قصيده لي مساعد ربيع الرشيدي

قالها بمناسبة زيارة صاحب السمو الملكي الامير سلطان بن عبدالعزيز ال سعود ... لمنطقة حائل


وحضوره لحفل قبيلة بني رشيد


بهذه المناسبة قال الشاعر مساعد ربيع ....


اهديها لكم ،،،


شاعر عدا براس الراس الابيض ثم غنـا = سند الحرة وذعذاع الهواء يطرق شليلـه


قال صلينـا علـى محمـد وبالله استعنـا = يالله انك تحفظ الخطوه على درب الفضيله


العيون يشوقها نـوِِ علـى سلمـى تثنـا = كن سلمى من فرحها فيه تلفـح بالجديلـه


وانت ياسلطان سلطان القلوب اللي تمنـا = شوفتك قبل الغمام وقبل بـراق المخيلـه


راحت ايام الغياب الموحشه والبيض جنا = والقدم طابت عقب ما ضامها حملِِ تشيله


يوم زال الباس عنك وجيت زال الهم عنا = ليلـةِِ مامثلهـا ياسيـدي بالعمـر ليـلـه


ياهلا بك وأبرك الساعات يعـزوة وطنـا = يا عريب الساس راع الباس حمال الثقيله


ياولد عبدالعزيز الفيصلـي فلتـة زمنـا = الزعيم اللي بنى الوحده وشرع الله دليلـه


أنورت حايل واهل حايل وكلِِ بـك تهنـا = والله انك ياطويل العمر شرفـت القبيلـه


والله ان الشعر في مدحك بغيناه وزملنـا = انت تبغى الصدق والله مالنا بالمدح حيلـه


مير زان لنا مقامـك بينـا والشعـر ثنـا = حي فالك يا سحاب الجود كساب الجميله



سيدي والله لو تامر علـى الرجـال منـا = يفتديك العمر ماتلقـى بنـا روحِِ بخيلـه


سيدي حنا سلايل عبس حنا عبـس حنـا = سعد عين اللي ليا منه نخانا نعتـزي لـه


دون حد الـدار وان بغـت منـا ومنـا = والجهات الاربعه والخامسه والمستحيلـه

الشاعر : مساعد ربيع الرشيدي

الف شكر لك اخوي جمال على اختيار هذه القصيده الرائعه
لك مني ارقى تحيه

صح السان الشاعر
والله يعطيك العافيه
لي اختيارك هاذي
القصيده الجمياه
تقبل مروري

صح لساااااااااانك

يعطيك العاافيه

سيدي حنا سلايل عبس حنا عبـس حنـا = سعد عين اللي ليا منه نخانا نعتـزي لـه


دون حد الـدار وان بغـت منـا ومنـا = والجهات الاربعه والخامسه والمستحيلـه

الف الف شكر

صح لسانك ومشكور اخوي تحياتي للجميع تقبل مروري..