قصيده لشاعر مساعد الرشيدي(امسية البحرين)

ماعاد رجلي لامسيات الشعر عشّاقة طريـق

لو كان ماعفت القصيد ولاتعبت مـن السفـر

لكنها البحرين والبحريـن غوايـة عشيـق

والله مالـي دونهـا صـدّه ولامنهـا عـذر

والليله نجوم السعد تملا سما الـدار وتويـق

والشعر بعيون (المنامـه) مايـبلله السهـر

سلام يـادار الخليفـه عـد لمـاع البريـق

واعداد ماضمك على صدره من الشيمه بحـر

واعداد مازعلتي عدو واعداد مافرحتي صديق

واعداد ماتشرق عليك الشمس ويضوي قمـر

لبيه يادرة خليج العـرب يالسـاس العريـق

لولاك مالبست لك امواجه دشاديـش وغتـر

لبا شموخك يارفـاع العـز ياعـز الرفيـق

في ظل ابو سلمان دمتي في سلام وفي فخـر

يزهى على عرشك ملك تاجٍ على راسك يليق

علق على صدرك من امجاده نياشيـن ودرر

والخير بترابك نهر والشر في بحرك غريـق

ومنين ماتنده لك العليا يجـي دربـك خضـر

يادار يجذبني على لامـاك مكنـونٍ عميـق

وعليك يكفخ بين جنحاني من الفزعه صقـر

لعيون مرجانك ومحـارك وخاتمـك العقيـق

جينـا ولامنـا ولاعنـا ليـا جينـا مـفـر

ان كانها بالفعل نادينـا وصـدرك لايضيـق

وان كانها بالشعـر سيلنـا مداهيلـك شعـر

عهد (سعوديٍ) (اماراتي) (كويتـي) وثيـق

ماله مثيل الا عهودك من (عمان) ومن (قطر)

مانتي لحالك (والعواصم ست) لاشبّ الحريق

ولانتي عشا للي يبي يصطاد بالمـاي العكـر

ماعند غربان المجوس الا الدسايس والنعيق

بانت غباينها بعـد (درع الجزيـره) ماظهـر

والطامع اللي مايبي من تيهة احلامـه يفيـق

قولي له البحرين خط احمر ومطلوبك عسـر

لاشتت الله شمل خلانك عسى فالـك وفيـق

صلي على محمد وكوني مع عليّ ومع عمـر

الله يسود وجه من يزعلك يالوجـه الطليـق

كادن يطولنك يديـن الغـدر ميـر الله ستـر

صح لسان الشاعرمساعد
ومشكور مفلح على النقل

صح الله لسانه على هذه القصيده

اخوي شكراً لك على الاختيار المميز

صح لسان الشاعرمساعد
ومشكور مفلح على النقل

صح الله لسان الزعيم مليون ولايسدون
وبارك الله فيك مفلح على النقل والاختيار الموفق
لك ارق تحيه

صح لسان الشاعرمساعد
ومشكور مفلح على النقل

البحر الهادي
سيف المهيمزي
ابو رشا
مديرنا الفاضل فلاح المهيمزي
ابو سامي المهيمزي
شاكر لكم على المرورالعذب وبارك الله في الجميع