وماعاد باقي له مع الوقـت تعريـف

عزي لقلبٍ ربّعت بـه صواديـف
وألحانها من نـزف جرحـه تجـره
تسمر على ليل العنـا والتكاليـف
وتطرب على شكوى القضى والمضره
وان كانها تضفي على القلب وتضيف
اضفت بـلاوي كايـده ماتسـره
حمله ثقيل وباقي الحمـل ماشيـف
ولو ينتخي بالعـزم فالعـزم غـره
خارت مطايا هقوتـه والتحاسيـف
انشت سحابة دمعتـه مـن مقـره
يسبق خياله برق ورعـود ويقيـف
يمنـع شموخـه هـل وبلـه ودره
تسمع صهيل الضيم في خايع الريف
وتلمح على خديـه كـره وفـره
كنه جمع حظه وزيـن التصاريـف
وفي ظلمـة الحرمـان فكـه وذره
ماعاد باقي له مع الوقـت تعريـف
على ضفـاف الهـم محـدن يمـره
قل الفرج ياكود طرق التواصيـف
يطفـي بهـا نـارٍ بصـدره تحـره
باسه شديد ولا لقى لـه مجاديـف
تاه بعذابـه والبحـر ضـاع بـره
من شاهده بالعين صدّق بلا زيـف
ان النوايـب تكسـر اللـي تمـره
العام تذكر ضحكته باول الصيـف
واليوم كن الضحـك مايـوم مـره
يالله انا طالبك حقق لـه الكيـف
عسى السعد ياتيـه بالعمـر مـره
قلبٍ عرفته همسته حيـف ياحيـف
وإليـا نـطـق دعـيـت لله دره
يرجي من الرحمن صبـرٍ وتخفيـف
ويبعد خفوقه عـن تدابيـر شـره



وسلامتكم

بندر المهيمزي

مشكور اخوي على هذا النقل الرائع لقصيدة مميزة بتركيبها و معانيها ،

سلمت يمينك و صح لسان شاعرها ،

تقبل مروري .

كنه جمع حظه وزيـن التصاريـف
وفي ظلمـة الحرمـان فكـه وذره
ماعاد باقي له مع الوقـت تعريـف
على ضفـاف الهـم محـدن يمـره
تسلم بندر على النقل الجميل
تحياتي حب الغموض

اشكركم على مروركم ويعطيكم العافية
تحياتي