يا ماجد الوقت طال و طال مقعادي

[poem=font="simplified arabic,5,black,bold,normal" bkcolor="silver" bkimage="" border="groove,8,gray" type=0 line=0 align=center use=ex num="0,black""]
يا ماجد الوقت طال و طال مقعادي=و أنا ملولٍ ليا طالت مقاعيدي
بيني و بين الليالي حرب و جهادي=ما ادري متى ينتظم جدول مواعيدي
من السكن للعمل سرداد مردادي=و اللي تمناه عيني عني بعيدي
مشتاق أسج القدم و أريح فؤادي=و اطرد همومٍ مصادير و مواريدي
قطع الفجوج الخلية طب الأكبادي=و المدن زحماتها على و تعقيدي
من فوق جيبٍ عليه أوراقه جدادي=موردٍ من بلاد الشرق توريدي
من يوم جابه وكيله داخل بلادي=عبد اللطيف استلم للبيع تعميدي
دفعت به كاش ما أخذته بالأقصادي=باسمي محرر من المعرض بلا قيدي
مشيه مع القار لا زاد المدى زادي=و مع الصحاصيح يطوي نازح البيدي
مماشي الأرض عنده كلها عادي=مع نفد و جبال و الا مع جراهيدي
ابقضي الوقت من عبلة ليا وادي=و أرقب حزومٍ تشوق للأناشيدي
و امد شوفي و لا للشوف ردادي=ما ردده عالي البنيان ترديدي
و ابشعم النار بأرضٍ جوها هادي=و اللي قبالي مداغيش الأواليدي
و اركي على جالها دلة و برادي=في موقعٍ شوفته لأهل الولع عيدي
قفريةٍ ما دهلها كل روادي=أكثر ما يدهل فضاها شرد الصيدي
و ان علها من سحاب الوسم رعادي=ينبت على جرته رقروق و زبيدي
هذا المنى و الجواب لكل نشادي=ماني مقيد عن السجات تقييدي
و العمر محدود و اللي فات ما عادي=سبحان من حدد الأعمار تحديدي
و صلاة ربي و تسليمه على الهادي=عدد ما صلوا على ذكره تراديدي
[/poem]

الشاعر / معيبد الرشيدي

مشكورويعطيك الله العافيه

الله الله رائع يامعيبد

تقبل مروري وتقيمي

صح الله السانك
شاعرجزل لك مني كل الود والحترام

اشاطرك الشوق يامعيبد
صح السانك وسلم بنانك
ابيات جزله من راس جزل

صحِ لسـَانكْ ومـًشكورْ..