ياذا الجلال

صباحاتكم .............. مساءتاكم

نقية بنقاء قلوبكم
انقل لكم هذه القصيدة واتمنى ان تنال على رضاكم

يا ذا الجلال اللي عروشك فوق واملاكك حـدر
ومهماً تسامت به عروشه مستحيـل يطولهـا

يـا حـي يـا قيّـوم يـا ذا الأنافـة والكبـر
ما نافسك في عظمتك مكـر العبـاد وهولهـا

وما نافسك من عمّر بيوته على سطـح القمـر
واللّي ترسي فـوق أقاليـم الميـاه سطولهـا

ما انته بحاجة من عبد ولا بحاجـة مـن كفـر
ولا بحاجـة ثابـت الدنـيـا ولا منقولـهـا

أنت السميع لمن حمد وأنت المزيد لمـن شكـر
واللي ما يشكر نعمة المنعـم عليـه تزولهـا

ياذا الجبـروت العظيـم ويـا القديـر المقتدر
تفزع لنا في معضـلات مـا نريـس حلولهـا

تلعب بنـا خـلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا

لا هبّنا الطايف بعض الأحيان في فيـة عصـر
شهب الليالي مـن ورانـا يسحبـن ذيولهـا

أنت السلام اللي لك الإسلام وانـت المشمخـر
اللي عجايب قدرتك فـي المعجبيـن ذهولهـا

سلام يا محمد رسول الله راعي الوجـه الأغـر
وسلام يا روح ملائكـة السمـا صلّـوا لهـا

سلام يا بو بكر يا عثمـان يـا علـي وعمـر
وسلام يا سبـع الآفـاق أطلالهـا وسفولهـا

سلام يا صدق النوى سلام يـا وسـع الصـدر
سـلام يـا مفتـاح بيبـان الفـرج وقفولهـا

وسلام يا شمس الضحى تشرق على بر وبحـر
وتشرق على كل الديـار جبالهـا وسهولهـا

وسلام يا غر السحـاب اللـي تبجـح بالمطـر
وشم الجبال اللـي تبجـح بالسحـاب قذولهـا

وسلام يا هوج الرياح اللـي عطاهـا مستمـر
مهما خذوا منها من الحسنات مـا ردوا لهـا

ليت الرحاب اللي لنـا بوجيههـا حـق وقـدر
ما تضمحل من الزمان ولا نشـوف سمولهـا

و ياليتنا لاما سرحنا اليوم الأبيض مـن فجـر
تبطي عبات الليل ما تضفـي عليـه سدولهـا

ولاّ ليامنهـا ضفـن سدولهـا يطـلـع بــدر
يا صل ضياه اللي على الكوره تطق طبولهـا

المعتبر يآخذ علـى الدنيـا دروس مـن العبـر
والنـاس يكسبهـا معاملهـا بقـد عقولـهـا

أحيان تصدف لعبة الشاطر مـع غلطـة عمـر
مره .. لكن لا عدت الغلطة ما عـاد ينولهـا

حنا عرفنا كلنا مـا طـال مـن شـيء قصـر
والأحلام ماتوا قبلنا شرهين ما وصلـوا لهـا

حتى الجمال اللي تحمّلهـا الهقـاوي بالصبـر
يالله بحملتهـا تقـوم وتــدّرج بحمولـهـا

والحـب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا

يسرون عميان المحبة تيه فـي غـدرا الغـدر
للـي تحـد سيوفهـا واللـي تعـن خيولهـا

ولا تفكـر فـي غنـاة ولا تفكـر فـي فـقـر
وتشفع لبيضان الصدور احضوضها وفعولهـا

واهـل التكلـف بالمعرفـة والتصنـع بالبشـر
والله ما هي حول الصحيح ولا الصحيح بحولها

اللي يفضّل ما يقيم بو ميـه مـن بـو عشـر
حتى الفضولية عن الفاضـل بطـل مفعلوهـا

اللي تخبره لحيتـه ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا

شاعر يفوق الخيال

صح الله لسان شاعرها
وسلمت بنان ناقلها
تسلم اخوي سلمان
وتقبل مروري
ولكـ خالص تحياتي

مشكوووور اسير على هذا المرور
العذب

صح السان شاهرها
وسلمت يد ناقلها
قصيده جزله بما تحمله الكلمه
انتقاء اجمل




تحياتي وخالص تقديري وحترامي

صح لسان الشاعر الكبير / سعد بن جدلان

ما هذه إلا درة من درر ابن جدلان و هو غني عن التعريف ، هذه القصيدة شامخة بمعانيها و بجزالتها تحتوي على العديد من الحكم و الدروس و العبر فضلا عن تميزها كنص شعري يحمل الكثير من الجماليات الشعرية و الإبداع .

سلمان البلقان

سلمت أناملك و صح انتقائك الذي يدل على سمو ذائقتك ،

تقبل مروري .

مشكور اخوي علئ النقل

اقتباس:
المشاركة الأصلية كتبت بواسطة حكيم الزمان

صح السان شاهرها

وسلمت يد ناقلها
قصيده جزله بما تحمله الكلمه
انتقاء اجمل

تحياتي وخالص تقديري وحترامي

مشكووووور حكيم على مرورك