يفلان وشلك بالتعب

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يافلا ن وشلك باالتعب ونت مرتاح=صدرك وسيع وطيب" ومتعافي
ترى العوافي والسعاده والافراح=نعمه ومن قدر ثمنها سنافي
اشكر كريم الجود فلاق الاصباح=اللي كساك بنعمته وانت حافي
اركدوخلك في رعيتك مصلاح=ماضاع سمن ولا طلع لك رعافي
ترقدوغيرك مالقى ساعةامراح=سهران وانت بلذةالنوم غافي
من زودعافيتك ودك غاربك ساح=وقعدت تضرب بالثقال الخفافي
خلك على هالحال ياصاح ياصاح=ومد النظر مع شاسعات الفيافي
تراي يوم اذكرك صدق نصاح=مبرة" ما ابغى وراها قوافي
والا فلا لي بالخساير والارباح=غيم ومطر والا عجاج وسوافي
اخذت في قولي وعجلت الاصلاح=والا حذفت اللي سمعته اخلافي
ورماك حظك بين حيه وتمساح=تبي الخلاص وجالك الصاع وافي
طبيت طبة بنت الاشرف برماح=وتبينت كل العلوم الخوافي
ومن يرخي اسماعه ورى كل نباح=امحل ربيع ارضه وجاه الجفافي
واضبح تقل بين الهواجيس مسباح=تومي به اوماي الهوى بالمرافي
وضاقت عليك وصارت افجوجها اشباح=من كل ماتلمح عيونك تخافي
وعفت القشر واللي على هامتك طاح=طاح الصطر والعنجهة والخرافي
وعودت لا شاوي ولا انته بفلاح=مثل الغريب اللي بليا لحافي
ما انته بلا طيب ولا انته بمرتاح=جسمك عليل ولا انت ويا العوافي
[/poem]


شعر سهل نافع المهيمزي

صح لسانك وعلى شانك

الشاعر الكبير
سهل نافع المهيمزي
ضح السانك وبيض الله وجهك
كما تعودنا منك الابداع والتميز
لله درك
تقبل مروري البسيط امام شموخك
تقديري

صحِ لسـَانكْ ومـًشكورْ..

ابداع ليس بغريب من صاحب الابداع الشاعر /سهل نافع


صح الله السانك ملايين والله لايهينك

صح لسانك شاعر ومشكور على طرح هذي الابيات..

صح لسانک وعلا شانک