وين أنت ؟

[poem=font="simplified arabic,6,black,bold,normal" bkcolor="transparent" bkimage="backgrounds/43.gif" border="groove,10,gray" type=1 line=0 align=center use=ex num="0,black""]
وين أنت يا قايد الغزلان ؟=ابطيت ما شفت لك طلة
تغيب ما كن فيه انسان=بغيابك الهم يحتله
دايم على شوفتك ولهان=و ان غبت حتى العمر مله
الناس ترقد و هو سهران=ما غير قافه نديم ٍ له
راع الهوى لايمه غلطان=لو ينثر الدمع و يهله
معذور لو يهجر الأوطان=ليا تذكر حبيب ٍ له
بغيت اروح انشد العربان=و ادوج مع حيكم كله
و ان قيل : وش قصتك يا فلان ؟=اقول (خلٍ فقد خله)
لكن ما رحت لك من شان=ناس ٍ تدور على الزلة
ناس ٍ تكلم بلا برهان=و ان سولفت جابت العلة
هذا و يا ناعس الأجفان=يا مل قلبي و يا مله
صدك رسالة بلا عنوان=لغز ٍ تحيرت في حله
ما رحت ضايق و لا زعلان=و لا صار في عهدنا خلة
و لا انته بغادر و لا خوان=فيك الوفا طبع و جبلة
لا باس يا المترف الفتان=لعل ما صار لعله
أسباب ظرف ٍ ما فيه أحزان=ربك يسويه و يحله
هذا هو الوقت مهما زان=يبقى عذابه رديف ٍ له
يا طير يا اللي على الأغصان=طالبك خل الطرب خله
افزع لقلب ٍ غدا مرضان=و دواه ما هو بحاصل له
لب الندا و انهض الجنحان=و ان جيت (عذب اللما) قله
غلاه باقي مثل ما كان=بالحب محد ٍ شريك ٍ له
ابنتظر لو تمر أزمان=و على انتظاره يعين الله !!
[/poem]

كلمات / معيبد الرشيدي

الشاعر معيبد الرشيدي
صح لسانك وبيض الله وجهك وعتلا شانك قصيدة جزلة من شاعر جزل
(وعسى الله يجمعكم على خير)
وتقبل فائق تحياتي

صح لسانج

ننتظر جديدج

صح الله السانك أخوي معيبد الرشيدي

كلمات رائعه تقبل مروري

أخــوي الشـــاعر معيبـــد يســعدني ويشـرفني أول مشـاركه لي هي بالمشاركة بالـرد ع قصيـدتك ( ويـن أنت ) الرائعـــة >> آكيــد إنــي في مكــــاني

وبدون مجــاملة أعجبتني القصيدة بيت بيت حرف حرف وفكرت أعرضها على لجنــة شـاعر المليون برئاسة الدكتور غسـان وكانت الردود كالتالي :

د/ غسان : [ يبدو أن الشاعر معيبـد اعتاد في كصيدته ( ويـن أنت ) لتنقل بين الوصف والحكمة وجاد التنقل بين ابيآت الــكــصيده بيت بيت والربط بينهما حتى تكون لدية موضوعيه في الكصيــدة ]

أما الأســتاذ الغزلي الشاعـر الجاحظ حمد السعيد قال [ سلم لي على المهامزة وأنــت خير من يمثلهم ]

أما الأستاذ سلطان العميمي قال [ أخوي معيبد أعجبني التدفق الجميل للصور الشعرية في قصيدتك لكـن تمنيت لو أنك قلت الغصــن بدلا من الأغصـــــــان لآن صيغة الجمع مبالغ فيها ]

والآن المايك مع الأستاذ أبو شنب الأسمراني بدر صفوق [ معيبد كيـف حالك
أنا قلت لك قبل تبداء السهره في شاطئ الراحة أنت شاعر مبدع وأنا أراهن عليك من زمان << ويهز راسه يمين يسار ]

وأما الآن مع الأستاذ والكاتب تركي المريخي [ احم احــــم أنــــا ودي أذكر أخوي بدر صفوق أن المراهــــنة حرام وأمــــا الشاعر معيبد أحب أقول له كلمة مهمة : (( فالك البيرق )) << ويهز الكراسي يمين يسار ]

والآن عزيز القارئ ختامها مسك مع فــ فــد ــد [ أخوي الشاعر معيبد صـــح لســـانك وأعجبني قاموسك اللغوي وبتحديد الكلمات التالية ( ادوج & جبــلة & العــلـة ) أتوقعــــها أنهــــا من قامــــوس الأجداد منذ عهد الفراعنـة ] << احــــم احــــم


وإن شاء الله ما تفقـــد خل ( خــل فقد خــله )

عيد حيان

صح بدنك ، لا هنت على الكلمات الرائعة و مرورك الجميل ،

تحيتي لك .

بنت ابوي

صح بدنك و مشكورة على مرورك ،

بس انتي تقولين ( لسانج و جديدج ) <---- لاحظت هالشي بردودك سواء خاطبتي العيال أو البنات ،
الظاهر ما انتبهتي لهالنقطة

أكرر شكري لك و لا هنتي ،

تقبلي تحيتي .