بدع ورد _حجاج المهيمزي×محمد اخو عبده

اوسمتي · 25-Feb-2013, 10:17 PM

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
تجاريب الزمان الشين خلتني يبن فردوس=اعرف ان الزمن مهما صفا ماتنوثق ناسه
نهضت الروح بالدنيا وعشت الواقع الملموس=ولديت النظر والله عطاني عرف وفراسه
لقيت اللي يواجه مصرعه من بنه المحموس=وشفت اللي كرم يمناه من بنه ومحماسه
صدق من قال حد السيف ماهو مثل حد الموس=وشيال المراجل مادرس مرجلته دراسه
ردي العزم لو يلبس من اصناف اللبوس لبوس=اعرفه من ملامح خشته لو غير الباسه
وراع النيه الزينه عساه لجنة الفردوس=لكونه يكسب العربان في طيبه ونوماسه
ولو قالو مافيه اقوى سلاح الا سلاح الروس=لزوم ارد بسياسه مدام الدعوه سياسه
على قول المثل وان شفت لك عدوان دسها دوس=عشان تعرف تقديرك لاصارت منك منداسه
سقيم العقل يامحمد رمابه حظه المنحوس=على محبالة الوقت اللعوب ومجزرة باسه
وانا وياك عشنا بين خلق الله عزاز نفوس=مانرضى عيشة اللي لاهرج هرجه على راسه
لاشك انا انتعلم ماجهلنا والحياه دروس=عرفنا من سببها ان الزمن ماتنوثق ناسه

حـجـاج المهيمزي

يامطلاع القمر بالليله اللي وضعها محسوس=وياشمسٍ على راس الحرامي تقلب الطاسه
نظمت اللي تحرك داخل الشاعر ميت هاجوس=عليك الله وامانه ماتعذر عنك هوجاسه
ياحجاج ابن شداد انت راسٍ فوق كل الروس=وتصدح بالكلام اللي عدوك يقبض انفاسه
اذا حصلت عرق الخبث في وسط الثرى مغروس=تبصر ثم حاول تحفر بجنبه لغراسه
على شان يتعلم لو تكبر طاير الطاؤووس=مصير الوقت لو غره يعودبه على ساسه
ولافيها عجب لو شفت وضع المجتمع محيوس=عقول الناس من تاثير ماتخفيه منحاسه
تشابه وختلط خنزير ابو دوده مع الجاموس=وكلٍ ياخذ الموضوع ويقيسه بمقياسه
ولاتلحقني الشكه عيال النجس تبقى نجوس=ورد العلم عني لالفا للعلم عساسه
وعيال الصامل الزنتيت يمكن يطلعون تيوس=زمانك شين ياحجاج والاعراق دساسه
وبياض الضرس يفنا لاتولاه السقم والسوس=ورجال المواقف بالمواقف مانثنى باسه
وانا وياك ممشانا صريح ولاهو بمعكوس=سبحنا بالبحر واللي كسبنا لوله وماسه

محمد اخو عبده
[/poem]