رسايل جديد وداع وفراق وعتاب

ياصاحبي
يمكن في هجرك لنا خيره..
مادام ماعاد في قلبك لنا طاري..
حكم القدر "يارفيقي" صعب تغيره..
مادام بعت الرفيق اللي لكم شاري..
يازين حالي على الله سهل تدبيره..
"ولاني من بعدكم جايع ولا عاري"
********************
أغيب بس إني على العهد باقي
يردني شوق على الود لازال
ماغيركم يازين للعين لاقي
لك بالمحبة في لجا الروح منزال
هاك العهد مني ليوم الفراقي
""ما أنسى غلاكم""
"لو الزمن بيننا طال"
*********************
مجنون
وأدري تالي العمر تابوت
لكن شسوي دايم الحظ ضدي
لاتحسب إني يوم صديت باموت
صدك يزودني عناد وتحدي
الحزن عمره مامضالي على صوت
والدمع عمره ماجرى فوق خدي
رح وقول لخاطرك "فاتك الفوت"
ولامن سأل قله "عناد وتحدي"
************************************************** **
كان فيني عيب قلي فيك العيب الفلاني
كان هرجي مزعلك في شي قلي لاتعيده
جيت مابيك تحقرني جيت أبيك تعز شأني
جيت آبي فزعة ضلوعك من مشاعرك البليدة
يعلم الله شفت منك ومن غيابك ماكفاني
كان ماتقدرتخفف هم قلبي "لاتزيده"
*********************
وش حيلتي مادام حظي عصاني
أصبحت عاجز حاير في مكاني
وخدي بدمع العين ياما كويته
هذا القدر مكتوب والعمر فاني
لكن امانه كان موتي لفاني
قبري تحطونه على باب بيته
يمكن إذا شافه بلحظة بكاني
وإلا ترد الروح في نفس ميتة
************************************************** ******************
سالتك بالذي حطك على راس المحبة تاج*** تحبني و لا تتسلى باحاسيسي و وجداني..
و تحتاج لغلا قلبي مثل ما انا لك احتاج *** او اني بعد ما فارق حدود الشوق تنساني ..
************
كنت أظن هالدمعة اللي وسط عيني *** و أنت رايح جت معايه تودعك
لين طاحت مني كنها ما تبيني *** من غلاتك ودها ترحل معك
هذا قلبي و هذي عيني و ذي سنيني *** ما يبونك ترحل و كيف أقنعك
حتى روحي واقفة بينك و بيني *** لا هي عندي و لا هي تقدر تمنعك
روح و سافر بس توعدني تجيني *** وأنت سالم للي ينطر مرجعك
اما عني روح ولي ربي يعيني *** الله يعلم كيف حال مودعك
**************
أحبك لو بغيت أنساك ما اقدر أحبك لا تسال القلب اصبر... احبك من زمن يوم الطفولة يوم الوقت أحلام و تصور
**************
رحلت ومن بقى وياي يحس بضحكتي وبكاي
وحتى الجرح في بعدك يغزيني واهليبه
انا من لي في هالدنيا سواك ان طالت الغيبه..
فقدتك يا اعز الناس فقدت الحب والطيبه .......
وانا من لي في هالدنيا سواك ان طالت الغيبه
***************
حد منكم شاف بالدنيا بدر 0000 مقبل يمشي ومن حوله بشر
من حلاه يزف للناظر ضياه0000 ان ظهر للناس ولا ما ظهر
هذا بدر ما هو بدر ليل يختفي 000 مع طلوع الصبح او بزوغ الفجر
اوبدر يصبح بعد مدة هــــــلال000هذا بدر مكتمل طول الشـــــــــــهر
*******************
يامرحبا يا مرحبا الساع يا بوعيون سود ووســــاع
اقرب تفضل وسط قلبي لك في سويدا القلب مرباع
تعال يعل الله يخليـــــك للقلب بك هام والـــــــــتاع
القلب يتشرف بجيتــك ويقول لك يا مرحبا السـاع
*********
••.•´•´`• لازلت احبك وهذا موجز اخباري ...وباقي التفاصيل انا مشتاق بالمرة...•´`•`•.••ََ
*******************************************
يا صاحبي ياللي تقول إنك تباني ما أبيك
ما بيك لو تذرف عيونك دم والله ما أباك
خلك مع اللي بعتني لاجله تظنه يشتريك
ما ينشرى من هو رخيص النفس يا مرخص هواك
فارج يعل العين متشوفك ولا تحسب اجيك
ما جيك لو ضامي وريجي ما يبله غير ماك
اعيش سكرات المنيه خير لي من أرتجيك
اعيش في قبري معا ميت ولا أحيا معاك
يامن عطيتك راس مالي قلبي ياللي هام فيك
