 |
 |
|
|
||
 |
 |
|
|
|||||||
| ◄ المنتدى العــام ► المواضيع العامة والغير مصنفه |
 |
|
|
أدوات الموضوع | انواع عرض الموضوع |
31-Jul-2010, 01:39 AM
|
#1 | |
|
عضو متقدم
|
هذا معلومات غير معروفة عن البنوك .. يجهلها ( كثير من العملاء ) .!
بسم الله الرحمن الرحيم
السلام عليكم ورحمة الله وبركاته كم مرة رحت للبنك عشان تفتح حساب ، وقال لك الموظف / ما أقدر افتح لك حساب إلا لازم تحط مبلغ معين ؟! بعض الموظفين يقولك 10 الاف وبعضهم يقولك خمسة الآف وبعضهم الف وبعضهم يقولك أي مبلغ تقدر عليه ..!! خذ النصيحة هذي مني .. إذا قالك الموظف مثل ذا الكلام .. أضحك في وجه .. وخذ الامر ببساطة ، وقل له .. ممكن اعرف اسمك .. إذا كان مو حاط اسمه ، والا فالمفترض يكون الموظف اسمه مكتوب او حاط بطاقة على صدره فيها معلوماته . إذا قال ليه ؟! قل بس ابغاه ، وإذا انت ما تبغى تقول لي اسمك .. برضوا أنت حر .. وبرضوا ابتسم في وجهه ..!! عادة اذا طلبت اسمه يعرف الموظف انك راح تشتكيه وراح يتدارك الموضوع وراح يقولك اوكي .. راح يصرف الموضوع بأي طريقة وراح يفتح لك بأي طريقة بدون اي مبلغ . إذا مسكت مع الموظف عناد وبدأ يسوق عليك العبط ... وأصر على المبلغ لفتح الحساب .. أطلع لمدير الفرع ، وبلغه باللي حصل من الموظف ، وقله بكل بساطة انا جاي افتح حساب والموظف طلب مني مبلغ عشان افتح الحساب ..!! وشف المدير .. وش راح يسوي في الموظف ..!! بس لحظة ..؟! ممكن يكون المدير صديق للموظف ولا يبغى يحرجه وممكن يتعاون مع الموظف .؟! اذا وقف المدير مع الموظف ... برضوا اضحك .. وابتسم ... وخذ الامور ببساطة ...!! لكن قبل ما تطلع من مكتب المدير قل ذا الجملة .. وشف كيف تكون ردة فعل المدير  قل له / اوكي ، إذا انتم مصرين على أني افتح حساب ولازم احط مبلغ .. انا راح اتصل الآن على إدارة البنك ، وراح أكلم مؤسسة النقد .. بالكلام اللي قلته لي أنت و موظفك ... وقتها ... شف مدير الفرع وش راح يسوي ..!! راح يتغير لون وجهه ... ويختبص ... ويرتبك ... وراح يترجاك ان الموضوع ما يكبر ...!! لأن مدير الفرع اكثر واحد يعرف وش معنى العميل يشتكي على ذا الموضوع ( بالذات ) وهو موضوع فتح العميل لحساب ب مبلغ مالي ..!! النظام يقول ، واللي موظفين البنك واحد واحد يعرفونه ، وهو من ( ابجديات العمل المصرفي ) ... إن ( شروط فتح الحساب للسعوديين البالغين : هي البطاقة الشخصية فقط لا غير، و يمنع منعاً باتاً طلب أي مبالغ مادية من العميل إذا اراد فتح حساب ) . اذا اشتكي العميل لمؤسسة النقد ، ممكن يغرم البنك بمبلغ كبير ، وإذا اشتكى العميل لإدارة البنك عن طريق الرقم المجاني شكاوى العملاء ، راح تلعن الإدارة ابو خامس مدير الفرع والموظف ، والموضوع ابداً مافيه اي تساهل من اي ادارة بنك . لكن اكثر الناس ... ما يعرفون . ........................... 2 إذا رحت تلغي الفيزا .. لا تكتفي بـــ الإجراء اللي يسويه الموظف .... وهي انه يأخذ البطاقة ويقصها او يخرمها قدامك ... وتوقع على نموذج الغاء البطاقة ... بل .. يجب أن تطلب ( مخالصة نهائية ) من البنك .. وهذي عادة تتأخر شوي لأنها تصدر من ( إدارة البنك ) مش من ( الفرع ) ... لكن مو مشكلة .. لأنها في احيان كثيرة ... النموذج هذا اللي تعبية في ( الفرع ) ، غير كاف لإلغاء البطاقة ، وراح تكتشف بعد شهور إن البطاقة لازالت محسوبة عليك .. ويمكن يصدرون لك بطاقة جديدة ( مجددة ) بدون علمك ..!! المخالصة تضمن عدم احتساب أي مبالغ على البطاقة وتضمن عدم تجديد البنك للبطاقة . ................ 