يامن يبشرني ويلقى البشاره.لابن شلال

هذي قصيدة من قصائدي اهداء لكم.. وهي عندما ضاعت لي شيهانه فرخ هذا الموسم الله يعوضني بأبرك منها


يامن يبشرني ويلقى البشاره*** عز الله انه راح لي فرخ شيهان

يطرد عشاه ومصخرً في طياره*** لين ان من دونه قصر شوف الاعيان

وجدي وجود اللي عليه الخفاره***اللي دخل بالسجن ظلمً وبهتان

عليك ياطير السطا والجساره*** ياللي عنك ماني بعازي وقنعان

امرح خلاوي ماعرف وين داره***الجوع ساقه لاخدعني ولاخان

موكارها طفيت عنه الأناره***وصكيت لي من دونه اثنين بيبان

من يوم جفن العين سبل عباره***وصديت عاوي عوية الذيب سرحان

قلب المولع ولع الولف ناره***والعين هلت صافي الدمع هتان

لو الخساره مال ماهي خساره***مير الولع بعضه غريزه بالانسان

الله الله الله

الله يرجعها لك ... ويعوضك خير


صح لسااااااااااااااانك ومنطوقك

صح السانك ابن شلال الله يرزقك بخير منها

صح السانك والله يعوضك بأكثر منها

ابن شلال
صح لسانك وسلمت بنانك
قصيده في قمة الجزاله وبجزالة شاعرها الجزل
تقبل مروري المتواضع وفائق إحترامي وجل تقديري
دمت بألف خير وصحة وسلامة

صح السانك ابن شلال

الله يرزقك بخير منها

لو الخساره مال ماهي خساره***مير الولع بعضه غريزه بالانسان



ابن شلال
صح السانك والله يعوض عليك بخير
والحقيقه اخذتني معك لقلب الحدث
اشكرك جزيل الشكر