يا من تمنيتك حلالي كنت أشوفك كالملاك
ذاك الملاك الطاهر اللي كنت أظنه يحتويك
يا محتوي كل المعاني الزايفه قربك هلاك
لو شفتني اغرق تحمل لا تمد إليا يديك
اتأكد إني مستحيل اقبل نجاتي من جداك
لو توصل انجوم الثريا لا تظن أرجع إليك
لو قلت لي قاسي فمن علمني القسوه سواك
يا واحدٍ عزيت شانه خاب ظني فيك
ما بين بعينك رفعتك وانت داني مستواك
أرخصت ناسٍ ما تساويهم لاجل خاطر عينيك
كنت اصبح وامسي على كلمة أنا روحي فداك
يالين راحت روحي وباتت عيونك تشتكيك
النفس شامت واجزعت لما تكشف لي غطاك
يا خاين العشره تخون اللي بروحه يفتديك
تلعب على الحبلين تلعبها مع منهو غلاك
قالوا تراه ما يكمل ولا صدقت فيك
هذي حقيقة والمهم ماني بذاك اللي بغاك
دارت بك الدنيا وتحسبني بلهفه احتريك
روح ترى لاول تحول يالله بس عطني قفاك
*******************
ما بين بعينك على كثر ما جاك لا وحسافة ليتني ما عطيتك
تخطي و اعذرك و اتحمل خطاياك هويت غلطاتك كثر ما هويتك
ضحيت بالدنيا على شان دنياك خليت كل اللي يبيني و جيتك
كنت بعيوني وين ما طالع القاك حتى ولو غمضت عيني لقيتك
من كثر ماحبك واقدرك واهواك ماذكر اني في حياتي عصيتك
ولا فاد كلي اللي اسويه وياك اتعبت قلبي ليتك تحس ليتك
والحين روح ارجوك ساعدني انساك ولا تجي حتى لو اني بغيتك
وان مر في بالي بقايا لذكرياك بحاول انساها مثل ما نسيتك
*************************
((((من فينا هالليلة ينام و الشوق صاحي ما ينام و كل منا يا حبيبي شايل بقلبه كلام))))
***************************
ناديتها بشويش.. وتقول لبيه
أقطف ثمر حبٍ لورده زرعنا
وفلت شعرها.. وقلت وشبك كذاليه؟
وقالت ابرقص.. دام حنا اجتمعنا!
**********************************
جالس تحت رحمة الهاتف..
والهاتف.. أرقام.. وجرس.. وأسلاك..
وأنا.. عجزت أسلاك!!
**********************
امات الحب عشاقا وحبكِ انتِ احياني* ولو خيرت في وطناً لقلت هواكِ اوطاني
**************************************
ياقلب عودنا على طير يالي ..
ماقلتلك مليون مره تناساه
ماقلتلك ياقلب خله يولي ..
لاتلتفت يمه ولاعاد تبغاه
***********************
* خطاي إني سالت ورحت أدور للغياب أسباب...خطاي إني تعلمت الوفا والناس كذابة
*******************************************
* عرق بقلبي لا ذكرتك تحرك حسبي عليك حتى بعروقي تحكمت
************************************************
* السيـــل يبقى له مع القاع مجرى
ويبقى لك التذكار لو كنت فارقت
ماكل جرحن لاخــــذا ايام يبرى
بعض الجروح يزيد شره مع الوقت
************************
ابشرب من دلتك لو كلها سم ما أهز فنجانك ولا أقول كافي
دامها من يمناك وتقول سم بسم الله اشرب كل سمك عوافي
*****************************
ان كان تعذيبى يسرك ويرضيك عطنى عذاب وخذ بدالة سعادة
اهجر على كيفك وزد تحديك وانا بدال الهجر احبك زيادة
لك منى ابكى كل ما حل طاريك لين البكا يصبح مع الوقت عادة
مهما حصل يازين مانى بناسيك اسمك نقشتة دمع فوق الوسادة
***********************************************
اكبر قهر شوفك وليفك مـــــع الغير يضحك ويعطيهم مثل ماكان يعطيك
لا تقدر اترده ولا معـــــــــــك تدبير وعندك خبر عقب الغــــلا ما يدانيك
************************************
ابحجز على لندن تذاكر وترحيل
وآخذ بدل ها القلب قلب صناعي
قلب صناعي ما به احساس ويميل
وظيفته للدم يعطي اندفاعي
والقلب الأول برسله لك بمنديل
وأقول خذ هذا السبب في ضياعي
*********************************************
يحسبني يوم سلم ما سمعته
سامعـه بس اتغلـى عليـه
