الرشيدى وبكر الحضرمى

هذه محاوره قديمه لى فى عر س المرحوم بأذن الله قبيل رزيق عام 1996



عيسى
مرحبا بالضيوف ومرحبا بالجماعه00000 عد مالاح براق المزون الثقيـــــله


يابكر شد حيلك كان عندك قناعه 00000 كل تاجر مع التجار ياخذ حصيله


بكر
البقا بالرجال اهل الوفا والشجاعه000000 بعد جينا يشب الزند راس الفتيله

انت شاعر نعرفك من رجال(ن) سباعه000 مير طرقتك معنا ياالرشيدي طويله

عيسى
فارس القوم مايلقى بداره طماعه 00000 والضعيف يقولون العرب عزتيلـــــه

كل جسم(ن) من الامراض عنده مناعه 0000 لاتحيل ترى هليل مافيه حيلـــــــه

بكر
انت شاعر وتصلح مع رجال الاذاعه 00000 كيف تخطي وربعك كلبوهم دليلـه

ليتني ضيفكم في كل وقتاَ وساعه 00000 اتشرف بكم يا اهل السلوم الاصيله

عيسى
يهدي الله سليم العقل لو ضاع ساعه 0000 وانت رجال(ن) حبيب ولاتعرض سبيله

من يوادعك بالدنيا لاتكره وداعـــه000000 قبل احيمر اعيوني فيك من تشتكيله

بكر
من يسافر بوسط البحر يرفع شراعه 00000 والجدي في محله مايضيع الدليلــه

الرشيدي هجومه مايشابه دفاعـــه 000000 بس عيسى علومه كلبوها جميلـــه

عيسى
كل تاجر يدور مكسبه فالبضاعـــه 000000جعل عينك تشوف الجدي في كل ليله

انت الاول لياراحت لعلم البرعـــــه 00000 لو تخير خفيف العلم والا ثقيــلـــــــــــــه

بكر
ماعلينا من اللي راس ماله كراعه 00000 انت شاعر وعندك مفردات(ن) جزيلـــــــه

محاورة جميله في ماتعني الكلمة

صح لسانك عيسى وصح لسان بكر
محاورة جميله ورحم الله قبيل بن رزيق

صح السانك شاعرنا عيسى المهيمزي

محاوره من الوزن الثقيل مع احد كبار شعراء المحاوره بالخليج

الف شكر لك على نقلها هنا