جابرمبارك المهيمزي

إهداء إلى العضو جابر المهيمزي .

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مبروك يا جابر على الفوز مبروك=و اهدي عنك فوزك لمن وقفوا لك
لو ما انت قد المرجلة ما توروك=لكن طبت و طيبنك فعولك
على المكارم و الوفا ما بك شكوك=و شاهدك نص المملكة صوتوا لك
لك في سنام المرجلة ملك و صكوك=متمكن ٍ بالطيب عرضك و طولك
رمت البياض اللي على الصدق محبوك=و هلت على روس الفقارى ثعولك
طيبك وراثة جدك العود لأبوك=و انته مع اثرهم تدرهم ذلولك
الكذب بابه في مزاياك مصكوك=و من حاولوك بسلمه ما وصلوا لك
و قفر الصحيح اللي عن الظلم مشبوك=على مساح حماه تصهل خيولك
سجيتك فيها النشامى يغبطوك=اللي تحسبهم مثل ما حسبوا لك
و الا الضعوف بودهم لو يحذفوك=سود النوايا مير ما هم بحولك
و اسلم و دم و اقول مبروك مبروك=و اهدي عنك فوزك لمن صوتوا لك
[/poem]

أبو سامي كل عام وأنتم بخير وعيدكم مبارك , وصح لسانك على هذه الأبيات ,في رجل يستحق الإحترام والتقدير .

جآبر المهيمزي يستحق الكثير ..،
.رجل قدم العطاء للجميع .
.بصمه مميزه تضل في مكان التميز والعطاء الوفير..
ربي يديمه فهو كالعلم في سماء الخيير...،


صح لسانك وسلم منطوقك اخوي سهل على هالقصيده المميزه ..
والكلمات المبدعه ..

ربي يديمك لغاليك وبأحسن حال يارب..

يالربع ياليت تنسقون القصيده لان الاتصال عندي ضعيف جدآ
ابو سامي صح الله لسانك مليون ولايسدون
يتساهل ابو محمد اكثر من ديوان شعر

قصيده جزله من شاعر جزل

وعضو المجلس البلدي الاستاذ جابر مبارك المهيمزي رجل يستاهل التقدير والاحترام

تحيه لك شاعرنا المتميز سهل نافع

صح لسانك

الاخ الشاعر سهل بن نافع اولا كل عام وانت بخير وقصيدتك جزله من شاعر جزل والصراحه انا من المعجبين بك والشيخ ابو محمد يستاهل

صح لسان الشاعر القدير سهل نافع على هذه القصيدة الرائعة و النعم بالمادح و الممدوح ، و تم تنسيق القصيدة بالشكل المطلوب .

مروري و تحياتي .