ويبقى هالسؤال اللي كسرني للأسف .. وينك ..؟؟

..مساء الجرح يا أجمل جروحي وينها دنياك..؟؟
..بكى وجه المكان اللي تعود طلت جبينك..




..زوايا غرفتي عطرك وقلب يرتجي لقيــاك..
..ودفتر يحتضن أحلى الأماني وأجمل سنينك..





..تغيب وماتغيب بداخلى حبك .. وذكراك..
..ويكسر هيبتي نفس السؤال واحتضر وينك ..؟




..أسافر عنك وأتغرب أعاند حبك وأنساك..
..وتأخذني الدروب بغربتي لأقرب عناوينك..





..وأنام من الألم واصحى على صوتك ولا ألقاك..
..وألاقي هالزمان اللي وقف مابيني وبينك..




..وأظل بحيرتي تايه هنا نصفي ونصفي هناك..
..وأكبر ذنب سويته زرعت الروح في طينك..




..شريتك يوم هالعالم رخصك وللألم خلاك..
..رضيت العيش في صحراء لجل أروي بساتينك..




..حبيبي كان هو قصدك تحطم عاشق يهواك..
..وتزرع في ضلوع اللي يحبك نصل سكينك..




..وهبتك روحي ياعـمـري وأكيد أن الجسد يفداك..
..وحاسب قبل لاتطعن .. أخاف تجرح يدينك..




..حلاة الموت ياحبى إذا يوصل على يمناك..
..ترى أجمل شرف أني أموت بطعنة يمينك..




..ولو طال العمر بكتب أحبك في سما دنياك..
..ويبقى هالسؤال اللي كسرني للأسف .. وينك ..؟؟



مما رااااق لي
تحياتي لكم

..وأظل بحيرتي تايه هنا نصفي ونصفي هناك..
..وأكبر ذنب سويته زرعت الروح في طينك..



وراق الي ايضا
الف شكر على النقل الجميل همس المشاعر
تحياتي حب الغموض

يسلمووووو اخوي فهد
نورت متصفحي
تحياتي لك

شكراً على فيض المشاااااااعر التي اتحفتينا بهااااااا
ابدعي فنحن لك متابعين
تحيتي لك / سلمان البلقان

الابداع هو مرورك اخوي سلمان البلقان
تحياتي لك

قصيدة رائعه كاروعه ذوقك الرفيع

لاعدمناك

همس المشااااعر

كوني بخيرآ

الابداع هو مرورك اخوي بدوي فااااهم
تحياتي لك