الايام تحمل طيات الماضي 2

الايام تحمل طيات الماضي 2
تعرف على الكوفي شوب , وطلب حليب شاي و صامولي جبن ( اصلا ماعرف بالكوفي الا هالطلب والا الباقي اسامي اجنبية مايعرفها ) , قام ياكل بسرعه لانو خايف تبدا المحاضرة وهو سمع ان الطالب اذا تأخر عن وقت المحاضرة يطرده الدكتور , استقبل المعلومات والارشادات من ولد عمه اللي تخرج وتوظف بالرياض .
كان صالح متحمس , وكان من المتفوقين والاول ع دفعته , هذي ايام الثانوية , لكن الحين تبدلت الاحوال , قام يمشي متوجه للقاعة , لفت انتباهه شاب واقف عند باب القاعة :
-السلام عليكم
*هلا (( رد عليه من طرف خشمه )
-كيف الحال ؟؟؟
* بخير
- ماجاء الدكتور ؟
* قال وش رايك ؟؟ تشوف احد داخل القاعة ؟؟
دخل وحجز له كرسي قدام طاولة المحاضر , وطلع يتنظر مع اول شخص يحاكيه بالجامعة :
- يالطيب ماتعرفنا على الاسم (( مسوي يشبك اخونا بالله ))
*معاك عبدالله ال .........
- ونعم فيك
* ماعلاك زود وانت شسمك ؟؟
- انت من سكان الرياض ؟؟
* لا من سكان الفضاء , اكيد من الرياض , ليه انت مو من الرياض ؟؟ (( المعروف عن عبدالله خفة الدم والسماجه ببعض الاوقات ))\
* لا , متغرب , من برا الرياض
- ياابن الحلال لا غربه ولا شي انت بين اهلك , اقول دخلنا جاء الدكتور .

دخل عليهم الدكتور وعرفهم عن نفسه والمقرر اللي راح يدرسه لهم , وطلب منهم كتاب باسم المقرر , وبدا محاضرته الغثيثه الممله اللي تقصر الوقت (( شعور صالح )) , كان عبدالله يجلس بالمقعد اللي جنبه , مرت الساعات والمحاضرات بسرعه , وكل وقت صالح مع عبدالله (( مسكين يرحم الحال متغرب ماله احد الا ولد عمه اتصل عليه وسأل عنه قال الليلة امرك ونطلع ونتعشى مع بعض وراح امشيك بالرياض ياابن العم ))
انتهى دوام صالح وعبدالله , عبدالله بدا الحوار :
*وين بتروح ياصالح ؟؟
- الغرفة اللي بالسكن بتسطح ع السرير اللي كأنه سرير مساجين ماهو طلاب .
*اقول خلنا نروح نتغدا واجب ضيافتك والله ماتردني قل تم
- بوقت ثاني , ملحوق ع الغدا والطلعات
*والله تتغدا معاي , انت صاحي ؟ , وغصب عنك مو ع كيفك
- طيب يلا نروح نتغدا , الله يعيني عليك
* كفو ياذيبان خلك راعي صمله
اتجهوا لاحد المطاعم , مطعم شعبي , يضبط ابو الكبسه ويحبكها حبك , بعد ماتغدوا
عبدالله :
*انت تبيني اوصلك للسكن والا تطلع معاي للقهوة
- وش قهوته ؟؟
* انا رجال اعسل , كانك بتخاويني ومنها بعد مانطلع اوصلك لشقة ولد عمك , انا تحت الخدمة
- بس بتعبك معي , وبعدين شقته مااعرفها
* التعب ع الموتر ماهو علي , تتصل عليه ويوصف لك المكان ماتدري باي حي ؟
- لا
توجهوا للقهوة , وطلب عبدالله معسل تفاحتين نخله بيكيف الراس , سأل صالح :