قلت ابثقل بس ثقلي ما ستطعته
وابتسمت وجيت لمعانق ايديــــه
يحسبني يوم ما رديت بعتــــه
ما درى أني كل عمري مشتريه
والصراحة يوم سلم ما سمعته
كنت أفكر كيف أنا اسلم عليـــه
*************************************************
سافرت ناوي اترك الضيق لحظات لقيت طيفك بالسفر محتريني .. حاولت ابعد عن خيالك مسافات الله حسيبك وين مارحت فيني
**************************************
لا تجين .. أنا مقدر أشوف الدمعة ..
في عيونك تودعني
أنا مقدر على دموعك فبرد الليل تحرقني
لا تجين .. على وداعك أنا مقدر
على موتي أنا مقدر
على فراق العمر .. مظني أحد يقدر ..
لا تجين .. بصمت همسي أقولها
وصوت قلبي يناديكِ
لا تجين .. دمعة عيونك هلاك
وحزن الكون في صدري ....
********************************
" عزت علي نفسي من قسوة زماني ...وانا اللي من قسو الايام ليّن..هو حظي اللي في زماني رماني..او هو الزمان اللي لحظي مشيّن"
************************************
( يا جرح من وين ابتدي ...وانت معي من مولدي...عيت يدي على وداعك تهتدي...بس انت علمني الجفا...دامي عجزت اعلمك كيف الوفا..)
***********************
** بحضر زفافك يا حياتي ..بحضر زفاف اللي هويته..وبرزف عشانك لا تحاتي ..وبعطيك كل اللي بغيته**
*******************************
وحيد مدري من اللي عاد يفقدني!!!***ان رحت للناس ولا طولت بغيابي..
وعن دمعة القلب تكفى لا تنشدني***بأسبابك الحب..والحرمان بأسبابي..
اهديت لك روحي..وانت بالفراق تهددني***ما تدري اني رميت القلب لاحبابي
هذا انت ناوي على المجهول تفردني***ياللي ذخرتك لغدر اعداي واصحابي..
ان كنت حتى انت في لاماك تحسدني***وشلون ذاك العذول اللي توصى بي..
************************************************** ******************
(اشوفني يا زين مدرج ع المماتي..ماني مقضي هالشهر خلي محالي..من روح روحي لك اجدم تعزياتي ..اوصي بالسلوى وعلى الله الاتكالي..واغرس على قبري زهور يانعات..واقرا عروحي الفاتحه والتعزيات..ما همني فقدان روحي والحياة..لانسان له موته ترى ع كل حالي..)
**********************************************
لاصارت هذي سواتك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شي مريته
كانه هجر بسلامه روح وأهجرني
أخوي وهو أخوي لاصد عني ماترجيته
**************************************
" تخيل قمت اهوجس بك بعد ما وزعوا الاوراق...وانا ادري من يجي طيفك يلخبط لي امتحاناتي..كتبت اسمك على الورقه بدل مااكتب اجاباتي..احب اذكرك وانسى الكل ..تصور موقفي المحرج"
************************************************** *******
" لا ما عرفتي الحب لا ما تحسين .. وغدرج تعدى غدرذيب الفلاتي الذيب يعوي قبل يغدر بمسكين .. و انتي غدرتي خافقي في سباتي وانتِ السبب سقتِ على القلب جرحين .. غدر الغرام و وجع الذكرياتي وانتي السبب واليوم لا لا تلومين .. و ان ياج باجر شوفي شلون ياتي والله لكتب و أفضحج في دواوين .. و أرزف وأغني يوم خبر الوفاتي و أرسم لأهل العشق قلب و سهمين .. و قصة خيانة ما روتها الرواتي و يمين لنشر فوق إسمج عناوين .. و أشهرج من قاصي اليمن للفراتي و من غرب هالدنيا إلى قاصي الصين .. ديوان غدر فيه كل اللغاتي و البادي أظلم سنة العين بالعين .. و لاَّ فهذي لا عادتي ولا صفاتي "
********************************************
بلحظة غضب...عادنت إحساسي وذاتي..حاولت أنساك أنسى عطرك..وكل لمسه ..من ايديك..وكل شي يربطني فيك..كنت ابى ابعدك مره عن حياتي..بس وربي ما قدرت..تدري ليش..؟؟إكتشفت أكبر حقيقه..أنته بحياتي كل شي..أنت امسي، انت يومي، وانت احلى ذكرياتي..آآه يا حبي ومناتي..والله آلمني بعادك..إشتعل قلبي غضب ..ليه ما تسأل علي..ليش وضح لي السبب..؟؟كنت أتخيل اني اقدر انسى واكرهك...ايه ودي اكرهك..
