طاروق الشاعر/ حجاج المهيمزي //والشاعر / فهد العازمي

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
حجاج المهيمزي
سلام الله عليكم ياهل الاحساب والانساب =دواسر والدواسر ناس تاقف دون واجبها
الا يالعازمي ليلك طويل وقافنا ماشاب =عساك اللي يحبك بيوت شعره مايركبها


فهد نعيم العازمي
هلا يامرحبا ترحيبتن تاصلك عند الباب =نيابه قلتها عن راعي الحفله معزبها
تراني راعي السيف الشطير وراعي المشعاب=بعد ماجيت ساري هذب الاخبار هذبها

حجاج المهيمزي
يدوم الك البقا وانته وانا بالماقف الغصاب =مدام ان البحور الزرق عايمتن قواربها
تقول انك ولد فعلك خطير وباللقا ماتهاب =علومك طال عمرك وانت صدقها وكذبها

فهد نعيم العازمي
مدام انك مع الشعار تحسب للعلوم احساب =على مايسر الله شرق الرحله وغربها
انا شايب ولي بعض التجارب والولد لعاب =ترى لعبتك هذي يالرشيدي محد يلعبها


حجاج المهيمزي
تعرف ان صاحبك له هيبتن تبقى ان حضر وان غاب =ونعرف العازمي من قوم ماتصفي مشاربها
الا ياشايب الرحمان تدري الكل شي اسباب =انا ماقلت هرجن للنشاما مايليق ابها

فهد نعيم العازمي
الك هيبه والك غيبه ولانت بمورد الهياب =ليا منا ضحكنالك دقايق لاتخربها
تخاطب لك شنب مايلعب الا مع رجال اشناب =بلاه الله بناسٍ مابعد نبتت شواربها


حجاج المهيمزي
تحسبنك سوات السيف الك سطوه والك مضراب =انا اعرف السيوف الساطيه واعرف مضاربها
ترى شاربك هذا ماتقول الا جناح اغراب =ياليت عتيبه الهيلا تجي تاخذ طحالبها

فهد نعيم العازمي
اشيل الخرج طول الليل واثر الخرج وسطه داب =وانا ماهمني ديبانها والا عقاربها
والا ياطير ياقرناس دور عالي المرقاب =تراك من الحرار اللي تعشيها مخالبها

حجاج المهيمزي
تشيل الداب مير الداب له سمٍ براس الناب =تنبه يبن عازم والافاعي لاتقربها
[/poem]

مشكورويعطيك العافيه

مشكور وبالتوفيق للجميع.

تقول انك ولد فعلك خطير وباللقاء ماتهاب =علومك طال عمرك وانت صدقها وكذبها

الله الله ابداع من الطرفين وصدمة للشاعر فهد العازمي لم تكن بالحسبان

شكرا يامفلح المهيمزي

تـــرى شـاربــك هـــذا مـاتـقـول الا جـنــاح اغـــراب -------يـالـيـت عتـيـبـه الـهـيـلا تـجــي تــاخــذ طحـالـبـهـا
صح الله السانك يابن مدله