شي يخصك باقي عندي

شي يخصك باقي عندي " قلب " من غيرك وحيد !
ما يبي يبقى معاي .........! يا أجيلك / أو يجيلك !

يسألوني الناس عنِّك ! وليه ما أكتب [ قصيد ] ؟!
قول .. لا تسكت .. تكلَّم .. وش أجاوبهم دخيلك ؟!

إختلفنا . . . . . وماعرفنا شنهو الراي السديد ..
يا تضحِّي في عنادك ..! أو أضحِّي في سبيلك !

ليه كل عيد إنتْـفارق ؟! صرت أكرَه كل عيد !
وإنتْـ فارق في [ غلاتك ] .. وقلبي ما عنده مثيلك !

المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !

يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك !

حالتي صعبه / بدونك .. وكيف حالك يا بعيد ؟
أشتكي منِّك إليك .. ومن جروحي , أشتكيلك !

والله ما قصرَّت فيني بس .. ودِّي لو تزيد !
يعني " إذبحني " وكمِّل يا بعد قلبي / جميلك !

أدري غلطاتي كثيره .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!

أقتلك .. لا من خطيت ويا عسى عمرك مديد !
و أعذرك .. لو كنت قاتل لأنه يستاهل قتيلك .!

ويلي منِّك لو نسيتك . . . والزعل طبعاً " شديد " ..
ولو أحس لحظه بـ أنِّك منشغل عنِّي ؟! يا ويلك ..!

كل عاذل جاك بَعْدِي .. وقالـ لك إنِّي : سعيد
- ما صِدَق ! وين السعاده ! والحزن شيَّد رحيلك !

وكل عاذل قال عنِّي شي .. - إحساسه بليد !
ما قدر ياخذ كثيرك .. صار يطمح , في قليلك !

وكل عاذل إن عطيته وجه .. - ورَّااااك المزيد !
لو يقول إنَّه : يبيلك خير !! والله ما يبيلك !

جيتهم طيِّب ....... . وأدري في زماني ما يفيد !!
وش حصيل الطيب فيهم ؟ ومن فراقي , وش حصيلك !

بترك الدنيا عشانك ! دام هذا ما تريد ..
ويا عسى كلمة " عشانك " تشفي يا روحي غليلك !!

الدليل إنِّي أحبك : صرت أحسِّك بـ [ الوريد ] !
وأدري في قلبك يحبني دون ما أسمع دليلك !

في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..

مثل قلبك ما ألاقي ..! ومثلي ما تلقى أكيد !
يعني ما عندك بديل ومستحيل ألقى بديلك ..!

إجلس بـ عرش الفؤاد ولك أحاسيسي عبيد
وإعتبر حُبي نهارك , وقمرةٍ .. تضوي في ليلك !

ياللِّي شيَّعت المفارَق ....., إشرَب وصالي و أزيد ..
خذ دفا إحساااسي و " إدفا " كان بردك هد حيلك ..!

يا أجيلك أو تجيني !هذا هو الحل الوحيد ..
وإنتَ قرِّر يا حبيبي .. يا تجيني يا أجيلك !

يعطيكي العافيه على هذي الابيات الجميله

دمتِ ودام قلمكِ يعطر لنا الارجاء
بنت ابوي الله يعطيك العافيه
دمت بخير

المشاعر من غيابك يا دفا إحساسي , جليد !
طحت من عيني لـ قلبي وما قدرت إنِّي أشيلك !

يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك !

حالتي صعبه / بدونك .. وكيف حالك يا بعيد ؟
أشتكي منِّك إليك .. ومن جروحي , أشتكيلك !

والله ما قصرَّت فيني بس .. ودِّي لو تزيد !
يعني " إذبحني " وكمِّل يا بعد قلبي / جميلك

اللي بقوله تقوله عني هالابيات

ذوق راقي في اختيار المفردات الجميله
ابيات من اجمل ماقرأت
تحيه طيبه
لااختي
الفاضله

صح لسااااانك ...

و لاهنتي ..

تحيااااااتي لك ...

صح الله لسان الشاعر وسلمت يد الناقل

لكل مني جزيل الشكر

ابيات روعه
يعطيك العافيه
ننتظر جديدك