يلعن امه طالع يجنن ادخلو للاهمية بلييز

يلعن امه طالع يجنن.
الســـلام عليكم ورحمة الله وبركاته ..



بصراحه فيـه موضوع شدني واحنـا غافلين عنه من جد ..




ما تلاحظون إن كلمـة
[ يلعـن أمـك ]
إنتشرت إنتشار غريـب و مريب ..


وصار اللي يقولها عــااادي جـدآ .. كانه قايـل

[ السـلام عليكم ] ..!


و الأغرب إن اللي تنقـال له عـادي عنده ..!!



كيـف ترضى على أمك ؟! و ليش ؟!



و حتى بعض البنـات’ اللحين بالعكس صارت

عندهم يلعـن أمـك مدحه ..!!

أو هذا تعبير عن الحماس في سالفـةٍ مـا !


مثـلآ ..



يجي واحد يقول : والله أمس سويت كذا وسويت كذا ..



يجي الثاني يقول : يلعـن أمـك ياشيخ ..!!



و إذا قال لـه
[يلعـن أمـك ]
مـدّ هالخشه شبرين كأنه قايل له شعر يمدحه ..!



و إلاّ بعض الشبـاب .. واحد يسأل الثـاني :

وش رايك باللاعب الفلاني ..؟



يقول : يلعـن أمممممممممه يلعـب من جد ..!



طيب أبي أفهـم .. وش دخل أمــه
بالموضوع ..؟!



للأسف الشديد إن الكلمـة هذي منتشره عندنا إنتشار كبيـر ..
و الآن حاصله مع الشباب في جلساتهم ..






فلان: وينك أمس يلعـن أمـك ؟




علان: أبد رحت مع فلان الله يلعـن أمه .



فلان: ليه ماقلتلي إنك بتروح معه الله يلـعن أمـك أنت ويّاه ؟



علان: وش دراني إنك بتروح يلعـن أمك !



فلان: ههههههههههههههههه .



علان: هههههههههااااااااي .





ولاَ كأنه صار شي ...!!



وللأسف إنها تقريبـآ أكثر كلمـة تنقال هالأيام ..
وكم واحد تسأله عن هالكلمه .. بيقول لك : صارت عاده ..!



هذا جـواب اقبح من ذنب ..



مافيه شي تتعود عليه وإنت تدري انـه موب زين ولا تقدر تخليه ..!



يمكن إنت تغفـل أو تـتـغـافل عن الذنب اللي تحصلـه من هالكلمـة ..!



بس لا تنسى و إنت تقول هالكلمـة أنك تسوي شيء من الكبــائـر ..



أنت تخيلت معي ..؟!




كبـائـر الذنـوب ..!!



صحّ عنه صلى الله عليه وسلم أنه قال


{ من الكبائر شتم الرجل والديه , قالوا : يا رسول الله وهل يشتم الرجل والديه ؟ قال : نعم , يسب أبا الرجل فيسب أباه ويسب أمه فيسب أمه } راوه مسلم .








وش رآيكـم ..؟



وش الحل لهذي المشكلـة الخطيرة ..؟



يعني لهـالدرجـة مافيـه إحترام ولا تقـدير للأم ..؟!

والله هذي مشكله ومنتشره يلعن أمك أنتشار واسع
والحل لهذه المشكله النصيحة لمن يقوله ولا فيه
أحد من الاي يقوله يرضاء على أمه شي
بس مجرد كلمات منتشره بين الشباب والمرهقين فقط
أما الناس الذي في منتصف شبابه لايقوله أبد يعني
عرفين معناه الصحيح وياعزيزي كل واحد منا لابد لديه أحترام
وتقدير وتقدير لأمه والجنة تحت أقدام ألامهات ومشكور والله يعطيك الف عافيه
على الموضوع المميز وتقبل مروري

سبحان الله
الان اصبح هذا الكلام عادي عند هذه الفئه الغافله الذي لاتعرف مقياس الكلام وحتى العادات والتقاليد
كلامهم الان اصبح عندهم كاْنه مدح والشهامه مثل ماذكرت يلعن امك الام وش دخلها بالموضوع حسبي يالله عليهم
مانقول الا الله يهداهم
وكل الشكر لك على هذا الطرح المميز اخوي لافي على مواضيع الرائعه

مشكور على طرح الموضوع
وهذه منتشرة
وادعو الله انها تنزال

التربيه وحدها هي من تتحكم بلفظ الاشخاص لهذه الالفاظ الغير مناااسبه
فإن تربى على مثل هذا فهو من الصعب ان تسلبها منه بسهوله

ايضا .. الجلساء ..
(( قلي من صديقك اقل لك من انت ))

لهم دور كبير في الاقتداء سواء قدوه حسنه ام سيئه !!


لافي
اشكرك على طرحك القيم والمفيد ..
دمت بحفظ الله .

قال الرسول صلى الله عليه وسلم ((ليس المؤمن بالطعان ولا اللعان ولا الفاحش ولا البذي))(3) رواه الترمذي ومعنى الطعان: الذي يقع في أعراض الناس بالذم والغيبة. واللعان : كثير اللعن، واللعن هو الطرد من رحمة الله. والفاحش : ذو الفحش في كلامة وفعله, والبذي : السفيه الفاحش في منطقه وإن كان كلامه صدقا.
وقد جاء في الأثر عن أبي الدرداء رضي الله عنه قال : قال رسول الله صلى الله عليه وسلم ( إن العبد إذا لعن شيئًا ، صعدت اللعنةُ إلى السماء ، فتُغلق أبوابُ السماء دونها ، ثم تهبط إلى الأرض فتُغلقُ أبوابُها دونها ، ثم تأخذ يمينًا وشمالاً ، فإن لم تجد مساغًا رجعت إلى الذي لُعِنَ ، فإن كان أهلاً ، وإلا رجعت إلى قائلها ) .
وفي رواية عند الإمام أحمد رحمه الله – وفيه قصة – عن عبدالله بن مسعود رضي الله عنه قال : سمعت رسول الله صلى الله عليه وسلم يقول ( إن اللعنة إذا وُجِّهت إلى من وُجِّهت إليه ، فإن أصابت عليه سبيلاً ، أو وجدتْ فيه مسلكًا ، وإلا قالت : يا رب ! وُجِّهْتُ إلى فلان فلم أجد فيه مسلكًا ، ولم أجد عليه سبيلاً ، فيقال لها : ارجعي من حيث جِئْتِ ) .

وقد قال الشاعر
عن المرء لا تسأل وسل عن قرينه*** فكل قرين بالمقارن يقتدي .




أشكرك على الموضوع


وتقبل تحياتي




محبكم