#{[ أنا وقلبي ]}#

( أنا) + (قلبي)

قلت للقلب تكفى عن غلا البيــــــــض توب
وخل عنك الهوى وانس التعب والغلايب

انس قيض الهموم وسرمـــــــــدي الذنوب
والسهـــــر والجروح الداميات العطايب

قال يابن الحلال انا عليه مغصــــــــــــــوب
كيف تبغاني انبض دون حب وحبـــايب

تدري انه ماهوبالكيف يومـــــــــــــي اذوب
الهوى ذايبٍ فيني وانا فيه ذايـــــــــــب

قلت زين... الشقى.... ماني لعرفه طروب
وماني اهوى تكباد النكد والنشايــــــــب

ماتشوف التعب بين على والشحـــــــوب
انت تعشق وانا لي الشقـــــــى والطلايب

قال شي انكتب لا عاد ترجي الهــــــروب
والصراحــــــــه ترى ماني بكل السبايـب

صح غالبك.....! لكني تراي مغـــــــــلوب
ما اقدر اقاوم الزينــات شقر الذوايـــــب

قلت ياقلب لا صادفك غروٍ لعــــــــــــوب
احذر تعاشره يجلب عليك المصايــــــــب

لا تعاشر سوى ظبي عديم العــــــــــيوب
ماهو من الخبول مكثرين النحايــــــــــــب

قال اقول انثبر لا اعلقك بالهـــــــــــبوب
ولاتخليني احـــــب السمــــا والسحايــــــب

واعشق الشمس لا مالت بوقت الغروب
وانت فكر على مهلك وشوف العجايـــب

قلت ياقلب ماتدر ان باقي القلـــــــــوب
مســـــتريحه من الاحزان ومن التعايب

ول ياقلب ما كثر ماتحن وتلـــــــــــوب
اعـــــقل وتوب قبل اتصير فيك الغرايب

قال دوبي طعمت الحب والعشــق دوب
وانته اذيتني كني من الحــــــــب شايب

شوف لو قلت لك بتوب فانا كـــــذوب
عن هوى الغيد تبطي عضم ماني بتايب

اتمنى ان تعجبكم ...

اختيار موفق
تقبلي مروري انا حب الغموض

مشكوره والله يعطيك الف عافيه
تقبلي مروري ودمتي بخير

كلمات رائعه وجميله بين القلب وصاحبه شاعر مبدع

من يختار مثل هذا السلوب بالشعر بعيداً عن التطفل

صح الله لسان شاعرها وسلمت يمينك على النقل

دمتي بخير

دانه وفقك الله أختيار بارع بالجمال

مشكوره والله يعطيك الف عافيه

حوآآآر شعري رآئع وحساس بين القلب وصاحبهُ
بس عجبني حييل الابيات

دآنه أشكرك على هذهـِ الابيات الرااائعه
وتقبلي وجودي بكُل ود
كُنتُ هُنا
محمد ِ