محمد المويزري يرثي الأمير سلطان بن عبدالعزيز

وها هو اليوم أول من رثى الأمير سلطان بن عبدالعزيز رحمه الله

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بعض المصايب غير كل المصايب=وأكبر مصيبه للعرب فقد سلطان
حكام طاحت وأعتلتها النصايب=ماهزت قلوب ولا رفت أجفان
إلا أنت ياسلطاننا فـ / النوايب=عاذر عيوني فيك لا فاضت أحزان
عليك دمعي بالفجيعه سكايب=من أصبحت فالسبت حتى مسيان
من لا حزن لك ياأبيض الوجه خايب=ومن لا دعالك ماعرف طعم الإحسان
كنت الحقيقه في زمان العجايب=وعشت لتقاليد العرب خير برهان
مرحوم ياأمير الكرم والنشايب=ياسابق في كل كلمه وميدان
((مادحك)) يوم أنك تقود الكتايب=واليوم أوصي فيك قبرك والأكفان
الله يبيحك ياشقيق السحايب=في وقفتك/ ويمينك ظلال وأمزان
والله يحلّك ياشبيه الهبايب=مغلاق للفتنه وللخير عنوان
والله يحرّم عنك حر اللهايب=ياناصر السنه على عوج الأديان
أكرمك ربي كثر ماأكرمت شايب=ورحمك رحمتك لأرامل ويتمان
وأمنك كثر اللي لجا فيك هايب=وفرجلك الشده وعلاّ بك الشان
وأسكنك بالفردوس بين الحبايب=محمد وآله وصحبه والأخوان
فقدتك عندي مثل فقد القرايب=أقولها لك حق من قلب ولسان
كم حاضر فالناس /بالفعل غايب=وكم غايب سيرته في كل ديوان[/poem]

رحمة الله عليك يافقيد الأمة العربية


بواسع رحمة

آلله يرحمه ولن يفيد التمني فكلنا على دربه ...،

لايسعنى سوى رفع آكف آلدعاء عسى ان ينال جنان الخلد يآرب..


...

صح لسان شاعرنا اللي شاركنا الاحساس...
كل الشكر لك لأفي ربي يسعدك ويديمك لمن احببت يارب...

صح السان الشاعر / محمد المويزري

يعطيك الف عافيه أخوي الافي
لاهنت على النقل الرائع
رحمك الله ياسلطان الخير

رحمك الله رحمة واسعه
واسكنك فسيح جنانه

صح لسان الشاعر محمد المويزري
ومشكور لافي على النقل
ورحم الله فقيد الامة الاسلامية سلطان الخير

صح الله السان محمد المويزري ورحم الله الفقيد ومشكور لافي على النقل