وصف أحوال الطير في هذا الوقت

قصيدة للشاعر //نشمي زامل الرشيدي
يالله بإسمك الرحيم انتبدّى
ياواحد كل المخاليق ترجيه
الطير يالصقّار وقته تعدّى
ماباقيا للطير وقت يحليه
من عقب ماهو بالفياح يتمدّى
الله بلاه وبأوسط الحوش راميه
خله من صغار الدجاج يتغدّى
إلى صار ماتلقى حباري اتغديه
أول جناحه للرياح يتصدّى
واليوم عزمه للفضاء مايوديه
المشكله قام الزمان يتردّى
بعد انقرض صيده نصيبه عثر فيه
أول إلى من السراب اجرهدّى
والجيب سواق القنص مايداريه
واليوم بدي الجيب حلّى وصدّى
وسواقه الأول رفض مايدانيه
إلى صار ماهو كل يوم يهدّى
وشوف الحباري بأوسط الروض يحييه
واليوم يشبه له كبير المخدى
مريض ضغط وسكري كلهن فيه
ماغير عينه يم وكره تلدّى
ضيف تحت رحمة كريم يعشيه

مشكور ويعطيك العافيه

الله يعافيك وشكرا ع المرور

مشكورويعطيك العافيه

صح لسان الشاعر وشكرآ على النقل الجميل

صحت ابدانكم ومشكورين ع المرور

إلى صار ماهو كل يوم يهدّى
وشوف الحباري بأوسط الروض يحييه


صح السانك يابو برجس