عادي واذا يعني حبيبي هجرني

بسم الله الرحمن الرحيم


السلام عليكم ورحمة الله وبركاته







عادي واذا يعني حبيبي هجرني
ماهمني لاهو ولا اللي يقولون


كم واحد قبله وفيت وغدرني
ما قامت الدنيا ولا صرت مجنون


وان كان قصدك بالخساره خسرني
وان كان قصدك بالعطايا يولون


محد على ذيك العطايا جبرني
وشرواي لامنهم عطو مايمنون


شي خذيته من ابوي وشهرني
الطيب اللي حي لو كان مدفون


وبالشده اذكر بالرخا من ذكرني
واجيه انا من اقصاي لا صار مغبون


واتعب على منهو جرحته وعذرني
وامسك عليه اليا خطا كلمة اتمون


واسهر عشان اللي تعبت وسهرني
وكانه سهرني بعين ابسهر له عيون


واشكر كرم منهو عطيته وشكرني
والله يسامح من خذا وقال مديون


رح للذي تو ماعرفني وخبرني
وقله ترا نصار كلمني هاللون


كل الجفا اللي منهم ماعسرني
صاروا معي والا علي مايهمون


لي الشرف غير الزمن ما كسرني
اطيح واضحك له وانا كلي اطعون


حتى ولو طيبي لعبي ودمرني
اموت لي منه ولا اموت ممنون


وصحيح انا طيب وعقلي كبرني
لكن اذا ضاقت علي صرت مجنون




وتقبلو تحياتي

وسام العبسي

لكل بيت وقفه مع نفسي لاأعلم لماذا..!!

.
.
.


عادي واذا يعني حبيبي هجرني*
ماهمني ﻻ‌هو وﻻ‌ اللي يقولون*

(نعم نستسلم بلحظات للهجر لأننا على ثقه ان الهجر لن يدوم ولن نرضى بما يقال عنا)..

كم واحد قبله وفيت وغدرني*
ما قامت الدنيا وﻻ‌ صرت مجنون*
(نصدف الكثير ونفي بقلوبنا ولكن نجازى بشي اسوى والدنيا لاتقف على تلك اللحظه)..

وان كان قصدك بالخساره خسرني*
وان كان قصدك بالعطايا يولون*
(ونعرف قيمة انفسنا لان من يتركنا فهو يخسرنا لانخسره..والعطا وافر)

محد على ذيك العطايا جبرني*
وشرواي ﻻ‌منهم عطو مايمنون*
)ولن اندم على العطاء والوفاء لأنني لم اكن مجبوره بل أعطيت برضى نفسي)..

شي خذيته من ابوي وشهرني*
الطيب اللي حي لو كان مدفون*

(نعم كل طيبه انا فيها ورثتها من تاج راسي ابوي الله يطول بعمره.)..


وبالشده اذكر بالرخا من ذكرني*
واجيه انا من اقصاي ﻻ‌ صار مغبون*
(لن اقف مكتوفه او اهرب من احتاجني بل سافديه بروحي عند حاجته الي)..

واتعب على منهو جرحته وعذرني*
وامسك عليه اليا خطا كلمة اتمون*
(((هنا اقسم بإنني حقا اتعب على الشخص اللي اجرحه ويسامحني لأني فعلا ادري انه يحبني بصدق..)))..


واسهر عشان اللي تعبت وسهرني*
وكانه سهرني بعين ابسهر له عيون*
(اسهر من اجله فهو يستحق كل مأملك والله يستحقه)..

واشكر كرم منهو عطيته وشكرني*
والله يسامح من خذا وقال مديون*
(الحمدلله اعرف كيف اجازي الطيب بطيب ومأجازي الناس مثل مايجازوني مهما كان)..

رح للذي تو ماعرفني وخبرني*
وقله ترا نصار كلمني هاللون*
)هنا لشاعر مع نفسه)..

كل الجفا اللي منهم ماعسرني*
صاروا معي واﻻ‌ علي مايهمون*
(لو جافوني ببقى لنفسي واخلص لها وابقى كما اريد لو كنت وحدي)




لي الشرف غير الزمن ما كسرني*
اطيح واضحك له وانا كلي اطعون*
(نعم هكذا انا لايكسرني شي ولايقف بطريقي سو "الشرف والزمن"
ومهما انكسرت فأنا اضحك ولأضعف ولو كنت جرح ينزف من داخلي)..

حتى ولو طيبي لعبي ودمرني*
اموت لي منه وﻻ‌ اموت ممنون*
(ومهما وصلت بطيبتي لدمار فأنا اخذ من ولأجعل هالشي يكون ضدي)..

وصحيح انا طيب وعقلي كبرني*
لكن اذا ضاقت علي صرت مجنون*
(فعلا الطيبه هي ابرز صفاتي وعقلي كبير لكن وقت الضيقه والقهر والله ماعرف حالي وأصل لدرجة الجنوووووون)





.

.

.

وسام العبسي/*..

آعذرني على الاطاله لكن والله كل بيت له واقع واثر بنفسي..
وحسيت ان القصيده تقال على حالي لذالك وقفت عندها طويلا..


مشكور اخوي ربي يسعدك قصيده مميزه واختيارك قمه..

دمت لمن احببت وباحسن حال يارب..

هلا والله فيك يالغلا ... الله يسلمك ويسعدك يبنت رجال....
مرورك أسعدني وردك أفرحني ... لاحرمتك يالغلا