي فااااهم

طبعي كذا

اخيتارك للقصيده يعبر عن ذائقه كبيره لك
سلمت اناملك
على النقل والاختيار الموفق
ننتظر المزيد من روائع ذوقك وقلمك
تحية لك
بدوي فااااهم

من ذووقك يابدوي

يسلمك ربي

تشكراات ع المرور

إأسعدني توـآجدك

لاعدمت طلتك

الله يسعدك

اشكرك على الذائقة الشعريه

اتمنى لك الحياة السعيدة

كبيرة بعين كل ربعي أموت وعزي ماينـــهان

مما راآآق لي

طبعي كذا

تسلمين ع روعة الاختيار قصيده تحمل الابداع
الله لايهينك تحياتي لك

ياشين اللحظة ذي والله تمنيت ألبس الأكفــــــــان
وأشوف الظلمة في قبري ولا بغيري يهنــــــونك

مما راااق لي

[frame="7 50"]
صح لسااانج مليوووون على هذة الراائعة

ابداع + ابداع

كلمات تناثرت عبيرها بحروفج الراقية

وانسابت معانيها في القلوب

رووووووعة حروووفج

وجميل بوحج الذي لا يوصف

سلمتي ودمتي مبدعه وراقيه

والله لا يحرمنا من جديدج

تقبلي خاص

الود
[/frame]

مشكوره ياطبعي كذا على الذائقه الجميله
تقبلي تحياتي