يا لله يا رب الضعوف المساكين

30-Jun-2009, 10:05 PM

]مرشد البذال يوصي أبنه

يا لله يا رب الضعوف المساكين = = = = اللي لك المخلوق يحسن صلاته
تستر على غوشن صغارن مكفين= = = = اكبرهم العارف دليلة عصــاته
لا يا عيالي كـلبوكم حبـيـبـيـن= = = = عندي وعند الناس كلن وذاتـه
عندي غلاكم يدفن الزين و الشين = = = = وعند العرب كلن تشاف اخملاته
يا عبيد انا خابرك ورعن لهالحين= = = = داوي بغبات الجهل وظلماته
لاشك علمي لك محبه وتفطين = = = = تسمع الوالد وثبت وصاته
وصاة مخلوق يعرف القوانين = = = = ما فاة عمرة بالجهل والهياته
ياعبيد أنا أوصيك مني بثنتين = = = = ثنتين هن سؤ البشر وحسناته
أوصيك لا تبحث سدود المغيبين = = = = و لا تجهر اللي غارقن بغفلاته
تري النميمة تمحق الرزق والدين = = = = و المنزل العالي تهدم اطبقاته
ولاتحسبن أهل الظليمة بخيتين= = = = كلن يوافق ماعمل في وفاته
وانذرك عن حق الضعيف المسيكين = = = = اللي على حقه يهل عبراته
تري الضعيف الليا غدي الليل ليلين = = = = يدعي وعند الله توافق ادعاته
الظلم فأن الظلم يفني السلاطين = = = = يا ويل راعي الظلم من مقبلاته
و انذرك عن ربعة رخو من هياسين = = = = اللي سوالفهم بوده وهاته
و يا عبيد الاقشر لو صفا لك نهارين = = = = نهار ثالث جاك يرفع عصاته
و الله عندي ربعة الناس الاقصين = = = = و لا صديقا يبلشك في حياته
تري الرجال ابهم فهود و حياوين = = = = جاك الكلام اللي صحيحا ثباته
ان كان ما تدري تري الناس دارين = = = = الرجل مدحه بالمجلس طراته
رجلن تعلق به رجالن مسلمين = = = = عز الرفيق و لابته والحماته
ورجلن تشوفه جسم وعيون ويدين = = = = و لولا الشعر ما تفرقه من خواته
كم واحد بالبيت يضرب بسيفين = = = = وان جاء حزم كلاب قبع عباته
و الحلم عن الغيض ينجي الشياطين = = = = يكفيك شر ابليس هو ودحراته[