هذا زمان الي يربي نعاجه

[justify]
الله من جرحن بقلبي عـــــــــلاجه

فيه الطبيب احتار والقلب محروق

جرحن من الايام صعب اندمــــاجه

وزادت صواديف الدهر عوقه بعـوق

وقتن به الطيب يدور خـــــراجه

وحمله من الايام مايل وماســـوق

راع الوفاءمتكدرنبه مــــزاجه

والطيب في هذاالزمن مات مشنوق

اقفازمان اهل الوفاءبس عجـاجه

رجالن تعلا ذكرهم باسماء فـــوق

واقبل زمان الي يربي أنعــاجه

تلقا مشاويره من الضان للســـوق

ويشوش لطلبه وكثر الجـــــاجه

ويفرح اليا ازعل باشهركم مخلوق

وتلقا مجاليسه مجالس سمـــاجه

المجلس الواطي له يهزه الشـــوق

ويتعقد ان جاه المسير حجــاجه

كنه على الناظر من البخل مطقـوق

ومن بعدذا جاءالاضمير انـدلاجه

واخترت من جزل الطواريق طــاروق

قافن مثل صب الذهب في كـراجه

يصعب على النقاد تلقــابه افتوق

من شاعرن بحره بعيداً مـراجه

بحرالخليج ان هاج موجه له طـروق

مجارى لمن شعرالنبط حاز تاجه

شاعرعلم للشعر دكتور مـــرموق

هديبان باسمه للقصيد أبتهاجه

يشرفني مجارا اهل العرف والذوق

ياعم لايزعلك بعض العــــواجه

خلك وسيع بطان والعمر ملحــوق

رفيقك أدمح زلته بالمـــواجه

ادمح له الزله ولوكان مطفـــوق

ولالك بعوجا بعضا لاصحاب حاجه

ارفع مقامك وانت لطيب معشـــوق

ولولا المحبه كل يوماً لجــاجه

ولولاالجهل للاناس ماضاعت حقـوق

والبعدلوقلبك يداوي خــلاجه

ماهوالمثل شرواك مذهب منطــوق

انته هديب الشام طلق الحجاجه

ماقوله مجامل هذاالعلم ماثـوق

والضيق بأمرالله بعدها نفـراجه

هذاالصحيح وكل مطرود ملحـــوق

الشاعر / عايد الرشيدي

[/justify]