3 البرامج اللي تقدمها بعض البنوك .. برامج ... للزواج .. برامج للابناء ... برامج أدخارية ومستقبليه و ما ادري إيش .. !!! مهما حاول الموظف انه يقنعك فيها ... طنش ...!! كلام فاضي ... والفائدة من ورائها ... شبه معدومة .. إن ما خسرت فيها .. ما راح يجيك الا راس مالك ... وإذا جاك ربح .. فهذا الربح .. مايسوى .. انك تتعلق مع البنك ... لسنوات وهم يخصمون من راتبك ..!! العملية كلها ببساطة ( هي ربط العميل مع رقبته ليكون اسير للبنك ( عملية تسويقيه بحته ) ، والفائدة الكبرى للبنك . لكن الموظف مجبور انه يسوقها عليك كعميل ... لأنها محسوبة عليه ، فالتقييم الربع سنوي للموظف واللي ممكن تساعده في الترقية غير البونس ... فيه جزء كبير منه العمليات التسويقية اللي يقوم فيها الموظف ..!!! إذا ما حقق الأهداف المطلوبة منه .. مثل تسويق هالبرامج او بطاقات الائتمان او القروض الشخصية ..او العقارية ... راح ينعدم في التقييم .. وبالتالي يأثر هالشيء على ترقياته ... وهذي من لعانة ادارة البنك اللي تجبر الموظفين على الكذب على العملاء وتزيين هالبرامج الخربوطية وزحلقتها على العملاء . |
|
|
|
31-Jul-2010, 08:32 AM
|
#3 | |
|
عضو برونزي
|
الله يعطيك العافيه على هذي المعلومات
من بكره ابي الروح اسوي صرافه ليه تقبل مروري |
|
 بالله ابو تركي وش رايك في صورتي مو حلوه يالبى الامير الوحيد بس
|
|
31-Jul-2010, 08:53 AM
|
#4 | |
|
عضو ذهبي
|
البنوك بشكل عام اهم شي عندهم الربح وانت يالعميل بستين داهيه
صارلي نفس الموقف يقولي الموضف لازم تسوي ايداع 10.000 ريال ساقوها علي ومشيت ههههههههههههههههههه بس واحد من العيال في العمل كان اخوه في نفس البنك بس بفرع ثاني وارسلني له وما قصر وقلت له القصه وضحك قلت ليش تضحك قال هذولا ناس ما تبغا تشتغل وهذا اللي صار مشكور اخوي المــــــشــــــتـــــاق ع الطرح المفيد وتقبل مروري اخوك |
|
|
|
|
01-Aug-2010, 04:15 AM
|
#5 | |
|
عضو متقدم
|
شكرا لمروركم وردودكم الجميله بلسم الروح
ومهيمزي الشمال انشالله تطلع لك صراف وعيسي الساطي تري ماتحتاج معرفه بس المشكله كثير من المجتمع لايعرف شي ودمتم بخير |
|
|
|
|
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
(عرض الجميع )
الأعضاء الذين قرأوا الموضوع هم : 0
|
|
| عفوا لا توجد أسماء للعرض. |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حساب موحد في البنوك ورقم خاص في شركات الاتصالات حملة إغاثة الصومال: الملك وولي العهد والأمير نايف يتبرعون بـ 35 مليون ريال | ابوعلي المهيمزي | ◄ المنتدى الإعــلامي ► | 7 | 01-Sep-2011 10:10 PM |
| موظفون حكوميون يدعون البنوك المحلية لإعادة النظر في إيقاف تحويل الرواتب يوم الجمعة | نبراس | ◄ المنتدى الإعــلامي ► | 3 | 30-Apr-2011 12:40 AM |
| أية حيرت العلماء | عيسى محمد الرشيدي | ◄ المنتدى الإسلامي ► | 7 | 24-Apr-2011 04:27 AM |
الساعة الآن 06:44 AM