مسااااجله شعريه ) حروووف وابيااات

هات القلـم ياخـوي فـي خاطـري بـوح
ودي اترجـم لـي طــواري وهـوجـاس
واخـذ مـن الابيـات سجّـه مـع الـروح
فـي مـعـزلً مافـيـه مايـزعـج الــراس
هـذي ثمـان سنيـن والقـلـب مـجـروح
والـفـكـر شـــارد والمعـالـيـق يـبّــاس
ويفـوح فـي صـدري همـومٍ كمـا فـوح
صفـر الـدلال اللـي لهاالنـاس جــلاس
امشـي عـلـى درب المقـاديـر وانــوح
ويهيـض وجدانـي ليـا هــبّ نسـنـاس
سبـة ظـروفٍ تجـهـد الـحـال وتــروح
وتتـرك مواجعهاعلـى القلـب حــراس
تعبـت وانـا اشيـل والـوقـت مشـفـوح
يطوي سنيني دون رحمه ولا احساس
كنـي غريـقٍ شـاف موتـه علـى لــوح
تلعـب بـه الامـواج مـا صابـه الـيـاس
ابـنـي مــن الاحــلام بـنـان وصــروح
احــلام ورديــه غــدت مالـهـا ســاس
واطـرد سـراب الــلال واخيلـهـا دوح!
مـثـل الــذي فالدهرللـسـيـل عـسّــاس
وازيـف الفـرحـه سوالـيـف وامــزوح
وامـنّـي الخـاطـر بــلا بــاس لا بــاس
تدري وش اللي يقهرالقلـب والـروح؟
انــك تعـيـش العمرمـحـتـاج لـلـنـاس




( س )

سرى البارق اللي له زمانين ما سـرى === صـدوق المخايـل بارقه يـجذب الساري
علـى فــرعة الــــوادي وسـيله تـــحــدرا === وغنت طيـور الـما عـلى الحاير الجاري
مرابي غــزال عــقـب عـرفــه تــنــكرا === علـيه الله اكــبر كــل ما حــل له طاري
برى الجرح منه ومني الجرح ما برى === وهو يحسب انه يوم طال الــمـدى باري

(ي)