بس انا ادري بقلبي ما يطاوعني عليك..عاشقك ويموت فيك..بلحظة غضب..ابنسى اللي احب..قلت انا بنسى غلاك..بين قلبي والعناد...بين نومي والسهاد..بين كل غمضه وغمضه..ما قدرت انساك لحظه..رغم اني قطعت الرسايل..اشتقت لك...برغم الغضب اللي بداخلي حنيت لك...
رديت مكسور الجناح..رغم الالم رغم الجراح..رديت لك..وفي كل مره احلف اني للابد ما اذكرك..واتجاهلك في كل مره..بالاخير ما يطاوعني الضمير..
وغصب عني اشتاق لك.. ..."
************************
في كل شي في كل شي ..ماحب انا الحل الوسط..إما اكون او لا اكون..حطوا على الحرف النقط...
***********************
أنا وقلبي يم صوته تسابقت
..........مدري ؟ سبقني القلب ولا سبقته
بس الوكاد إني بقلبه تعلقت
..........إلا الوكاد أن أغلب الوقت وقته
على العهد لاخنت ,لابعت ,لابقت
..........إلا غلاه ؟ إن ما عطانيه بقته!!
************************************************** **
"خذ راحتك عيش الهنا عيش الوفا مع من تريد..عسى الليالي تسعدك وتهنى مع الجو الجديد...وغلاك عندي ما حسدك ما دامك انته المستفيد.."
**********************************************
" يتيمه وبس وش ذنبي ..وعقبك يالابو من لي... غريبه في دنيا مجنونه... تدور وبس ما ادري ...لا أخو بحالتي يدري ..ولا عم ولا خالي يشفي.. ادور لك عذر عندي ...رحلت من دنيتي بدري.. تركت الدار والخلان... وتركت عيونها تبكي.. قريب وغريب يا بويه... اعيش الهم وما يدري... وأدور في دنيا مجنونه.. غريبه وأبد ما ترحم... وأصيح الخال ويا العم ...وأقول العون يا عمه.. ولكن عقب أبو وأم ..من يسأل ومن يرحم.. ومن يمسح دموع ايتام.. في دنيا كبار ما ترحم ..واصيح بعالي الصوت واتنشد.. عن اللي غابوا من اعوام... يقولوا ابد محنا اغراب.. ولكن يا بوي ما هو بدم... اللي جمعنا ما هو بدم... معقوله اصيح ولا يدري... وآهات تشق الصدر ولا يدري ...يقول اخو وانا اعلم.. ولا هو داري بناري ولا يعلم ..يتيمة بس وش ذنبي... وعقبك يا الابو من لي"
*********************************************
لما تتعود على انسان وفلحظه يروح*** شلي يبقى فالقلب غير الجروح*** شلي يبقى غير حيره وحزن وهم*** يبقى ذكراه فالقلب الم
************************************************** ***************
"عندما يخذلون احساسك الجميل....ويكسرون احلامك بقسوه...ويرحلون عنك كالايام..كالعمر..!! وينبت في قلبك جرح بإتساع الفراغ خلفهم...ثم تأتي بهم الايام اليـــك من جديد...كيف تستقبل عودتهم...وماذا تقـــــول لهــم!!!!!
قل لهم: انــك نسيتهم...وادر لهم ظهر قلبــــك...وامض في الطريق المعاكس لهم...فربما كان هناك...في الجهة الاخرى...اناس يستحقونك اكثر منهـــم...قل لهم: ان الايـــام لا تتكــرر...وان المراحــل لا تعــاد...!!!..وانـــك ذات يوم خلفتهم تماما كما خلفـــوك في الوراء وان العمر لا يعـــود يوما الى الوراء ابــدا...!!!!قل لهم: ان صلاحيتهم انتهت..وان النبض في قلبك ليس بنبضهم..وان المكان في ذاكرتك ليس بمكانهم...وان الزمان في ايامك ليس بزمانهم...ولم يتبقى لهم بك سوى الامس...بكل الم واسى وذكرى الامس...!!!قل لهم: لا تقل لهم شيئاً استقبلهم بصمت...فللصمت احياناً قدره فائقه على التعبير عما تعجز الحروف والكلمات عنه..."
******************
إزعل وعاند وإضرب براسك اللوح
ومن ماي البحر إشرب بكل إندفاعه
