سلطنة حب

[poem=font="traditional arabic,6,burlywood,bold,normal" bkcolor="black" bkimage="" border="groove,10,darkred" type=0 line=0 align=center use=ex num="0,black""]
يا مل جفنٍ كل ما اقبل نعاسه=تنطحنه ساريات الهواجيس
ثم اقلعن سربه بعنف و شراسة=و قامن يثيرن الشقا و الوساويس
و ان صار نومٍ بين هم و تعاسة=ما هو سليم من النكد و الكوابيس
قم صب لي فنجال ما هو بكاسة=كيف النشامى محرقين المحاميس
يبري وجع راسي و يطرد عماسه=و آخذ مع الأفكار عقبه مراويس
الوضع قاسي و أصلف الحظ حاسه=و لا يقبل الفزعات بالسيف و الكيس
حرٍ طليق و لا عليّه حراسة=و لا كنّي الا من حساب المحابيس
من يوم ضاع الحلم و أعلن افلاسه=أمست عيوني بالعباير متاريس
و اللي تميّز بالذكا و الفراسة=يقرا سطورٍ ما حوتها القراطيس
الها على سطح العيون انعكاسة=و لمحات غربالٍ رسومه مراميس
و الشوق للمحبوب يا قوّ باسه=نارٍ توقّد بالضلوع المقاويس
لو صار في وضعه خلل و انتكاسة=و صارت عهوده من وفاها مفاليس
مدري درس طبع التجافي دراسة=و النفس درّسها على الصد تدريس
و الا من العذال مفتر راسه=و أمسى كما اللي تايهٍ بالغطاليس
ما يدري انه لو سرى ليل ياسه=شمس الرجا تجلى ظلام الخراميس
أغواه من عرّض برمحه و طاسه=و عدّه من اللي بالمواقيف فرّيس
هو يحسبنّه ضامنٍ له وناسة=و الجندي المجهول خلف الكواليس
ما غيره أحدٍ يستحق الرياسة=في سلطنة حبٍ عظيم المقاييس
أهل الهروج العوج معهم سياسة=سياسةٍ ما من وراها نواميس
ما يعرفون الا الحسد و الخساسة=ناسٍ على المنقود يأمرهم ابليس
الله يزول اللي بقلبه نجاسة=لو كان اخوي اللي مخاشرني الديس !!
[/poem]

كلمات / معيبد الرشيدي

قصيده مايقدريحبكهاغير شاعرمثل معيبد
شاعرنا معيبدماقولك غيرصح السانك

صح السانك اخ معيبد
قصيده جزله

معيبد الرشيدي

الله الله ابداع يابن شعبان
صح السانك وسلم بنانك
ابيات جزله من راس جزل
لاعدمناك في منتداك

تحييييييياتي

اللهــ .. اللهـــ ..
صـح لســانـــك ي شاعرنــاا ..
مبـدع كالــعأاادهــ ..
بانتـظااأأر جديـــدكــ ..

!! مشـــاعر خجولهــ !!

صح السانك ابن شعبان واعتلى شانك

دائما التميز والأبداع عنوانك

تحيااااااتي

صح لسااااااااااانك..
واعتلى شااااااانك شاعرنااا معيبد
قصيده رائعه كــ روعتك
يعطيك الف عافيه
ننتظر جديدك * تثبييت
لك كل الودَ والاحترامَ
لاهنت..