بيكيف الراس , سأل صالح :
- عبدالله وش تستفيد اذا عسلت؟
*عشان اقضي ع الصداع اللي براسي
- انت تتوهم لا صداع ولا حاجه , اقطعه احسن لك بدال ماتضر نفسك وانت توك شباب
* بو صلوح ماعلاك مني انت تبا اطلبلك معسل ؟ شكلك تبي بس مستحي
- لا , الله لا يبلانا ويفكك منه
بعد مااخذ اخر موشه قام ومعاه صالح , اتصل ع ولد عمه ووصف له الشقه بحي الروضه , وصله وماقصر قام بالواجب وزود , واخذ رقم صالح , وكان اول رقم يضيفه صالح بجواله ابو بصمه
دق باب الشقة وفتح له سعد " ابن العم " وصافحه بحراره , سعد :
*حي هالوجه تو مانور الرياض
- بنور اهله
تعرفون الترحيب عندنا كيف يصير , كيف الحال ؟ والعلوم ؟ الله حيه كيف الحال؟ والعلوم؟ الله حيه , موال طويل ماينتهي الا اذا سكت واحد من الاثنين .
سعد انشغل عن صالح لانو كان ع النت , اسس منتدى واطلق عليه (( منتدى بنات 2005 )) مع مجموعه من البنات اللي يعرفهم " خطير ياسعد منت سهل راعي بنات وحركات " , وصالح جلس يتفرج ع القنوات الفضائية , ويقلب من قناه لقناه , طبعا عندهم هناك بالديرة قناة خصم 1 و 2 , الاولى والثانية السعودية , وهو اول مرة يشوف مثل هذي القنوات , اغاني ورقص وافلام بجميع انواعها الا المشفر منها .
مرت ساعتين , واخيرا رفع راسه عن الشاشه مابغى اعوذ بالله ( لسان حال صالح ) , سعد :
*صالح تعال شوف بسرعه
- والله ماعندك الا الدجه , ماابي اشوف شي
* يابن الحلال تعال والله بيفوتك نص عمرك
كان على نيته , جاء وقرب عيونه وشاف وحده جالسه ع سريرها كانت مشغله الكام , قاعده تحكي بالجوال من اصول مش سعوديه ملامحها من الشام العتيقه , لابسه بجامه علاقي , ومو مصبغه وجهها لا احمر ولا وردي , جمال رباني , سبحان من خلأها
صالح :
- سعد وش هذا ؟ ذا فيلم ؟؟
*لا , هذي ع الهوا مباشره , احنا نشوفها وهي بعد تشوفنا
- لا تستهبل علي
* والله العظيم
- هذي سعودية ؟؟
* امها شاميه وابوها سعودي
- اهااا , طيب ماتخاف من اهلها ؟ , وين اخوانها عنها ؟
* لا , مااحد يدري عنها , البنت هذي فري وماعليها من اطلق شنب
ضاق صدر صالح , وحس انو المشوار بيكون صعب عليه , البداية ماتبشر بخير , من دون شعور انتقل للغرفة الثانية يبغى يتصل ع امه ويتطمن عليها :
- هلا يمه , وشخبارك ؟ معاك صالح , ولدك عرفتيني ؟
*هلا يمه , كيفك حبيبي ؟ ااااااه ياولدي خبرني عن اول يوم لك , انت تعشيت ؟
- لا , بتعشى بعد شوي انا عند سعد بالشقة .
خبرها باللي صار معاه بالجامعة لكن مو كل شي , فيه احداث محاها مثل روحته مع عبدالله للقهوة .
وانتهت المكالمة بعد ماقامت توصيه بالصلاه والخوف من الله ونبهته مايخاوي الدشير اللي مالهم هدف بالحياه , ( بلاها ماتدري عن ولد عمه )) .
صالح جلس بالغرفة متكدر الخاطر وطفشان وحاس بالوحده
*صالح تعال ابيك بسرعه
- خلني لحالي , ولا يكثر
دخل عليه سعد , ويتبسم , وعطاه جواله
*كلم البنت اللي قبل شوي تشوفها ع الكام
- مالي خلق بطل حركات النصب من زمان وانت كذوب
* خذ كلمها
وهو منقرف ومتعكر مزاجه , طبعا غير صوت امه وخواته وعماته وخالاته ماسمع صوت من قبل
- وش اسمها ؟
* وفاء
اخذ الجوال وقام يتنحنح
- احم احم الو
*هلا صالح كيفك ؟
- سعد قوم ضف خشتك خلني ع راحتي
* سعد يلا قوم روح خل صالح يعرف يتكلم
- كيف حالك وشخبارك ؟
* الحمدالله منيحه نشكر الله
- انتي سعودية ؟
*ايوه
- ماتستحين ؟ ماتخافين ع نفسك ؟ عيب اللي تسوينه
* هههههههههه , شوو دخلك ؟ انا بكيفي اعمل اللي بدي
- انا طفشان وزهقان ومالي نفس لشي
* عادي انتا معاي ولازم ابعد الطفش عنك
- يووووووه , كيف ؟؟ بالحكي الفاضي
* انتا شوو وجعك ؟؟
- ضايق صدري وتوني جيت الرياض واول مره اجيها , شفت بيوت وقصور وناطحات سحاب (( يقصد الفيصلية والمملكة )) وشوارع كبيرة وسيارات غريبة , يابنت الناس افكر ارجع لاهلي واسحب ع الجامعة
* هههه , لسى ع النكد , انتا مو اصغير , ياحبيبي ياصالح ياعمري وربي لحمك طري , اكيد راح تتعب بالبداية بس صدقني راح تتعود
- اما حبيبك وعمرك ؟؟؟ سلامات مايمدينا خذينا وعطينا مع بعض
* ياقلبو وحياتو وتوأم روحي كمان
- من متى تعرفي سعد ؟
* من زمان , تقريبا سنتين ونص , تعرفت عليه بالشات واضفت ايميله عندي , وقابلته ب ........ ( مجمع تجاري مانبي نسوق له دعاية ))
- وش الشات والايميل ؟
* ههههه , مو عارف شوو هيا ؟؟ خلاص بخلي سعد يعلمك فنون الشغله سهله مو صعبه , صالح , صوتك خافت واموت مع النوع اللي مثلك
- موتي وش اسويلك ؟؟ الله اكبر مابيبكي عليك غير امك
* هههههههه , بالعكس موتي بيكون لو اثر ع ناس كثير واولهم سعد
- بنقققققققققققق والله من الصواريخ النوويه والارانب
* ههههههه , شووو بنق ؟
* هذا اذا واحد عطاك نصبه تقول كذا
هههههههههههه, طيب يلا خليني اشوفك ع الكام بدي بفرجيك اشي
- نساير التيار , شوو بدك تفرجيني ؟؟
توجه للصالة وسعد جنبه
*اهلين
- هلا
* شوو ماسه برأيك ؟؟
- حلاو مصاص
* تتوقع شوو راح اعمل فيها ؟؟؟
- بتحطينها داخل فمك
* لا ,

الجزء الثالث بالانتظار

ننتظر وش ورانا

مشكور على القصة بنتظار جديدكـ

يقع الإنسان , أحيانا ضحية قانون لا أعلم ؟

ننتظر مابدأت به !

ننتظركـ

يعطيك الف الف عافيه


على الطرح الرائع

والمتميز


تحياتي لسموك