أبشر بعزك يا بكر يوم ناديت

السلام عليكم و رحمة الله و بركاته

يسعدني و يشرفني أن أعود لكم بهذه القصيدة لأخي الشاعر الكبير / فايد شعبان المهيمزي الرشيدي و بلا شك هي قصيدة جزلة تعبر عن مشاعر كل فرد من أفراد القبيلة تجاه قضية أحد أبنائها و الذي نسأل الله أن يفرج كربته و يعتق رقبته .

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا الله يا اللي فوق عرشك تعليت=تحل عقدٍ كايداتٍ حلوله
من بعدها يا هاجس الشعر حييت=قاف النوادر مسرجاتٍ خيوله
أبشر بعزك يا (بكر) يوم ناديت=هذا كلامٍ كل ربعك تقوله
ربعك بني عبس الرجال المناعيت=يا سعد عين اللي نخاهم و جوا له
بني رشيد مطوعين الطواغيت=أنصار شرع الله و سنة رسوله
تكفون يا ربعي هل الطيب و الصيت=بكر ولدكم ينتخي و افزعوا له
فزعة تشتت جمع الأحزان تشتيت=تكتب بصفحات الفخر و البطولة
ما يتركون اللازم الا السرابيت=و الا النشامى اللي تقوله تطوله
و أنتم لكم في قمة المرجلة بيت=معززٍ ما يقرب الذل حوله

[/poem]

كلمات الشاعر / فايد بن شعبان بن مدعث المهيمزي