قصيدة رثاء بصديق عزيز

[frame="7 10"]

هزت ضميري واستباحت خوافيه = قصيدة الجازي وقصة مرادي
الطفله اللي مات ابوها وترجيه = عيت على هدومه بكل العنادي
تقول يرجع لي ابويه وابعطيه = ملابسٍ بيضٍ انظافٍ اجدادي
هذا بلاء قلبي وقطعت عراويه = من كل معلوقٍ بقاصي فؤادي
خلت ادموعي فوق خدي اتساقيه = والقلب كن ايقطعنه هنادي
الله يبيح الشاعره يوم ترثيه = زادت عذابي زود لو مايزادي
زودٍ جرح قلبي وخلخل كراسيه = والصدر كنه فيه ير عى الجرادي
قطع معاليقه وصرم محانيه = تصريم عشبٍ زل عنه البرادي
صلف السموم بلاهب القيض يشويه = مثله شواني فقد مطلق وكادي
اللي عسى بجنان خلدٍ ملافيه = فيه جاه جاه اللي اليه المعادي
ليه ثلاث اشهور والحزن كاميه = بس اتجلد كل يوم اجتلادي
فرقى رفيقٍ كل ماحل طاريه = اسودت الدنيا بعيني سوادي
مطلق رحل عن من يحبه ويغليه = وخلاء لنا دنيا العناء والنكادي
منسى وقوفي قدم بيتٍ سكن فيه = لحظة خبر فرقاه من شخص عادي
صدمه على وكارثه يوم انا اوحيه = غابت بي الفجئه غياب ابتعادي
امشي ولا اميز طريقي وانا أمشيه = أعيش مع عالم وكني احيادي
ماعرف متى وقتي ولا وين ابقضيه = اسهر ودايم كل ليل انفرادي
أفقد صوابي بعض الأوقات وادعيه = وأوقات اسج وكن جسمي جمادي
يوم بقلبي كل همٍ ويطويه = طيت أرشا بيرٍ وروده بوادي !!
بدوٍ وكلٍ حامي القيظ حاديه = يسقي عطش ذودٍ غذايا أتلادي
..
وصلاة ربي عد خلقٍ أتلبيه = على النبي المعصوم يوم اتنادي

###



[/frame]

منسى وقوفي قدم بيتٍ سكن فيه = لحظة خبر فرقاه من شخص عادي
صدمه على وكارثه يوم انا اوحيه = غابت بي الفجئه غياب ابتعادي
امشي ولا اميز طريقي وانا أمشيه = أعيش مع عالم وكني احيادي


قصيده اكثر من رااائعه ......فيها رثاء شخص عزيز رحل ......وصدم من رحيله أحباءه.......

شكرااا لك لمشاركتنا بها ....تقبل مروري

[frame="7 50"]
يسلموو اختي دانه عالمرور
وتقبلي تحياتي
وشكراً
[/frame]

مشكوووووور والله يعطيك الف عافيه

مشكوووووور والله يعطيك الف عافيه



الله يعافيكـ