مهامزه وقت ضيق ومعاسير

[frame="13 10"]
قصيده خليف بن خزيم الوهيداني و الشاعر سهل بن نافع المهيمزي

يامرحبـا عـداد ماغـرد الطـيـر
ترحيبت(ن)فيها الوفـا والـورودي
باللي يعادل فـي مـروره جماهيـر
سهل ولد نافـع عريـب الجـدودي
ابن الرجال اللي بهاالمرجلـه غيـر
حمايـت التالـي عيـال الاسـودي
مهامزه في وقت ضيـق ومعاسيـر
محدن عليهـم بالمراجـل يـزودي
ماحسبـوا لطيـب قـل ومخاسيـر
والجار منهـم مايشـوف الهـودي
وليا لفوهـم مـن بعيـد المساييـر
الفواعلى اللـي يذبحـون القعـودي
والمرجلـه لـو دونهاحكـم تعزيـر
ماردهـم عنهـا وجـوهـا ورودي
على الكرم والطيـب ورد ومصاديـر
وخويهـم والجـار يرقـا سنـودي
ودخيلهـم يلقـا معـزه وتقـديـر
وعدوهـم مايهتـنـي بالـرقـودي
وقت(ن)مضى يوم المعوشه تعازيـر
قـدام الا يحكـم البـلاد السعـودي
يوم(ن)عج الخيل مثـل المعاصيـر
وقت(ن)ماعشبه الردي والشـرودي
كسابـت العليـا وملـح ومغاتـيـر
لو دونها مـن الحراسـه وفـدودي
ويرسون مثل الطويق بالارض والنير
ويسعون للجزلـه بكـل الجهـودي
ماقـول شـي الا ماثبـت باتقريـر
وعندي على ماقلت فيهـم شهـودي
لياهفوابالقـول بعـض الخنـازيـر
ابنا الضعوف امكيجيـن الخـدودي
اللي قبل يمشون خلـف المظاهيـر
ظعوف الرجال معطنيـن الجلـودي
اللي على الهفـوات دايـم مداويـر
اهـل النفـاق ودابليـن الكـبـودي
اللي بهذا الوقت صـاروا مشاهيـر
يوم انها صارت سهـود ومهـودي
اللي سوالفهم علـى دهنـت السيـر
ليته خفس فيهم وصـاروا قـرودي
ورجـع بعدهـا للوجيـه المسافيـر
اللي لهم وقـت الشدايـد وجـودي
اهل الكرم يـوم السنيـن المدابيـر
وقت(ن)مضى واقفا عسا مايعـودي
واليوم يوم انه ضفا الامن والخيـر
ووحدنا بلدنا ابن الشيوخ الفهـودي
عبد العزيز ابن الملـوك المناعيـر
صاروالحكـام الشريعـه جـنـودي
[/frame]

صح لسان شاعرها الوهيداني ويستاهل المدح


عريب الجدودي سهل المهيمزي

والله ونعم بسهل الميهمزي خاصه وبني رشيد عامه والطيب يستاهل المدح

لاهنت ياولد العم على القصيده

بيض الله وجهه على هذه القصيده ونعم ببني رشيد

تستاه المدح المهامزه ونعم بني رشيد وقصيده جزله من شاعرها

المشاركة الأصلية كتبت بواسطة خبير المنتديات

صح لسان شاعرها الوهيداني ويستاهل المدح


عريب الجدودي سهل المهيمزي

تعليقك رائع ورورك اروع شرفت صفحتي

ونعم بعيال عمنا المهامزه قبيله ماشاء الله

ولاهنتم يابني رشيد