يهني كل شعب المملكه بقدوم سلطانه

بسم الله الرحمن الرحيم


السلام عليكم ورحمة الله وبركاته


اود ان ابلغكم ان اسمي هو ناصر الشريف ولكن يبدو ان الاسم مستخدم لديكم

ومما يسعدني ويشرفني انظمامي اليكم في هذا المنتدى والصرح الشامخ


للقبيله العريقه الا وهي قبيلة الرشايده

واليكم اول نص


بديت بذكر رب الكون سبحانه عظيم الشان
الهي لا اله الا هو المعبود سبحانه

الا يا هاجسي رتب من حروف الشعر قيفان
وترجمها على قوم تدل الحق واعوانه

سلامي بل سلام الله سلام يروي العطشان
على اللي طيب ساسه فاتح للخلق بيبانه

اقوله والوله يفتح على اعماق الشعر نيشان
يهني كل شعب المملكه بقدوم سلطانه

هلا يا مرحبا بك يا ولي العهد يا سلطان
تراحيب المطر يوم المطر ينهل ودانه

تراحيب الشريف اللي جعل من طيبكم ميدان
يترجمها على الواقع ويبعثها بشريانه

الا يالله حمدك يالولي يا فالق الاكوان
حمدتك حمد مؤمن خاضع لك دوم بايمانه

تفضلت بشفى درع الوطن يا رب يا رحمن
وعم الخير بابناء البلد بقدوم تيجانه

هلابك يا ابو خالد يا زعيم الجود والسيسان
هلابك يا سليل معزي اللي ثبت اركانه

قدومك للوطن في خير يابن الخير يا كحيلان
شرح كل الصدور وكل فرد زالت احزانه

يرددها الشريف بقلب مؤمن صادق شفقان
سلامت قلبك اللي ممتلي بالحب لاوطانه

كتبت احلا المعاني والقوافي صاغت الاوزان
قدومك يا سليل الخير هو للخير عنوانه

قدومك افرح المديون واستبشر بك الديان
صرفت الشيك للمديون واطفى هم ديانه

دعا لك كل شعبك بالشفا ولكل عضو لسان
فرجت الهم للمسجون وفارق صوط سجانه

مفاتيح الفرح بقدومكم حلت على الاوطان
من ارض العاصمه لاقصى الشمال تهيم عطشانه

ومن نجران لا باب الحرم جاتك بلا استئذان
دعاوي مملكتنا يا عزيز الجاه طربانه

وجده راح عنها الهم وايضا راحت الاحزان
لان قلوبهم في حب شخصك دوم غرقانه

كتبها بسمكم ناصر موجهها الى سلطان
عن ابنا المملكه قدم تعابيره وعرفانه

وصلى الله على خير البشر خيرة ولد عدنان
محمد وآله الاطهار رمز الدين واعوانه

وسلامتكم واود تغيير اسمي الى ناصر الشريف