الغربة لمحمد المويزري

ينتابنـي مـن صـادق الشـوق مـرات
مــا يثـلـج الـصـدر و يـبـدد همـومـه

لحظات تاخذني على بعض الأوقـات
يـوم إن بـالـي هــادي الفـكـر يـومـه

لأحبـاب تمنعهـم حــدود و مسـافـات
وأصحـاب ٍ ادناهـم تنومـس علومـه

تجمـعـوا مابـيـن شـكـوى ونبـضـات
ليـن استقـروا فـي عوالـي رجـومـه

سوالف اسمعها بصدري وضحكـات
يفرح بهـا الجالـي علـى غيـر قومـه

مالي على ضيوفي معاتب وشرهات
حـلـوا هــلا والـكـل شــرف قـدومـه

ليلـة سـمـر جـبـت قـديـم الـحـزازات
يسهـر لهـا جفـن ٍ جـزع منـه نومـه

امطـر عليهـا حـروف وتنبـت أبيـات
تزهر جراهيـد الـورق مـن وسومـه

ريــاض وجنتـهـا قصـيـد ورحـابــات
خالـج عبقهـا فيـض نفسـي ولـومـه

فيها مـن القيصـوم و الشيـح جنـات
وفيهـا مـن شيـوخ النبـات وقرومـه

يلقى بها من يعرف الشوق لوعـات
و يحـيـط مغـزاهـا بـغــزرة عـلـومـه

هيهـات اجردهـا علـى الكـل هيهـات
مـن لا ارتـقـا مـالـي بـهـزة كمـومـه

عيـا جملهـا إلا الــدروب الطـويـلات
ينفـي خبـث حيرانـهـا فــي سمـومـه

أمــــا مـقــاديــم ٍ تـبــنــا و ذريـــــات
ولا يكفـي مـن هـل السـوق سـومـه

نيشانـهـا نـجــوم ٍ تـقــود الـمـجـرات
و رمايهـا صابـت مضـارب سهومـه

بين ظلام الليل عن بعض الأصـوات
وعسعس علي وغارت أكبر نجومه

ينتابـنـي شـعــر وخـيــال ومـتـاهـات
اثلـج بـهـا صــدري وابــدد همـومـه

الأخ سليمان

صح الله لسان الشاعر اكبير محمد وسلمت يمناك على النقل


تحياااتي لك وتقديري

ابن صبيح لك الشكر على مرورك

صح الله لسان الشاعر الكبير محمد المويزري
ومشكور على النقل
تقبل مروري دمت بود

صح لسانه شاعر الاحساس وشاعر المعنى محمد المويزري المهيمزي ؛؛؛؛؛
اشكرك على النقل المميز سلماان """""
تحيتي لك : حب الغموض*

صح لسانك ومشكور اخوي وتحياتي للجميع وتقبل مروري...