مــذهــب حــبايــب وجيت >>>>ابن مدعث

مع وافر تحاااااااايااااااااي



[poem=font="simplified arabic,5,purple,bold,normal" bkcolor="transparent" bkimage="" border="solid,4,firebrick" type=1 line=0 align=center use=ex num="0,black""] مذهب حبايب وجيت انشد الشوق = عينت ريمن جفول وفيه شامة
أقفى يجر الخطاوي واتجه فوق = مكسور خاطر ويومي به هيامه
أقفى عيونه تهل وقلبه يتوق = يا ويل قلبي عليه ويا عدامه
جارت عليه السنين وعاقته عوق = قبل يحقق بهالدنيا مرامه
الله يا هو عليه القلب محرووق = و يكابد الموت يالله السلامه
والله أحبه وحبه صار لي طوق = بديت فيه وعجزت القى ختامه
مرموق في سكة الخلان مرموق = مافيه مثله حنان ولا وسامه
عليه قلبي من الأيام مصفوق = ويقزر الوقت في هم وندامه
جا يعتذر عن خطأ الأقدار ويسوق = دمعة عيونه مشاريه وملامه
لا يا حبيبي مجمل ما انت محقوق = صلفات الأيام ما منها سلامه
رح يا أجمل انسان رح يا أعز مخلوق = الله معك وابن مدعث مع غرامه [/poem]

صح لسانك ابن مدعث على القصيده الرايعه
أمتعتنا بجزيل شعرك وفقك الله

صح لسانك يا ابن مدعث

شاعر قريت له اكثر من مرة وهذه القصيدة بالذات
قريتها في احد منتديات القبيلة قبل
اكثر من ثلاث شهور

وكنت من اكثر المعجبين بها حتى اني حافظها بالملاحظات

صح لسانك يالمهيمزي

صح لسانكـ على هذه القصيدة

صح لسانك آبن مدعث..
قصيده روعه كروعة تميزك اللي معودنا عليه..


دمت باحسن حال يارب..

صح السان الشاعر

جا يعتذر عن خطأ الأقـدار ويسـوق
دمعـة عيونـه مشاريـه ومـلامـه

صح لسانك ..رائعه ..لاهنت..+ورده