ِِ مقــهى البـوح الشـعري ..،، تفضل أرتشف قهوتك ..ِِ.

تدري وش الكارثة ؟ تدري وش الصدمة ؟
.......... لا صرت عايش بقصة حب (مع نفسك)
و ليا سمعها مغفّل قال : (يا قدمه) !!
.......... و الحظ (عافسك) لين انه ضمن عفسك

مــ ع ـــيبد .

يا صاحبي ماني براعي مهاداه ** أما اعطني و الا اجفني و استخيري
من شق شقٍ يا اريش العين يرفاه ** و انت الذي شقيت خافي ضميري

نقشت لك خطٍ بالصفا من دموع العين ** قلمه الوفا و الحبر من دمعي الصافي
على صخرةٍ لأهل الهوى ترتجف و تلين ** عليها حروف الحب تكتب و تنشافي

قالوا تريح قلت ياناس أبا اروح ** مراحي أطيب ويش أنا قاعدٍ له
لا عاد مقعادي على غير مصلوح ** هذاك مقعاد القصى والمذله
ولاني ابناطركم تقولون مسموح ** والله لروح ومن قضبني لا اتله
إن ما تهيت هرجه الروح للروح ** باقي السوالف ريح دخان جله
أنا هواي اللي مع العقل مملوح ** هرجه قليل و لا تجي فيه زله
هذاك أنا لعيونه السود مطروح ** إن عفّ و الا مافعل فدوة ٍ له

لا تجرح صيامي و لا اجرح صيامك ** ما دام تفكيرك درينا بخافيه
أرجوك ريحني و وفّر كلامك ** دامه كذا يا ليت لو تحتفظ فيه
وش عاد اسوي فيك بالله دامك ** شكّكت باللي رافق النعم طاريه
تسمع بمن عزّك و قدّر مقامك ؟! ** و تصدّق اللي ما عليهم مشاريه ؟!

مــ ع ـــيبد

سقا الله زمانٍ زال وبالذاكره مازال
فداه العمر لو راح الاول على التالي

..

قبل من عوايدنا نعشق السهر لا طال
معي بكل يوم وليله اقرب من اظلالي

..

تنام بعيوني فارعه ماعليها شال
سترها الغلا والخوف من عين عذالي

..

وفجأه بلا موعد صحينا على زلزال
اخذ كل شي ولا ترك غير غربالي

..

بقا بيننا يمكن تواصل بقايا وصال
تجيني بعد مده تدور عن اوصالي

..

مجرد سلام ومانسيتك وكيف الحال
هذا آخر الغالي وحقه وهو غالي

..

واذا مر وقت ولا لفى منها مرسال
وبديت التفت عن حالها شوي في حالي

..

عن اللوم والشرهه رسايل علي تنهال
من يدينها واحسها تسولف قبالي

..

يقولون : مايبكي على المقفيه رجال
وانا اقول : جعل قلوبهم مالها والي

..

على وين ماراحت اسوق القدم رحال
اخيل المدى والدرب موحش وبلحالي

..

ادور حدر غيمة مواعيدها همال
ولا شفت منها غير موعد مع اهمالي

..

خلاص انتهينا مابقا للسنين آمال
بعد ماقِصر مرسالها مات مرسالي

..

هي الحين صارت راعية بيت وام عيال
وانا الحين مثل اول على خبرها حالي

ماقلت لي شي وش خليت ماقلته..
أسكت وخل ألكلام لجرحي ألدامي..
لو غيرك اللي يسولف ما تحملته..
لكن على شان عينك هانت آلامي..
للحب مفهوم عمرك ماتخيلته..
ما أظن يستوعبه تفكيرك ألسامي..
هذا ألفراق ألطويل وهذي اسألته..
هذا حصاد ألسنين وهذي أيامي..
ياما وياما عليك ألبال طولته..
وألعمرعدى وأناعايش على أوهامي..
حتي طريق ألفراق أللي تساهلته..
لقيته أصعب على نفسي من أقدامي..
هذا قصيدي بعينك لو تجاهلته..
ينزف على شان يروي قلبك ألضامي..
ألعام طاري غيابك ما تقبلته..
وأليوم حرماني أصبح مصدر إلهامي..
لاتعتذرلي وابنسى كل ما قلته..
وش ينفع ألعذر لا من ضاعت أيامي..
أصبر لي شوي لو دمي تثاقلته..
بحاول استوعب أللي صار قدامي..
ألحب ضحكه بعينك بس ما طلته..
عمرك بها ألكون شفت ابسط من أحلامي..
ألقلب لو ماخفق لك كان ماشلته..
ولو ما أنت ملهم قصيدي جفت أقلامي..