وإن كان عندك بعض الكرامه ومجروح
إرحل بصمت وخل عندك شجاعه
وش لك بقلب قالها اليوم بوضوح
أكرهك خذها قلتها عن قناعه
*******************
كانك..على العاده..وعلمي بك على العاده صريح
قلي..(بلاش..تطوّل القصه..وتتعبني معاك)
شفهم..جليلين الحيا..من يوم شافوني جريح
عاشوا على دمي..وأنا دمي..نزفته من غلاك!!
************************************************** ***************
"العالم الله بكره وش يخفي لنا العالم الله بكره فرحه او شقى..نحلم ببكره ولا نلقى سوا المكتوب..بكره فرقا او لقى من يدري يالمحبوب...اللحظه هذي ملكنا وما سواها قلوب...العالم الله العالم الله...خوفي نتواعد وانا اوفي وتخلف الازمان...تذبل بصدري حروفي ما لقت عنوان..واصرخ باسمك حبيبى والقمر ما يبان...( وتأشر ليلى لحصه تنتبه لهالمقطع)...ناظرني بعيونك حبيبى لا يضيع الوقت..لا تكتم احساسك لا يضيع الوقت..الندم قاسي حبيبي واللي اقسى الصمت...العالم الله...
****************************
"يمه يا يمه اسمعيني...ودي احكيلك همومي..بس لو مره افهميني..يمه من غيرك بيفهم..حزني الساكن بعيني..بس قبله اوعديني..يمه انك تعذريني..يمه ودي احضنـك وابكــي سنيني..
وانسى جرح خافي بصدري دفيني..اجرحينــي عاتبينــي..بس لحظــة..اسمعيني..يمه من غيرك بيفهم حزني الساكن بعيني..يمه ليه هم اظلموني..في هوايه ما انصفوني..كم انا اعطيت لكن..
لا وفوا ولا قدروني..يمه ليه هم عشموني..وفي النهايه يتركوني..طيبتي مع حسن ظني..هم سبب همي وظنوني..يمه جرح اليوم يكبر..يوم هم حيل اظلموني..اجرحيني..عاتبيني..بس لحظه..افهميني..يمه ليه..!!
يمه ليــه انتــي زرعتــي طيبــة العالــم بعينــي؟!!!"
*****************************
"وجودي والعدم واحد على قلبك وفي بالك..وجودي عادي بعينك وهذا ماتبينته...أبارك لك اذا هذا قرارك ياهنيّالك...أباركلك على همي وهجر ٍ منك أنا شفته...تبين ماتوقعته بعادي صار يحلالك وخطواتك بدت تقصر ودرب الهجر شرعته...بدىواقعك يتغير طغا مرك على زلالك..طغت شمسك على ظلك قسى قلبك وطاوعته...اذاهذي النهايه ياعسى فال السعد فالك
عسى اللّه يسعد أيامك على درب ٍ تخيرته...بواسي قلبي الشاقي بحبك كان يرضالك...وبمسح دمعتي ويكون لي درس وتعلمته...لك السلوان ياقلبي تصبرخلك بحالك...ترىواجبك سويته حبيته وقدرته...ولا تندم على مافات وكل شي وله وقته..."
***********************************
فيروس هجرك عطل القلب تعطيل..
ودمر ملفات الفرح في حياتي..!!
ياللي سكنت القلب من دون تحميل..
متى لموقعنا تشرف وتاتي..؟!
عنوانكم ماهوب (ياهو) ولا (هوت ميل)..
عنوانكم روحي وقلبي وذاتي...
**************************
لبيه حاضر وش إللي تطلبه قلي
.....قلي وش إللي تبي و أبشر بمطلوبك
بس أنتبه لا تناديني و أنا أصلي
.....خوفي إني أقطع صلاتي و أتجه صوبك
************************************************** **************
تخيل تزرع ورودك على الغيمه وتقطفها.......وتهديني انا ورده واخليها على خدي
وتالى تمسك الغيمه تقلى ياالله اوصفها.........واشبهها على قلبي ويطلع لونها وردي
ونسبح في الفضا والأرض نبعد عن مشارفها ....ونظحك للنجوم الزاهية ونطير ونعدي
**************************************************
آمر وقلبي يفزلك يـا نعـم يـا سـم
لبـيـه لنفـاسـك و دافــي حنيـنـك
لا تعقـد حجاجـك لـجـل عـيـن تـكـرم
كــل المـدائـن فــدوة لأصبعـيـنـك
هالكثر أحبك أنبسط حييييييل ياعم
شـف وش كـثـر عذالـنـا حاسديـنـك
وطالع بعيني و أعتـرف هـو بقـى هـم
أكـيـد لا مــادام عيـنـي بعـيـنـك

