حنا العرب قصيدة تحاكي واقعنا اليوم

لسمو الامير الملكي خالد الفيصل *


حنا العرب يــا مدعين العروبة*

و حنا هل التوحيد وانتم له اجناب

و حنا شروق المجد وانتم غروبه

وحنا هل التاريخ و أنتم به أغراب

يوم الفقر شلتوا علينا عيوبه

واليوم عقب النفط جيتوا لنا أنساب

ويوم الفقر فينا البداوة سبوبة

واليوم صرتوا مثلنا بدو واعراب

لو الهوى منكم منعتم هبوبه

لا شك رزاق الملا رب الأرباب

و لو المطرمنكم منعتم صبوبه

لا شك رزق الخلق من عند وهاب

جيش الحسد سقتوا علينا حروبه

كل يبي يزرع على جسمنا ناب

حرب على المحسن تراها عقوبة

بالله عساكم ما تفيدون حراب

ياما عطينا ما ندور مثوبه

الا من اللى من ترجاه ما خاب

و ياما نصرنا صاحب ضيقوا به

عاداتنا نقدم الى ما لردى هاب

و ياما نصانا من تعثر دروبه

يدخل حمانا من تعذرها الأصحاب

حنا بنينا دارنا من طيوبه

و انتم سلبتوا داركم كل ما طاب

الله سقانا من بحرنا عذوبه

و انهاركم مثل البحر هدر تنساب

حنا زرعنا الحب بارض خصوبه

و أنتم زرعتوا كره الأجيال بتراب

وحنا دعينا السلم نوبه ونوبه

وانتم حمام السلم بعتوه بغراب

يا من دعا للحرب ما ادراك خطوبه

لا تحسب أن الحرب تهديد وخطاب

من شب نار الحرب يصلى شبوبه

ومن ثور الفتنة تعرض للأسباب

ما يستر الرجال ملبوس ثوبه

الدين وافعال الكرامة له ثياب

شكرا لك ااااااااااااااااااااااااااااااااااااا

يا من دعا للحرب ما ادراك خطوبه
..........لا تحسب أن الحرب تهديد وخطاب
من شب نار الحرب يصلى شبوبه
.........ومن ثور الفتنة تعرض للأسباب

صح السان الامير خالد الفيصل
والف شكر ع النقل المميز

مشكورويعطيك العافيه

صح الله لسان الامير الشاعر الشهم

مشكور على النقل.