مصافحه أولي .. الليال المقابيل ..

مساءكم خير //
أعتبروها عربون صداقه .. للتواصل داخل صروح هذه المنتديات ..
اليكم ..

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البارحه صاحت جروح ومواويل = وقامت علي الذكريات وغضبها
واصبحت بين الهم والصبح والليل =حتى الصدر حب الهموم وخطبها
النار اشب النار لا امسيت وان قيل = وش فيك اقول السالفه من هدبها
اظبط الدله واسوق الفناجيل = واوقد على ناراً تزايد حطبها
اشيل ولا احط واحط واشيل = وايصير فوق النار نار ولهبها
والسبه احكايه وقصه وتأويل = لعبها وجه الزمان وضربها
ياسالبة عقل الحكي والاقاويل = ياقاطفة كل الضلوع ورطبها
ياماخذت تفكير من يعشق الخيل = يامضيعت من حسبته ماحسبها
يالي سلبتي منه قلبه عن الجيل = والحال ماقبلك حدن قد سلبها
جيتي مع ايامه مثل طلعة اسهيل = ورحتي ابـ غمضة عين وشو سببها
غبتي وجبتي له سيوف الغرابيل = وعاف الحياه الي ضحك لك طربها
الله واكبر كيف صرتي تفاصيل = للذكريات الي عجزت اجتنبها
رحت ولقيت الدار خاوي تماثيل = الا النجوم انظربها وارتقبها
وعرفت بأن الي دحر صاحب الفيل = قدر مقادير الحياه ووهبها
الله مقدرها ولا عاد به حيل = والله قسمها فــ الحياه وكتبها
لكن على الله يالليال المقابيل = الله يزينها وينبت عنبها
[/poem]

يامرحبا ومسهلا يالشاعر بندر

يسعدنا تواجدك بيننا

صح الله السانك مليون ولايسدون

نص جميل فيه من الابداع نصيب الأسد

لك ارق تحيه

عبد العزيز بن بندر

مصافحة و لا أروع ، حياك الله بيننا و صح لسانك على هذه الأبيات الرائعة .


تحيتي لك .

صح الله السانك مليون ولايسدون
مشكوووووور والله يعطيك الف عافيه

الشاعر عبدالعزيز
صح السانك والله لايهينك على ها المصافحه الجميلة
والتي تحمل من الأبداع الشئ الكثير
كل الشكر لك

النار اشب النار لا امسيت وان قيل وش فيـك اقـول السالفـه مـن هدبـهـا
اظــبـــط الــدلـــه واســــــوق الـفـنـاجـيــل واوقــــد عــلــى نـــــاراً تــزايـــد حـطـبـهــا

انتبه وانا اخوك ترا الاحتطاب ممنوع ضبط الدله على الدافور
وصح السانوك قصيده من شاعر مبدع مير لا تطول علينا بالجديد

الله واكبر كيف صرتـي تفاصيـلللذكريات الـي عجـزت اجتنبهـا

عبدالعزيز

صح لسانك صح لسانك

جميل جداً هذا العربون

تحياتي