وسلامة قلوبكم

بنت ابوي اشكرك على هذا الطرح الراقي والمميز الذي يدل على ابداعك وتميزك

* خطاي إني سالت ورحت أدور للغياب أسباب...خطاي إني تعلمت الوفا والناس كذابة
*******************************************

[frame="7 80"]
يسلمووو أختي بنت أبوي على هذهـ الأبيات العتابية
التي الكل يبحثُ عنها ولا يجدها
اختي تقبلي تحياتي
وشكراً
[/frame]

المشاركة الأصلية كتبت بواسطة سيف المهيمزي

بنت ابوي اشكرك على هذا الطرح الراقي والمميز الذي يدل على ابداعك وتميزك

[sor2]http://uploads.imagup.com/member/1208778316_1206796112_46_1179691758.gif[/sor2]


[sor2]http://files.fatakat.com/2010/4/1272093657.gif[/sor2]

المشاركة الأصلية كتبت بواسطة أسير الشوق

* خطاي إني سالت ورحت أدور للغياب أسباب...خطاي إني تعلمت الوفا والناس كذابة
*******************************************

[frame="7 80"]
يسلمووو أختي بنت أبوي على هذهـ الأبيات العتابية
التي الكل يبحثُ عنها ولا يجدها
اختي تقبلي تحياتي
وشكراً
[/frame]

[sor1]http://files.fatakat.com/2009/9/1252235269.gif[/sor1]



[sor2]http://www5.0zz0.com/2009/08/25/11/990501244.gif[/sor2]
[sor2]http://www.nabd-islam.com/up/uploads/images/domain-73a2a6b6d4.gif[/sor2]

ناديتها بشويش.. وتقول لبيه
اقطف ثمر حبٍ لورده زرعنا
وفلت شعرها.. وقلت وشبك كذاليه؟
وقالت ابرقص.. دام حنا اجتمعنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بنت ابوي
الحقيقة ان القصيده راقت لي كثييير
ويعطيك العافية على طرحك المميز
وهذى يدل على ذوقك الرائـــــــع
ــتـــســـــــلمــــين

المشاركة الأصلية كتبت بواسطة بندرالمهيمزي

ناديتها بشويش.. وتقول لبيه
اقطف ثمر حبٍ لورده زرعنا
وفلت شعرها.. وقلت وشبك كذاليه؟
وقالت ابرقص.. دام حنا اجتمعنا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بنت ابوي
الحقيقة ان القصيده راقت لي كثييير
ويعطيك العافية على طرحك المميز
وهذى يدل على ذوقك الرائـــــــع
ــتـــســـــــلمــــين

[sor2]http://thumbs.bc.jncdn.com/07ffe271419d61b555d415916af72324_lm.jpg[/sor2]

[sor2]http://t3.gstatic.com/images?q=tbn:4t2P_jkOn6rKhM:http://www.uaes-up.com/uploads/image...3980dd5b15.gif[/sor2]

[sor2]http://i488.photobucket.com/albums/rr249/ihssas/fleur/bd4b590d.gif[/sor2]


[sor2]http://2.bp.blogspot.com/_A0FFQYTzZNQ/SaGYE78H_CI/AAAAAAAABZY/q-wOM5KWzzM/s400/%D9%85%D8%B4%D9%83%D9%88%D8%B1.gif[/sor2]