قصيده من العيار الثقيل

قصيده لشاعرنا القدير منصور ابن هديبان
والقصيده تعبر عن بمافيها
---------------------------------------
اسمع كلامن تسمعه ويتعداك٠
ياقيل من قاله فانا من يقوله
٢
رويبضات الوقت مثلك وشرواك
لو قال قوله مايطابق فعوله
٣
ومن يدع الشيخه دعايه بدعواك
مرفق معه بمغادرته وصوله
٤
عامل عميل العالميه عما ارياك
ومن معك مثلك بالعمل والعموله
٥
لعبك الشيطان بالمال واغراك
زلك وزين لك بزولك وزوله
٦
اقول وفعل ماقصرت عنه يمناك
من روس قوم المرجله والرجوله
٧
لتراثنا وثارنا وسمنا انباك
ونباك من نقصر يده مايطوله
٨
معروفني اسمي لا ماظن يخفاك
ماكتب بالتاريخ لامه ودوله
٩
سكوتنا ماودنا غير فرقاك
من صد عنا مابحثنا عدوله
١٠
لاكن صحيح حثاله الناس تبلاك
لان الاذئ بحثالة الخلق سوله

هي كلمتين تبين اقصاك ودناك
برج الحمل من حمله بالحموله
٢
ياجب تحقق بالحقيقه من اسماك
لان الاضافه ينشطب بالسهوله
٣
لازلت غفل وبالوسم ماعرفناك
حيات جدك وش وسيمة ذلوله
٤
بعد اعترفت انك من القوم ذولاك
مايخصنا لك رفضهم من قبوله
٥
عادات وسلوم الرجاجيل تخفاك
تبا مكانن ونت مانته ابحوله
٦
مكانا يوم انت من ذاك لذاك
خادم مع الثاني ولاول رسوله
٧
عندي ثلاث اثبات تقضي بمن فاك
وشهود من له صار جوله وصوله
٨
هذا مع التحذير عن مانصحناك
ولأركب اسبق مع خيولك خيوله
٩
مانته بقد ي بالمقام اتحداك
حتي تنافسني وسام البطوله

صح لسان الشاعر منصور ابن هدبيان
وتسلم ابوسلطان على نقل القصيده

صح لسان الشاعرمنصور على هذه الشامخه

وسلمت يداك أخوي أبو محمد على النقل الأكثر من رائع

تقبل مروري

لافي بداي
سعد صبيح

صحت ابدانكم لاعدمناكم
وفالكم الصحه والعافيه

قصيدة يظهر بها الفخر جليا مع شيء من الهجاء الغامض ،

صح لسان الشاعر منصور ابن هديبان ، و لا هنت اخوي عيسى على النقل ،


تحيتي لك .

ابيات نسجت بشكل جميل ورائع . .. .
سلمت اناملكـ ابو سلطان ع النقل الجميل ولشاعر ايضا كبير ..
لك مني ارق واجمل تحيه .

قصيدة شامخة وضحت اعتزاز الشاعر بنفسه وبيقبلتة
صح لسان شاعرها وبيض الله وجهك على النقل