أبوي

بسم الله الرحمن الرحيم

هذه المشاركه قصيده في الوالد الله يطول بعمره

كما اتمنى ان لا تنقل

هاك القصيد اللي كما الدر والماس يومه هجدني بليل وليله خيالي

للي غلاهم غبر عن كل الأجناس ناساً مراتعها القلوب الخوالي

ناساً على ماقيل تدرك بالأحساس تعرف مقاصد ربعها ماتبالي

يالله انا بطلبك يارب ذا الناس تيسيراً لدرب الهدى والحلالي

مجنبه ربي عن اعلوم الأدناس اللي على درب الفشل والهزالي

وتنجيه من يوماً تضيق به الأنفاس كلن يقول اليوم عزي لحالي

قلته في ابوي معرب الجد والساس لامن ورد يارد لعداً زلالي

معروف في درب المكارم والأحساس ومن علم طيب دوم ماقيل خالي

انشد عن ارويضان في كل ذالناس تلقا الجواب يجيك قبل السؤالي

قلته وانا اللي دايماً رافع الراس ابوي وربعي مكسبي راس مالي

عبد العزيز القصيده هذي من اولها حتى الاخير مالقيت قصيده لقيت خاطره
وانا اقول انشر في قسم المبتدين وتعلم بحور الشعر حتى تتمكن من كتابت القصيده
وهذى قسم العمود الفقري الشعر مش اللخواطر او غير مقفاه او مكسره والله يحفضك ويخليلك ابوك

خذ بنصيحه اخوي عبدالعزيز
وتشكر اخوي فهد

الله المستعان

البيت مايبنا بلا عمد وطناب
وشعر حبك وسبك يامبهذلينه

عبد العزيز صح الله السانك ملايين

قصيده روعه والاروع انها في والدك الله يطول بعمره ونعم وسبعين نعم

وكل مايكتب بالوالدين من دافع الحب والبر والله انه يعادل مؤلفات حتى وان كان بالقصيده خلل

لا يمكن ان يخفي المشاعر الصادقه ويعلم الله اني استمتعت بقراءتها لهذا السبب

ارجوا اخوي عبدالعزيز ان لاتتضايق لوجودها بهذا القسم راجع مره مرتين استشر

وبأنتظار جديدك وتحت امرك باللي تبي

صح لسانك ومشكور اخوي على هذي الابيات.